¹ Kisa bene Yeso aotimbikana ka mosomba ao fundisa na ubilia mbino anja a Bwame a Mokonga, na buno komi na ibee bayatu oma imochi, ² na bake ne ayaefhondisi na ba amandaima na ngobo. Malia Magadelena n'mbo ayan'tokisi ba amandaima sab'a bayan'toki. ³ Joana n'kakr na Kuza n'chungi a imona a Herode, na Suzana na bunaangboo asii bune batuon'tumikia na imona nabo. ⁴ Bakpa asii bayan'dondanei, bakpa a kila nji baya biki mosa'ake ao laba ka mekele. ⁵ N'koni a mbuka aya toki ka kona mbuka nake, ayoo kona, mbuka mochi aogua ka afhe, bao detea u, bambuu a kegoo baobika baolea u. ⁶ Mochi aogua ka etandale, aotela kisa ao mokaka ka kosa ibo. ⁷ Angboo aogua subia ngenge, aotela kimochi kisa aobokanisa u. ⁸ Alakini imochi aogua ka od'o anja, aotela aobokota mbuka mala mia mochi angbo asii." Yeso aogoba laba kema ne, ao koga"N'mbe ana kechue aoka, aoke." ⁹ Banafunji nake bao muisia maana a mekele ne ane kema sina? ¹⁰ Ao gea," Botapi ubafha a sili a bwame a Mokonga na bunangboo neoengodea ka mekele, kanyongo bao lenga, bakaone, na bao oka baka okafhe.' N'ne aange maana a mekele: Mbuka ane Yonga a Mokonga. ¹² Na bune bagu ka afhe ane buno baiki kisa N'keti ao bika kofholea yonga subia meema nabo. Kanyongo baka belekee na lama. ¹³ Na bune bagu ka etandale, ane buno, bao oka yonga, baopata u na fulaa. Alakini baka na miigi; bao belekea ka saa aboa, ka saa a majalibo baogua. ¹⁴ Mbuka ne agu subia ngenge ane bakpe ne bao oka yonga, alakini bayeoga, bao sangekana ka nyongo a imona na fulaa a maisa ne, na mbuka nabo n'naake'o mota. ¹⁵ Alakini n'ndo agu ka od'o anja, ane buno bao oka yonga ka bonjanja na meema anja, bao beda u anja na bokota mbuka na ovumilifu na bondea. ¹⁶ N'kpa n'nao toka lolisa obea na bisai kusi'eka. Alakini ao bisa u kegoo kanyongo n'mbe aongia aone lola. ¹⁷ Tafho kema mochi n'ne basomei katoke ku aubukane, ao tafho kema a sili n'ne katoke ku aubukane na onaka na bika ka n'senge. ¹⁸ Okani boke boke, n'mbe ana kema asii, bamofhaae asii, na n'mbo n'na na kema, ataa kema abo n'ne anee bamuutaae u. ¹⁹ Amake na ba munamake baobika mutake, alakini bakaya jue bibi'ake kanyongo a n'kindi a bakpa. ²⁰ Bon'ngodea, " Amako na ba munamako baiki ka n'tanga baokonda bakoone." ²¹ Alakini Yeso ao ejibua, " N'ma na ba munama ane bone bao oka yonga a Mokonga na bisai ka mokambo." ²² Esa imochi ao kpata ka ketange na banafunji nake ao engodea, " Bejabeni kubi a kiba." Baojaba. ²³ Alakini baya kpangi'o jaba na too, maifio akpe aobika ka oba, ibo aokpanga tu subia ketange nab'o, baoba ka atali asii. ²⁴ Banafunji a Yeso baobika mutake baon'jujukisa, baogea, " Mwalimo! Mwalimo! Beogea bekue!" Ao jujuka ao tombokea maifio na tomboka a ib'o, ao sia na dakana. ²⁵ Ao engodea, "Belekea nanu a oma sina?" Alakini bayatu'o sokanaga na yayama, bao uisiana sisabo, " N'mbe ana ani, aongodea ata maifio na ib'o ao mooka?" ²⁶ Baojaba ka mosomba aGerasenesi n'na ayatu kubi'a oba a Galilaya. ²⁷ Saa ne Yeso aya jabi kubi aon'donda n'kpa mochi atoki na mosomba ayatu na baamandaima. Kanyongo ayagi saa asii kanga lola ngombe, kayatu'ake ko ika subia'enju alakini subia ngbangbata. ²⁸ Saa ne aya mooni Yeso, ao tata na gua mosa'ake aoyonga na eso angbo, " Kema sina omagii nee bene, Yeso, Muna Mokonga n'mbe a Kegoo Asii?" ²⁹ Kanyongo ayaengodei ba loo ajede ban'toke mogaa no. Kanyongo bayatuo n'tambua kila saa na beyatuo n'lingiaga na n'tongo na ngoli kanyongo ajige kanga toka, ayatuo tena n'tongo na gaa na baamandaima ka ndula. ³⁰ Yeso ao muisia, " Inaako ani? Aogea" Legio" kanyongoo bayoya asii bayangi subiake. ³¹ Bao n'dengemisa kaeteke n'mbe subia kiba. ³² N'kindi a bangea ayatu oma no na baoleaga gua mamba. Bayoya baon'dengemisa aedekete bangie subia bangea, aoengodea bangie. ³³ Bene bayoya baotoka subia mogaa no baongia subia bangea, bobu baoga mbango baoemakia subia oba baondia. ³⁴ Saa ne balisi a bangea baya oni kema ne aya nyeni, baotea mbango ka mosomba baolaba ka n'ngba a nji. ³⁵ Bakpa baobika koona kema ne aya nyeni, baobika mutaa Yeso baon'donga mogaa no bayoya bayan'toki. Ao ika kechinji a Yeso, aloli ngombe na akili anja; bao sokanaga. ³⁶ Buno bayaoni kema ne bao engodea namuna sina n'kpa ne ayatu na bayoya na bene afhondi. ³⁷ Bakpa bobu a ka mosomba a Gerasene baon'ngodea Yesu akoke mutabo, kanyongoo baya vulungani na sokanaga angbo. Aongia subia ketange ao dja. ³⁸ Mogaa no bayoya bayan'toki baon'dengemisa bagee naye, alakini Yeso ao n'beaga, aogea, ³⁹ "Dja mutako olabe kema buli n'nde Mokonga ako fanyei." Mogaa no aoga aolaba ka mosomba buli n'ne Yeso agii kego'ake. ⁴⁰ Bene Yeso aodja, n'kindi a bakpa aon'sesea, kanyongoo bayatuo n'bondea asii. ⁴¹ Lengani, n'kpa mochi inaake Yario, atu mochi ka bakota a sinsgogi aobika na gua kechinji a Yeso, aon'dengemisa abike kenju nake ⁴² kanyongoo n'seka nako mochi tondo, michi n'ke a mwaka bibi a komi na ibee ayatu bibi a kukua. Bene Yeso ayatu ka tamba nake, n'kindi a bakpa baon'songanisa na timbaake. ⁴³ N'ke mochi ayatu fua n'mbe majia ayatuon'dida mwaka komi na ibee na kaya toki'ake afhonfde ata mutaa n'kpa mochi. ⁴⁴ Aobika mbusa a Yeso ao tambua kusia bongo nake, saa no imochi majia nake ao teneka. ⁴⁵ Yeso aogea," Ani amo bedi?" Saa ne bobu baya ngani, Petele aogea, "Mwalimo, n'kindi a bakpa akotimbi na songanisa'ako." ⁴⁶ Yeso aogea, " N'kpa mochi amodungi, kanyongoo Neubi gea bopkekpe amo didi." ⁴⁷ Saa ne n'ke no ayaoni gea katokeku tea, aobika na sokanaga aogua mosa'ake. Mosa a bakpa bobu ao laba namuna sina ayan'dungi na bene aya fhondi mala imochi. ⁴⁸ Aon'ngodea, "N'seka, belekea nako ako bisi anja. Gaa ka salama." ⁴⁹ Saa ne aya jigi nao laba, n'kpa mochi aotoka mutaa mokota a enju a sinagogi, aogea, " N'seka nako a dusukani. Kon'vulunge mbe mwalimo." ⁵⁰ Alakini Yeso aya oki kema ne, ao n'jibua Yairo, "Kobange mbe; belekea tondo, afhondaae." ⁵¹ Saa ne aya biki kenju, kaya kondi'ake n'kpa angie naye, tondo Petele na Yoani na Yakobo, na abake na amake na michi. ⁵² Bobu batuo gama na tata kago'ake, alakini Aogea, " Boko game mbe, kakuake ao dhaa. ⁵³ Alakini baokpanga n'tebea, bao uba geae ayo ku. ⁵⁴ Alakini aon'ndunga ka njaga ao moofhana, aogea, " Michi, mama!" ⁵⁵ Loo nake aodja mbusa, ao mama saa no. aogea bamofhe kema a lea. ⁵⁶ Babokoti'ake baoyayama, alakini aoengodea n'kpa kaube mbe kema ne anyeni.