¹ Kisha a Yeso goba kema bubuli n'ne ayatu oyonga ka kechue a bakpa, aongia na Kapernaumu. ² Mokota mochi a ba soda ayatu na n'kobe nake mochi atuosamba bibi'akua. ³ Saa ne mokota a ba soda aya oki nyongo a Yeso, ao eteka mutake ba gbega a Bayaudi aogea abike an'fondise n'kobe nake. ⁴ Saa ne baya kidi mutaa Yeso, baongodea boke boke baogea, " Ane anja mogaa ne apate kema anja mutako, ⁵ kanyongo akondi nji nasu, na ane n'kpa mochi n'mbe aofheka kasu sinagogi. ⁶ Bene Yeso ao beda tamba nake naab'o. Alakini saa ne katuake danga na enju, mokota a basoda aoeteka badake bangodee, " Bosomwa, n'naake kema, kanyongo, kotoke ku ongie kenju namo kagea neojede. ⁷ Kabene keenei ake nebike mosa'ako, alakini laba tondo yonga imochi na n'kobe namo afhondaae. ⁸ Kanyongo eme nene n'kpa ne nena kusiani basoda. Neongode n'mbe 'Gaa', aoga, na ongboo, 'Bika', aobika, na n'kobe namo, 'Gea ne', aogea u." ⁹ Saa ne Yeso aya oki bene, ao yayama kine, ao gaekana muta n'kindi ne atuon'bea aogea," Neno ngodei, kedondi mbe belekea a bene na Isilaeli." ¹⁰ Saa ne buno bayaeteki baya ji kenju, bayan'dondi n'kobe aye fhondi. ¹¹ Kisa bene, Yeso aoga ka mosomba ne baofhani Naine, na banafunji na n'kindi n'ne ayatuo ga naye. ¹² Bene ayabiki bibi a n'ngba anji, lenga, baon'kumba n'kpa mochi ne ayaku, michi mochi tondo a amake ( n'mbe ayatu n'ke a kekusa), na n'kingi angbo toka ka mosomba aya tu naye. ¹³ Saa ne Bosomwa aya mooni, aon'kulia ngomi asii aongodea, "Kogame mbe". ¹⁴ Bene aoga ao beda n'kolomo a kalagba ne baya bisi ngobo, na bune bayan'kumbi baojiga na bamami. Ao gea," Moganda, Neko ngodei, mama." ¹⁵ N'ku ao mama na kpanga yonga, Yeso ao mofha amake. ¹⁶ Bobu baoba na koboboko, baokpanga beba Mokonga, baogea, " N'nabi ongbongbo aonekani mutasu" na "Mokonga alengi bakpa nake." ¹⁷ Mbino a Yeso aofhanjekana ka Yudea buli na ka mosombe ne ayatu bibi. ¹⁸ Banafunji a Yoani baon'ngodea kema ne buli. Yoani aoebofana banafunji nake babee ¹⁹ ao eteka mutaa Bosomwa bangogee, "Obeambo oopasa bika, ao beopasa n'bondea ongboo?" ²⁰ Saa ne baya kidiani bibi a Yeso, boko baogea, " Yoani mobatizi asoteki mutako beyonge, 'Obeambe oopasa bika, ao beopasa n'bondea ongboo?'" ²¹ Ka saa no ayatuo fhondisa bakpa na ngobo nabo na bokebeka na loo ajede, na bakendime ndime bayaoni. ²² Yeso aoejibua ao gea, " Bedani tamba gaani bongodee Yoani kema ne booni na oka. Ba kendime ndime baonafhi, bakebeka batambi, bakpa a sulu babongi, ba n'daki ba oki, baku bafufuki, na ba masikini baoki mbino anja. ²³ N'kpa ne ka leli na belekeani kanyongo a mokambo namo apati kalamo." ²⁴ Saa ne batomi mbia a Yoani baya gee, Yeso ao kpanga engodea bakpa a n'kindi kanyongo a Yoani, " Kema sina botogee koona ka ndula? Kemputu mochi n'ne ao suganaga na mefio? ²⁵ Alakini kema sina otogee koona? N'kpa mochi n'mbe aloli bongo aodee? Lenga, bune bao lola ngombe anja na bune bao ika ka maisa anja bane baame a oma noo. ²⁶ Alakini kema sina n'ne oto gee koona? N'nabi mochi? Dhoni, Nenongodei, n'na na n'nabi ongbongbo. ²⁷ N'ne aanga bayaandeki ka nyongo nake, ' Lenga Nen'teki n'tomi mbino namo mosaako, n'mbe abongisaae afhe mosaako.' ²⁸ Nenongodei, ka bune bobu babokotani na bake ata n'mbe a ongbongbo kon'nyena Yoani. Eya n'mbe aaboa ka bwame a Mokonga aongbongbo kon'nyena." ( Saa ne bakpa bobu bayaoki bene, na ba lipisi a kodi, baya labi geae Mokonga ana dhoni, kanyongoo bayapati ubatizo a Yoani. ³⁰ Alakini bafalisayo ba baenge a selia baya maki mopango a Mokonga kegoabo sisabo, kanyongo bakaya patiake ubatizo a Yoani.) ³¹ " Kema sina neenei ne fananise na bakpa a ebokoti ne? Ba ubate kema sina? ³² Bane ubate banichi bao njokoa oma a sombisa n'kumba, n'mbe aiki na ofana ongboo na gea, ' Beo kobetea n'mbengu, na kookonda bina. Beye lembi lembo a ngamo, na koto gamiake.' ³³ Kanyongo Yoani Mobatizai katuo lea n'bako ao noa makana, bogii, 'Ana amandaima.' ³⁴ Muna N'kpa aobika aolea na noa, bogii, " Lenga, ane n'kpa ne kakute na n'nugu makana, balikuake na balipisi a kodi na bakpa'a jambo!' ³⁵ Alakini bokichwa ao onekana ka banichi'ake bobu." ³⁶ Mufalisayo mochi ao moofana Yeso ka lea mutake. Kisa angia a Yeso kenju a Mufalisayo, bao dondana ka meja balee. ³⁷ Lenga, n'ke mochi ayatu fua subia mosomba ayatu n'ke a jambi. Saa ne aya dondi badondani ka meja subia enju a Mufalisayo, aobika na mboso a gamba a malasi a alabasitele. ³⁸ Bene aya mami mbusa'ake bibi'a echinji nake, aogama, aokpanga ko foosa echingi a yesu na ibo'a ngamo nake ao kombeaga u na seka'amoo nake na dhiaga u an'sia gamba a malasi. ³⁹ Saa ne Mufalisayo ne aya moofani Yeso aya oni bene, aowaza sisake aogea, " Kabe n'kpa ne ane n'nabi, atuo pasa aube ani na okona a n'ke sina n'mbe ao dunga echinji'ake, gea ane n'kpa a jambi." ⁴⁰ Yeso aon'jibua aon'ngodea, " Simoni, nena kema angodeako." Aogea, Yonga u Mwalimo!" ⁴¹ Yeso ao gea," N'kopisi'a bangoa mochi ayatu na bakpa a dheni nake babee. Mochi ayatu na dheni nake a dinali mia imochi, na bongboo makomi itano. ⁴² Saa ne bakaya pati'ake namuna alipa u, ao eulumia bobu. Bene, ani kabo aenei afulaie asii?" ⁴³ Simoni ao n'jibua aogea, "Newazi gea n'mbe ana bangoa asii." Yeso aon'ngodea, " Oyongi anja fhee." ⁴⁴ Yeso ao galekana mutaa n'ke no aon'ngodea Simoni, " Omooni n'ke ne. Neto ngi kenju nako. Koto mofhi'ake ibo a sokosa echinji namo, alakini aya foisi echinji namo na ibo'a ngamo nake na mokakisa u na seka'a moo nake. ⁴⁵ Kotomo gbukumi'ake alakini agbukumii echinji namo kanga lela. ⁴⁶ koto sii'ake moo namo na gamba, alakini ato mosii na gamba a malasi. ⁴⁷ kanyongo ne Nekongodei, jambi nake n'ne atu asii, ne ulumii u kanyongo aya kondi asii. Alakini n'mbee bamuulumii aboa aokonda aboa. ⁴⁸ Aon'ngodea, " Neulumii jambi nako." ⁴⁹ Bune bato iki ka meja baokpanga yongisana sisabo, "Ani n'mbe ao ulumia jambi?" ⁵⁰ Yeso aon'ngodea n'ke" Belekea nako ako lamisi. Ogaye."