¹ Yeso aoga ka chiko a mbuka esa a Sabato, bafunji nake bao bonyea moo a mbuka, bao tutua u subia njaga nabo, bao lea mbuka. ² Alakini Bafalisayo mochi baogea, " Kanyongo sina agii kema a bene n'ne n'na sawa na selia esa a Sabato?" ³ Yeso ao ejibua, " Boko somi mbe kema ne Daudi aya gii saa ne nja aton'bedi, ye na bakpa ne bayatu naye? ⁴ Ayangi kenju a Mokonga ao boa n'bako a ikika ao lea kao, aoboa kao ao ebofha bakpa nake balee, ataa bene ayatu ka selia kema a lea a bakoani." ⁵ Ao engodea, " Mona N'kpa ane Bosomwa a Sabato." ⁶ Ka Sabato angboo aongia subia sinagogi ao fundisa bakpa fua. N'kpa mochi ayatu fua na njaga an'mokaki. ⁷ Baandeki na Bafalisayo baomoenjea jaa ambe an'fondisaae n'kpa esa a Sabato, kanyongo bapate sababo an'sitakea. ⁸ Alakini aya ubi kema ne batumono'owaza, aongogea moko no ayatu na njaga'aomokaka, "Toka o mame moni subia n'kpa buli" Moko no aotoka ao mama fuamo. ⁹ Yeso ao engodea, " Neno usii, ane selia ka gea kema anja esa a Sabato ao ajede, lamisa maisa ao ujai?" ¹⁰ Bene ao enjea mbamba abo bobu aongodea moko no, " Boota njaga'ako." Aogea beno, njaga'ake ao bika goto anja. ¹¹ Alaakini baya beli asii, baoyonga sisabo n'ne baopasa gea mutaa Yeso. ¹² Aoga esa no gua mamba ka mema. Aoika ko kiifha bui ka mema Mokonga. ¹³ Saa ne esa ayase, ao ebofana banafunji mutake, ao somboa kabo kumi na ibee buno ayaebofhani bagoigi. ¹⁴ Ina a bagoigi ayatu Simoni (n'mbe aya moofani Petele) na ba muna'amake Andele, Yakobo, Yoani, Filipi, Batelemayo, ¹⁵ Matayo, Tomasi, Yakobo muna Alifayo, Simoni n'mbe baya moofhani Zelote, ¹⁶ Yoda muna Yakobo, na Yuda Isikaliote, n'mbo ayan'sombisi. ¹⁷ Yeso ao didi naabo toka ka mamba ao mama oma mochi na n'kindi angbo a banafunji nake na bakpa asii toka na Yudea na Yelusalema na kubi'ibo a Tiro na Sidoni. ¹⁸ Baya biki komookanea Ye na fonda ka ngobo nabo buli. Bakpa ne bayatu na loo a baamandaima baya fondi. ¹⁹ Kila n'kpa ka n'kindi no aya kondi an'dunge kanyongoo bokuu a fondisa ayaotoka mutake, na ayaefondisi bobu. ²⁰ Ao enjea banafunji nake aogea," Kalamo mutanu benu bune bone ba masikini, kanyongo n'neanu a ka bwame a Mokonga. ²¹ Kalamo mutanu benu bune bona nja saa ne, kanyongo bokutaae. Kalamo mutaanu bune bune boogama saa ne, kanyongo botebaae. ²² Kalamo mutanu bene bakpa bano ye na baonofota na maka inaanu ubate kema ajede, kanyongo a Muna N'kpa. ²³ Fulaiani esa no na yalaga na fulaa, kanyongoo dhoni bona n'toke angbo kegoo, kanyongo batatab'o bayagii kema a bene mutaa ban'nabi. ²⁴ Ndomi'anu buno bana imona, kanyongo bayepati kema anja. ²⁵ Ngomi mutaanu, benu bune bokuti moni kanyongo bokuae nanja. Ngomi mutaanu bune booteba, kanyongo ba gamaa mbusa. ²⁶ Ngomi mutanu saa ne bakpa baono yongae anja kanyongo n'neange beonisi batatabo bayagii mutaa ban'nabi. ²⁷ " Alakini nenongodei, n'mbe ao oka, ekondani ba adui nanu geani bonjanja muta bakpa ne bano seki. ²⁸ Bisa kalamo mutaa buno baono bumiaga memani gua buo baono gea kema ajede. ²⁹ N'mbo ako beti ka etama mochi, mofa n'no angboo goto. Kabe n'kpa akuuti bongo nako kokpeme na ngombe nako. ³⁰ Gaba mutaa n'mbo ako meme. Kabe n'kpa abuu kema nako kogee mbe ako gisilie u. ³¹ Bene ookonda bakpa bafanye mutako, oopasa ofanye beno mutaabo. ³² Kabe okondi tondo bakpa ne baoko konda faidha sina ane mutako? Ata bakpa a jambi baokonda bakpa ne baekondi. ³³ Kabe ogii tondo bonjanja mutaa bakpa ne baoko gea bonjanja, faidha sina ane mutako? Ata bakpa a jambi baogea bene. ³⁴ Kabe okopisi bakpa bune oosenda geae bako fendaae, faidha sina ane mutako? Ata bakpa a jambi bao kopisa bakpa a jambi, baopata esabo no mochi. ³⁵ Alakini kondani baadui nanu na geani binjanja mutaabo. Kopisani kanga bondea bonojisei kema mbusa i na faidha nanu abaae angbo, na bobae banichi'a n'mbo a Oma a Kegoo, kanyongo ye sisake ane onjanja mutaa bune baka na sukulani na bakpa ajede. ³⁶ Baani na ngomi bene Abanu ana ngomi. ³⁷ Ko ukumue, bakano ukumuaae. Ko kakamise, baka ko kakamise ku. Ulumia bunangboo, bako ulumiaae. ³⁸ Gaba, na obe bako gabeleaae bimani na kipimo anja na n'ne baloki na dhuukana bakpa bapataae ka bokuba nanu, kanyongoo kipimo ne bopimii bano pimiaae". ³⁹ Goto Aoengodea mekele mochi." Kendime ndime aenei an'tambise dake kendime ndime? Kabe aenei, bobu babee baenei bague ka echia, n'na beno? ⁴⁰ Muanafunji n'naake ongbongbo kon'nyena mwalimo nake, alakini n'kpa saa ne aejifunji anja abaae ubake mwalimo nake. ⁴¹ Kanyongo sina oona n'kinki kiso a dako, alakini koona n'sofho ne akiso'ako? ⁴² Namuna sina oenei ongodea muna'mako,'Muna'ma deketa nefholee n'kiki kiso'ako, saa ne kofholi n'mbe n'sofho ne akiso'ako? Obe n,njonjoko! Fholea mosa n'sofho kiso'ako, bene oopasa onafha anja ampeno oenei ofholee n'kiki kiso a muna'mako. ⁴³ Mee anja n'naotoka bokota mbuka ajede, ao mee ajede bokota mbuka anja. ⁴⁴ Kanyongo kila mee ao ubukana ka mbuka nake. Kanyongo n'kpa n'naoto dondanisa mbuka ka ngenge, ao ngenge aenei abokote mbuka anja. ⁴⁵ N'kpa anja subia imona anja meema nake aofholea kema anja, na n'kpa ajede ka imona ajede meema nake aofholea kema ajede. Kabe meema atumi, afhe'noko ayaongi. ⁴⁶ " Kanyongo sina oomofhana ' Bosomwa, Bosomwa' na koo esimia kema ne ooyonga? ⁴⁷ N'kpa bui n'mbe abiki mutamo na oko Yonga namo, na esimia u, Neno ngodeaae n'ne aubate u. ⁴⁸ Ane ubate moko ne bafheki, enju, n'mbe aotonga asii subia od'o na fheka enju nake ka miigi a etandale akpe. Saa ne mokombi abiki, monembo a ib'o abeti u, kanga suga u, kanyongo aya fheki u anja. ⁴⁹ Alakini n'kpa ne aoki Yonga namo kanga esimia u, ane ubate n'kpa ne afheki enju ka sese a od'o kanga maakonji. Saa ne mokombi atumi kenju, aopasa a kengetane mala imochi na gusa enju no buli buli.