¹ Bene n'kindi a bakpa atuo n'timbikania Yeso na oka Yonga'a Mokonga, kagea aya mami kubia oba a Genezareti. ² Ao ona ketange ibee bibi'a kubi'ibo. Baofhi baya toki kau bao sokosa botai nabo. ³ Yeso aongia subiia ketange n'ne ayatu a a Simoni, aomuisia kabe aenei aboote u kubi. Ao ika kaod'o na fundisa bakpa kubia ketange. ⁴ Saa ne aya gob'i laba, aon'ngodea Simoni, " Gaa na ketange nako subia ob'a bao botai nako ndiisa i ka kiba kanyongo a dunga." ⁵ Simoni aoyonga aogea, "Mwalimo, beto ofhigi moni kiifha buli kanga pata kema, alakini ka Yonga nako, bemakaae botai ka kiba. " Saa ne bayagii bene, bao dondanisa basu asii, botai nabo ao tenekaga. ⁷ Bao ebofana badab'o ka ketange angboo babike baebedee. Baobika baotumisa ketange buli ibee baokpanga ndia. ⁸ Alakini saa ne Simoni Petele ayaoni bene, aogua kaod'o ka moan'kuu a Yeso, aogea, " Toka moni kanyongo nene n'kpa a jambi, Bosomwa." ⁹ Kanyongo ye na bakpa buli bune bayatu naye bao yayama ka basu ne baya dungi. ¹⁰ Yakobo na Yoani, banichi'a Zebedeyo benu bayatu badake na Simoni bayatu fua. Yeso aongodea Simoni," Kotee n'mbe kanyongoo kpanga keekee ne obae moofi a bakpa." ¹¹ Saa ne baya biki na ketange nabo kubi, baodeketa kema buli baon'bea. ¹² Saa ne ayatu ka mosomba mochi, bakpa mochi ayatu na sulu fua. Saa ne aya mooni Yeso, aogua kaod'o na endondo aongodea Yeso kadengadenga," Bosomwa, kabe okondi onei omo sokose nebe anja." ¹³ Yeso ao tambikisa njaga'ake ao n'beda, aogea, " Nekondi. B'a anja." Saa no imochi suu aon'toka. Aongodea kangodee n'kpa alakini aongodea," Gaa nako, onisa ba koani na ebofa mokombe a sokosa beno selia a Musa agii, kanyongo a usuuda mutab'o." ¹⁵ Alakini mbino nake aofanjakana danga na n'kidi angbo a bakpa ao bika'o dondana kaoka mafundiso nake na fonda ka ngobo nabo. ¹⁶ Alakini ayaoga saa mochi ka ndula ka mema. ¹⁷ Esa mochi a ka matu no, ayatuo fundisa, Bafalisayo na baalimo a selia bao ika fuamo bune baya toki ka nji buli a Galilaya na Yudea na Yelusalema. Bokuu a Bosomwa ayatu naye ka fondisa. ¹⁸ Bakpa mochi bao bika na kebeka ka kalagba, baokaba afhe anyena babike naye subi kanyongo ban'daise mosa aYeso. ¹⁹ Bakaya toki'ake pata afhe babike naye subi kanyongo a n'kidi'a bakpa, baodafha ka n'tondo'a enju baon'nyenisa subi ngob'o, aodida na kalagba nake, subia bakpa, mosa a Yeso. ²⁰ Yeso ao ona belekea nabo, aogea, " Mok'o, neulumii jambi nako." ²¹ Baandeki na Bafalisayo bao euisia ka nyongo ne, baogea, "Ani n'mbe an'foti Mokonga bene? N'mbe aenei aulumie jambi n'na Mokonga sisake? ²² Alakini bene Yeso ayatu'o uba mawazo nabo aoengodea," Kanyongo sina boeuisiana sisanu subia meema nanu? ²³ N'ne ane adeee ka gea, 'Neulumii jambi nako' ao gea ' Mama otambe'? ²⁴ Alakini boopasa boube geae Muna N'kpa ana bokota ka od'o a ulumia jambi," aon'ngodea kebeka, "Neko ngodei mama, bonyea kalagba nako gaa mutako. ²⁵ Saa no ao mama mosa'abo aobonyea kalagba nake fua atuo'daa. Aoga mutake, on'dokomisa Mokonga. ²⁶ Kila n'kpa ao yayama na n'dokomisa Mokonga. Bao sokanaga, baogea, " Beoni kema ne n'nao baba." ²⁷ Kisa nyena a kema ne, Yeso aotoka fua aomoona molipisi a kodi inaake Lawi aiki ka n'tua a balipisi a kodi. Aon'ngodea, " Omobee." Lawi ao mama aon'bea, ao deketa kema buli mbusa'ake. ²⁹ Lawi aon'gabea Yeso kema angbo a kenju nake. Balipisi asii a kodi bayatu fua na bakpa angboo baya timbi meja baoleaga naab'o. ³⁰ Bafalisayo na baandeki bao esitakia banafunji, baogea, "Kanyongo sina booleaga na noa na balipisi a kodi na bakpa a jambi?" ³¹ Yeso ao engodea, " Bakpa ne bana ngobo anja bakaake na siki a monganga; tono buno baosamba. ³² Keto biki'ake ofhana bakpa anja, alakini bakpa a jambi ka tubua." ³³ Bon'ngodea, " Saa imochi banafunjia a Yoani bayatuo boaa leaga na noaga." ³⁴ Yeso ao engodea n'kpa ne ao songa ekeka aopasa bondea elea na moko'a ekeka anaab'o oma imochi? ³⁵ Esa no aobika, mokoa'ekeka kabeku, esa no baenei baboe elea." ³⁶ Yeso ao engodea goto mekele mochi." Kotoke ku boma gbutuka a bongo a keekee o sone gua jajangi a bongo. Kabe agii beno, aenei abome bongo a keekee, na gbutuka a bongo a keekee n'naotoka bumba jajangi a bongo. ³⁷ Kotoke ku bisa makana a keekee subi n'tuka a makana ne aleli. Kabe n'naake beno, makana a keekee abomaae n'tuka, na makana adukukanaae, na n'tuka aujukanaae. ³⁸ Alakini makana a keekee aopasa angie ka n'tuka a keekee. ³⁹ Tafho n'kpa kisa noa makana a kala aenei akonde makana a keekee, kanyongo agii, ' Makana a kala aanja.'"