¹ Kisa a Yeso tuma na Loo Motakatifo, ao toka ka oba Yolodani Loo aongodea agee ka ndula, ² aogea ko esa makumi gena n'keti ao n'boma. Kaya liake kema ka matu no, ka mwiso n'nja ao n'beda. ³ N'keti aon'ngodea, " Kabe one muna Mokonga, galea ete ne abike n'bako." ⁴ Yeso aon'ngodea, " Baandeki geae 'n'kpa n'naotoka aikiki tondo ka n'bako.'" ⁵ N'keti aon'dafisa Yeso kegoo ao moonisa bwame buli a ka mokonda ka saa no. ⁶ N'keti aon'ngodea, "Nekofaae mokota buli na bodoko buli, kanyonga baya mofi eme, neenei nemofe n'kpa buli keba nekondi. Bene, kabe obeti mua n'kuu mosa'ani na moabudua, abae nako." ⁸ Alakini Yeso aon'ngodea na gea, " Baandeki geae oopasa omuabudue Bosomwa Mokonga nako, na n'tumikia Ye sisake." ⁹ Bene goto n'keti aoga na Yeso na Yelusalema aon'bisa ka n'tondo a enju a ekalo, aon'ngodea, " Kabe one Muna Mokonga, emaka kaod'o. ¹⁰ Kanyogo bayaandeki, ' aengodeaae ba malaika bebike bako chunge', ¹¹ bako sakuaae kegoo ka njaga nabo, gea echinji nako ka betekane ku ka ete.'" ¹² Yeso aon'ngodea ao gea, " Bayagii, ' Kon'kegee mbe mono Bosomwa Mokonga nako.'" ¹³ Saa ne n'keti aya gobi kengeaga Yeso, aoga aon'deketa mopaka saa angboo. ¹⁴ Yeso aojan na Galilaya ka bokpekpe a Loo, na mbino nake ao fhanjekana oma buli ka mosomba. ¹⁵ Ao kpanga fundisa subia sinagogi nabo bakpa bobu baon'beba. ¹⁶ Aokidia na Nazaleti oma ne aya moti, saa beno ayatu desituli nake, aongia ka sinagogi esa a Sabato aon mama ao soma keso angbo. ¹⁷ Baomofha kitabo a n'nabi Isaya aodonda oma ne bayaandeki, ¹⁸ "Loo a Bosomwa aiki guani, kanyongo aya mo sii gamba ne labe mbino anja mutaa ba masikini. Aya moteki neekod'e bune baya edungi, bakendime ndime baonafhe, ekoda bune baoteseka, ¹⁹ Laba mwaka a ngoola a Bosomwa." ²⁰ Bene ao daka kitabo, ao jisa u mutaa n'chungi, ao ika ka od'o. Bakpa bobu bune bayatu subia sinagogi bao moenjea jaa. ²¹ Aokpanga engodea, " Maandeko ne aonekani kesane ka kechue nanu." ²² Kila n'kpa fua aya labi anja kanyongo'ake bao yayama ka yonga a ngoola n'ne aya toki ka ebombo nake, bao uisiana," N'na muna Yosefu ambe?" ²³ Aoengodea, " Bomongodeae mekele ne, 'Monganga aefhondisi sisake. Kema buli n'ne beto'oki na Kapernaumu, fanyani u ka mosomba nanuu.'" ²⁴ Alakini aogea, " Neno ngodei dhohi gea, n'nabi n'naopata esima ka nji nake. ²⁵ Alakini neno ngodei goto bake a kekusa asii bayatu na Isilaeli ka matu a Elia, saa ne egoo aya dakekani ka mwaka isalo na songe sita na n'nja angbo aya biki ka nji bubuli. ²⁶ Alakini bakaya n'teki Elia mutaab'o, alakini na Zarapata ka Sidoni, muta n'ke mochi a kekusa n'mbe ayatuo ika fua. ²⁷ Bakpa a sulu bayatu asii ka Isilaeli saa a matu a Elisa n'nabi, alakini kayan'sokosiake mochi tondo Naamani Musulia." ²⁸ Bakpa bobu bune bayatu subia sinagogi baya beli saa ne baya oki kema ne. ²⁹ Baotoka baon'fholea ka n'tanga a mosoba ka bokpekpe, baon'gesa ka elembe a mamba oma ne baya fheki mosomba nabo, bayapasi n'maka ka elembe. ³⁰ Alakini ao nyena subiabo, aoga oma angboo. ³¹ Aodida ka Kapernaumu, mosomba a Galilaya, ao kpanga efundisa esa a Sabato. ³² Bao yayama na mafundiso ne, kanyonga ayatu'olaba na bokota. ³³ N'kpa mochi n'mbe ayatu na ba amandaima atu subia sinagogi atuo tata na eso angbo, ³⁴ " A! Beko gii kema sina, Yeso mu Nazaleti? Otobiki koso uja? Neubi one ani, Motakatifo a Mokonga!" ³⁵ Yeso ao n'yongaga amandaima, aogea, " Koyonge! Toka subiake!" Saa ne amandaima aya n'gusi kaod'o subiab'o, aon'toka kaya n'gii'ake bojede ata aboa. ³⁶ Bakpa bobu baya yayami, bao laba sisabo. Baogea, " Okona a yonga sina n'ne? Aongodea amandaima na bokota na bokpekpe ao etokisa." ³⁷ Mbino nake ao kpanga fhanjekana kanji buli. ³⁸ Yeso aotoka subia sinagogi aongia kenju na Simoni. Nyamoto'ake na Simoni aya sambi kukua feo, aya memi kanyongo nake. ³⁹ Ao mama guake ao tokisa kukua a feo na saa no aon'toka. Fua ye ao mama ao kpanga etumikia. ⁴⁰ Saa ne mani aya didi bakpa bao bika mutaa Yeso bune bayatu na kukua asii. Kila n'kpa ao fonda ka ngobo nake. ⁴¹ Ba amandaima baotoka subia bakpa asii, bao tata na gea, " Obe Muna Mokonga!" Yeso aotokisa ba amandaima bakaya toki'ake laba kanyongo baya ubi ayatu Klisto. ⁴² Saa ne umbia a esa ayaenei, aoga mbamba sisake. N'kindi a bakpa baon'kabaga baokidia oma ayaleo. Bao kengea bisaake fua kagee goto oma angboo. ⁴³ Alakini ao engodea, "Neopasa nefundise enjili a bwame a Mokonga ka mosomba angboo, kanyongo a kema ne ange baya moteki moni." ⁴⁴ Aoga nao fundisa ka sinagogi asii subia Yudea.