¹ Ka mwaka a komi na itano a bokota a Kaisalia Tibelia, saa ne Pontio Pilato n'mbe ayatu mena nji a Yudea, Herode ayatu mokota a Galilaya, muna'amake Philipi ayatu mokota a ka mosomba a Iturea na Trakonti, na Lisania ayatu mokota a mosomba a Abilene, ² Ka bo kani a Anasi na Kayafa, Yonga a Mokonga abika mutaa Yoani muna Zakaria ka ndula. ³ Aonyena ka nji bui n'ne atimbi ob'a a Yorodani, aofundisa ubatizo a toba kanyongo badekete bojede. ⁴ Saa beno bayaandeki subia kitabo a n'nabi Isaya, "Eso a n'kpa ne ao tata ka ndula, 'Bongisani afhe a Bosomwa, bingisani yombolo nake anja. ⁵ Elembe bubuli atumaae na kila mamba na n'dafho a didaae na afhe ne a gudumani a mamaae na oma ne n'nao adakekani bafhekaae u ka afhe, ⁶ na ngobo buli aonaae okovu a Mokonga.'" ⁷ Bene Yoani ao ona madondano a bakpa asii ao bika mutake kanyongo ae ebatize, ao engodea," Benu okombo a njoka! Ani anongodei botee bojede ne abikaae? ⁸ Bobokote mbuka ne a butate tubua, boko yonge mbe subianu geae abasu ane Abulahamu kanyogoo nenongodei geae Mokonga aenei a mofhe Abulahamu banichi katoka subia ete. ⁹ Eloka angi ka miigi a mee. Mee bui n'ne n'naobokota mbuka anja batenaae u na makai kin'sa" ¹⁰ Bakpa ne bayatu ka madondano baomuisia, baogea," Befanye kema sina?" ¹¹ Ao engodea na gea, "Kabe n'kpa ana ngombe ibee, aopasa agabe n'kpa ne n'na na kema, na n'mbo ana elea aopasa agee bene bene." Na balipisi kodi naab'o baya biki kapa ubatizo, baongodea, "Mwalimo, beopasa gea kema sina?" ¹³ Aoengodea, "Bokolipise mbe bangoa asii konyena beno baya nongodei bolipise. ¹⁴ Na basoda baya biki bao muisia, "na besu begee kema sina?" Ao engodea, "Doko ute mbe bangoa a n'kpa, na bokon'sitakie n'kpa nyongo a mbea. Fulaiani na musaala nanu." ¹⁵ Bene bakpa asii bayatuo bondea bika a Klisto na siki, kila n'kpa ayatu ouisia sisake subia meema kanyongo a Yoani, saa angboo aenei abe Klisto. ¹⁶ Yoani ao engodea bobu aogea, "Eme neo ebatiza kib'o, alakini n'kpa mochi ao bika ana bokpekpe koliko eme, ketoke ku ukua ngoli a bilato nake. Ano batizaae na Loo Motakatifo na insa. ¹⁷ Ungo nake aiki ka njaga'ake, kanyongo apete ngano na bisa u oma imochi ka teta nake. Alakini a toboaae kekoba kin'sa ne n'nao limika. ¹⁸ Ka yonga asii angboo, Yoani aya fundisi mbino anja mutaa bakpa. ¹⁹ Saa ne aya n'kalipii Hrode kayongo an'songa Erodia n'ka'a muna'amake na ka bojede buli n'ne ayagii, ²⁰ Ayagii bojede asii aon'ndunga Yoani aon'bisa subia enju a kifungo. ²¹ Saa ne bakpa bobu baya pati ubatizo, na Yeso aya pati ubatizo, na saa ne ayatuo mema, egoo ao ukukana, ²² na Loo Motakatifo aodida guake ubate mbole na eso aotoka kegoo ao gea, " One michi'omo nekokondi. Nefulai na ob'e." ²³ Saa ne Yeso aya kpangi udhuma nale, ayatu na mwaka bibia makumi isalo. Ayatu muna ( ubate beno bayao senda) Yosefu, muna Eli, ²⁴ muna Mathali, muna Lawi, muna Melki, muna Yanai, muna Yosefu. ²⁵ Yosefu ayatu muna Mathatia, muna Amosi, muna Nahumu, muna Eseli, muna Naggai, ²⁶ muna Maata, muna Mathatia, muna Semeini, muna Yoseke, muna Yoda. ²⁷ Yoda ayatu muna Yoanani, muna Resa, muna Zerubabeli, muna Salatieli, muna Neri, ²⁸ muna Melki, muna Adi, muna Kosamu, muna Elmadamu, muna Eri, ²⁹ muna Yosua, muna Eliezeri, muna Yorimu, muna Mathati, muna Lawi. ³⁰ Lawi ayatu muna Simeoni, muna Yuda, muna Yosefu, muna Yonamu, muna Eliakimu, ³¹ muna Melea, muna Mena, muna Mathata, muna Natani, muna Daudi, ³² muna Yese, muna Obedi, muna Boazi, muna Salmoni, muna Nashoni. ³³ Nashoni ayatu muna Aminadabu, muna Ademini, muna Arni, muna Hesironi, muna Perezi, muna Yuda, ³⁴ muna Yakobo, muna Isaka, muna Abulahamu, muna Nahori, ³⁵ muna Serugi, muna Reu, muna Pelegi, muna Eberi, muna Sela. ³⁶ Sela ayatu muna Kenani, muna Arfaksadi, muna Semu muna Nao, muna Lameki, ³⁷ muna Metusela, muna Enoki, muna Yaredi, muna Mahalaleli, muna Kenani, ³⁸ muna Enoshi, muna Seti, muna Adamu,muna Mokonga.