¹ Bene ka matu no, Kaisala Augisito aoteka balua mochi kanyongo baande bakpa buli bune baiki subia mokonda. ² N'nde ayatu andekisa bakpa a kwanja n'ne aya nyeni saa ne Kurenio aya mena'anji a Silia. ³ Ka bene n'kpa buli aya gee koe andekisa kanji nake. ⁴ Yosefu beno aotoka na Gililaya ka mosomba a Nazaleti baoga na Yudea ka mosomba a Daudi, n'ne baofhani Betelehemu, kanyongo ayatu n'kpa akenju a okombo a Daudi. ⁵ Aoga fua ye na Malia ka eandekisa, n'mbe ayatu mosongo'ake na ayatu na leme. ⁶ Bao ika fua, saa nake a bokota ao enea. ⁷ Aon'bokota michi moko, anake a kwanja ao n'bumbia na gbutuka a ngombe aon'daisa oma ne banyama baolelea, kanyongo bakaya pati enju a ngia kao. ⁸ Bachungi a ba mogogo a kanji buno baya iki subia chiko, bao echunga ba nyama nabo kiifha. ⁹ Malaika mochi ao ekidia, bodoko a Bosomwa ao lola bibi'abo, baotuma na sokanaga. Malaika ao engodea, " Boko tee mbe mono, kanyongo neno bikii na mbino anja n'ne abikisaae fulaa angbo mutaa bakpa buli. ¹¹ Molamisi abokotani kesane ka mosomba a Daudi! Ane Klisto Bosomwa! ¹² N'ne ange alama ne bopata ku: Bon'dondaae michi ban'bumbi na gbutuka a ngombe oma a leisa banyama." ¹³ Mala imochi bao ika na malaika n'kindi angbo baotoka kegoo, baon'beba Mokonga gea, " Bodoko mutaa Mokonga kegoo asii na amani abe kaod'o subia bakpa bune ban'fulaisi." ¹⁵ Saa ne malaika aya toki ao ja kegoo bacungi a ba mogogo baoyonga sisabo, " Begee na Betelehemu beone kema ne anyeni k'oo n'ne Bosomwa aya songodei." Baoga mbango baon'donda Malia, Yosefu na michi, n'mbe baya n'daisi oma ne banyama baolea. ¹⁷ Saa ne baya mooni, bao uba n'ne baya engodei kanyongo a michi. ¹⁸ Bune bobu baya oki u bao yayama bene bachungi'a ba mogogo baya yongi. ¹⁹ Alakini Malia ao jiga nawaza kanyongo a kema buli n'ne aya oki, ao bisa u subia meema. ²⁰ Bachungi'a ba mogogo baoja, na baon'dokomisa na beba Mokonga ka kema buli n'ne baya oni na oka, sawa bene baya yongi motaab'o. ²¹ Esa a munane, saa ne baya n'gusi ganja, baomofha ina a Yeso, ina ne malaiko aya mofhi mosa bangise ka sofho. ²² Saa ne esa an'sokosa michi aya nyeni sawa na selia a Musa, bao n'bika naye subia ekalo ka Yelusalema ban'bise mosa a Bosomwa. ²³ Saa benu baya andeki ka selia a Bosomwa, " Kila michi moko n'mbe auku sofho a amake ba n'bise mosa a Bosomwa." ²⁴ Baofhole mokombe saa beno bayagii subia selia a Bosomwa, " bambole ibee oa banichi'a etiti ibee." ²⁵ Lenga, mogaa mochi ayatu ka Yelusalema inaake Simeoni, mogaa ne ayatu na dhoni na efolea ka mokambo. Ayatuobondea fulaa a Yelusalema, na Loo Motakatifo ayatu guake. ²⁶ Loo Motakatifo aya moonisi geae kakue ku na kamooni Klisto a Mosomwa. ²⁷ Loo ao moongoza, Simeoni aobika subia ekalo. Saa ne ba bokoti bayabiki na michi Yeso, kagea sawa na asili a selei, ²⁸ ao n'beda ka njaga'ake, aon'beba Mokonga, ao gea, ²⁹ " Deketa n'kpa a mokambo nako agee na amani, Bosomwa, sawa na Yonga nako. ³⁰ Kanyongo iso namo aoni lama nako, ³¹ N'ne oye tayalisi mosa a bakpa bobu: ³² Obela a onekan'a mutaa bakpa a ka mokonda na bodoko mutaa Isilaeli bakpa nako." ³³ Abake na amake bao yayama kina batoyongi kanyongo nake. ³⁴ Simeoni ao ebofha kalamo aongodea amake Malia, " Lenga, Mokonga aya n'bisi michi ne kanyongo a gua na mama a bakpa asii a Isilaeli abaae alama ne baya maki ³⁵ na mbako atumaae nafusi nako bene ka mawazo a meema asii aonekana ku. ³⁶ N'nabi mochi inaake Ana ayatu subia ekalo n'seka na Fanueli a ka okombo a Aseri, ayatu na mwaka asii ayajigi na munyake mwaka saba ka koseka nake. ³⁷ Ayajigi kanga bokota mwaka makomi munane na gena. Aya jigi subia ekalo kanga leaga, na mema, na dokomisa Mokonga sua mani na kiifha. ³⁸ Ka wakati no aobika fua ao kpanga dokomisa Mokonga. Ao laba kanyongo a michi mutaa nkpa no ayatuo bondea lama a Yelusalema. ³⁹ Baya gobi kema buli n'ne baya pasi gea sawa sawa na selia a Bosomwa, baya gelekani nchi'a Galilaya, ka mosomba nabo Nazareti. ⁴⁰ Michi ao mota aobika okpekpe; aya tumi na bokichua na ngoola a Mokonga ayatu gua'ake. ⁴¹ Babokoti nake bayatu'oga kila mwaka na Yelusalema ka esa angb'o a Pasaka. ⁴² Saa ne ayatu na mwaka komi na ibee, bagoto'oga sawa na deituli nabo ka esa'angbo. ⁴³ Kisa baojiga esa asii ka esa fulaa, bao kpanga ja mutabo. Alakini moganda Yeso aya jigi mbusa'abo koni na Yelusalema, na babokoti'ake bakaya ubi'ake. ⁴⁴ Baya ubi geae ayatu subia bakpe na batumo'o ga naabo, kanyongo baya gii tamba a esa mochi. An'peno baokpanga kaba'ake subia badake na ba muna'amabo. ⁴⁵ Saa ne bakaya mooni, baoja mbusa na Yelusalema baokpanga kaba'ake boke boke fuamo. ⁴⁶ Kisha esa isalo bene, bon'donda subia ekalo aiki subia bafundisi ao eoka na ebuisia nyongo. ⁴⁷ Buno bobu baya mooki bao yayama ka ubafha nake na jibo nake. ⁴⁸ Saa ne baya mooni, bao yayama. Amake aongodea, "Michi'omo, namuna sina oso gii nee bene? Eme na abako boto teseki ka kabaga'ako." ⁴⁹ Ao engodea, " Kanyongo sina botuo'mo kabaga? Bukoo uba geae negea mokambo a Abe? ⁵⁰ Alakini bakaya ubi'ake maana a yonga no. ⁵¹ Baoja naabo kenju koni na Nazaleti ao esimia. Amake ao bisa kema ne buli subia meema nake. ⁵² Alakini Yeso ao mota ka bokichwa na boenge asii na ngoola na Mokonga na bakpa.