¹ Kisaa yonga ne Bosomwa aoboa bunaangboo makomi saba, aoeteka babee babee mosa ake ka kilanji, na oma ne ayakondi bika. ² Aoengodea: saga aasii, alakini bademi baaboa, memani bosomwa a saga aeteke bakpa mokambo. ³ gaani,nemoteki ubate banichia mokonga sumbia bamboa akosala ⁴ Bokumbe omano abisa bangoa; ao joo, ao kitabu, bakon'sesee n'kpa ka afhee. ⁵ Enju buli bongiae yonga kalamo abe kenju ne. ⁶ kabe muna kalamo ako, kalamo nanu abaae mutake, alakini kabe n'na bono,ajaae goto mutanu. ⁷ Ikani kenju no, bonoe kema ne benofi. kanyongoo nkpa a mokambo ao pasa apate musahalanake, boko gee m'mbe enju ka enju. ⁸ Mosomba buli n'nde bongia ku kao, na bano sesei, leani n'ne babisi mosa'anu ⁹ na fondisani basambi bune ba oma no. Engodeani bwame a Mokonga a bibi'anu. ¹⁰ Oma buli n'ne bongia ku ka mosomba na baka no sesei, tokani ka mokoba nake na gea, ¹¹ 'Ata ebundu a ka enchinji nanu n'ne ao titikana ka echinji nanu fuani u! Alakini ubani n'nde: Bwame a Mokonga a bibi.' ¹² Nenongodei keesa no ngomi a Sodoma abae anja konyena a mosomba ne. ¹³ Ngomi nako Korozani! Ngomi nako Betesaida! Kabe mokambo okpekpe ne baya gii mutanu baya gii ka Tiro na Sidoni, bayapasi batubwe na ikika ka ebuu na bongo. ¹⁴ Alakini ngomi a Tiro na Sidoni abae anja ka ukumu konyena nanu. ¹⁵ Obe, Kapernaumu, oowaza geae bako sakuaae mopaka kegoo? N'naake, bako didisaae ka jimu. ¹⁶ N'mbe ano oki amooki , na n'mbo ano maki amo maki, na n'mbo amo maki an'maki n'mbo aya moteki." ¹⁷ Buno makomi saba baoja na fulaa, baogea, "Bosomwa na bayoya baya edidisi mutasu kiina'ako." ¹⁸ Yeso ao engodea, " Netuo moona N'keti agu toka kegoo ubate mani. ¹⁹ Lengani, Neto nofhi mokota a n'detea njoka na n'koto, na sua bokpekpe buli a adui, ataa kema mochi n'ne aenei anofanye ajede. ²⁰ Alakini boko fulaie mbe tondo kine, geae bayoya baedidisi mosaanu, alakini bofulaie kabe goto baandeki inaanu kegoo. ²¹ Ka saa no mochi ao fulai asii ka Loo Motakatifo na gea, " Neko bebi, Abe, Bosomwa a kegoo na od'o, kanyongo osomei kema ne mutaa bakichwa na baubafhi oonisi u mutaa buno banao uba kema, ubate banichi'a boa. Eya, Abe kanyongo ayatu anja kiso'ako. ²² Bamofi kema bubuli ka toka mutaa Abe, tafho n'kpa mochi n'mbe ao muuba Michi tondo Abe, na n'na n'kpa ne ao muuba Abe tondo michi na buno Michi aya n'sobu amoonise." ²³ Ao egalekana mutaa banafunji aogea mbamba, " Kalamo mutaa n'kpa ne aoni kema ne booni. ²⁴ Neno ngodei, ban'nabi asii na baame baya kondi baone kema ne boo'ona, bakaya oni'ake u, na oka kema ne boo'oka, bakaya oki'ake u." ²⁵ Lengani, muubi mochi a selia, ao mama kayongo an'kengee, aogea, "Mwalimo, neopasa gea kema sina kanyongo nepate maisa a esa bui?" ²⁶ Yeso aongodea, "Kema sina baandeki subia selia? Namuna sina oosoma u?" ²⁷ Aon'jibua aogea, " On'kondaae Bosomwa Mokonga nake na meema nako bui, na nafusi nako buli, na bokpekpe nako buli, na akili nako buli, na badako ubate sisako." ²⁸ Yeso aon'ngodea, " Ojib'u anja fhee. Gea bene, olamaae." ²⁹ Alakini ye, aokonda pata selia sisake, aon'ngodea Yeso, dani ane ani?" ³⁰ Yeso aon'jibua na gea, " Mogaa mochi ayatu'oga toka na yelusalema ka Yeriko. Aogua ka njaga a bauti, buno baya muuti kema nake buli, na n'beta'ake, baon'deketa bibi'a kukua. ³¹ Ka baati anja koani mochi ayatuo nyena ka afhe no saa ne aya mooni, ao nyena bibi'ake. ³² Ka afhe no mochi, molawi mochi goto, saa ne ayakid'i oma no ao moona, ao nyena oma angboo. ³³ Alakini Musamalia mochi, ayatu ka tamba aobika oma ne ayatu. Saa ne aya mooni, aon'kulia ngomi. ³⁴ Aobika bibi'ake ao bwa afhefhoa nake, aodhuka ngamba kao na esenga kao. Aon'kpatisa gua nyama nake, aon'bika naye ka oma ne bakpa baodhaa, aon'chunga anja. ³⁵ Mama nosi ao boa gbutuka ibee a dinari, ao ebofha bako'a enju, ao gea, n'chugani anja, na kema buli n'nde abae goto na sikii mofhani, nelipae buli kaja'ani. ³⁶ Ani subia bune basola owazi geae ane dake anja na n'kpa no ayagu ka njaga a bakukuba?" ³⁷ Aogea," N'mbo aya n'kuli ngomi." Yeso aon'ngodea, "Gaa na gea bene." ³⁸ Bene bayatuo tamba kimochi, aongia ka nji mochi, na n'ke mochi inaake Malata aon'sesea kenju nake. ³⁹ Ayatu na motoake inaake Malia, n'mbo ayatuo ika ka echinji a Bosomwa na oka Yonga nake. ⁴⁰ Alakini Malata ayatu na mokambo asii aombe'ake elea. Aobika mutaa Yeso na gea, " Bosomwa, koo ona geae moto'ani amo deketei mokambo sisani? Ngodea abike amobedee." ⁴¹ Alakini Bosomwa aon'jibua na n'ngodea, "Malata, Malata, obeli na vulungana ka kema asii, ⁴² alakini kema mochi ane a maana. Malia aya sombu n'ne aanja asii, n'ne bakatoke ku babhowe mutake."