¹ Yeso aongia na nyena ka Yeriko. ² Ao mo'ona n'kpa mochi fua ina'ake Zkayo. Mokota a balipisi a kodi na ayatu na imona asii. ³ Aokaba amoone Yeso ambe ane namuna sina, alakini kaya toki'ake amoone ka n'kindi a bakpa,kanyongoo ayatuo' ngbingbi ka ndandamana. ⁴ Ao butukana mbango mosa a bakpa na dafha gua'a mee a mozabibo amoone, kanyongoo Yeso atuo gea anyene ka afhe no. Saa ne Yeso aya kid'i oma no, ao lenga kegoo na n'ngodea, " Zakayo dida mbango, kanyongo neopsa nelee kenju nako kesane." ⁶ Ao gamanaga na n'sesea na fulaa asii. ⁷ Saa ne n'kpa buli aya oni bene, bao nungumana na gea, " Angi subi ko moenjea n'kpa ne ana jambi. ⁸ Zakayo ao mama na n'ngodea Bosomwa, Lenga fho, Bosomwa, neboaae gbutuka a kema nano nebofhe ba masikini, na kabe neye ubi kema a n'kpa, nejisaae u mala gena a esabo no." ⁹ Yeso aon'ngodea, " Lama akidiani kenju ne kesane, kanyongo ane muna Abulahamu. ¹⁰ Kanyongo Muna N'kpa aya biki a kabe na lamisa bakpa ne babungi." ¹¹ Bene baya oki kema ne, aolaba na yonga mekele mochi, kanyongo ayatu bibi na Yelusalema, na baya wazi gea bwame a Mokonga aogea abike saa no. ¹² Ao gea bene, " N'kpa mochi a maisa anja aya gee ka nji a danga ka pata sisake bwame mochi kisa aodja. ¹³ Ao ebofhana bakpa a mokambo nake komi na engodea, chungani mokambo anja mopaka bene nejaku.' ¹⁴ Alakini bakpa nake bakaya kondi bao teka bakpa mbua'ake, baogea, 'Bekeake'o konda n'mbe abe mokota nasu.' ¹⁵ Saa ne ayaji, kisa pata bwame, ao enngodea bakpa a mokambo ne aya ebofhi bangoa babike, kanyongo aube faidha aina baya oati ka chunga mokambo. ¹⁶ " N'mbo a kwanja ao bika mosa'ake, aogea, 'Bosomwa, bangoa nako abikise bangoa komi goto.' ¹⁷ " N'kpa a maisa anja aon'bgodea, 'Ogii anja, n'kpa a mokambo anja. Kanyongo ona dhoni ka kema aboa, obaae mokota a mosomba komi.' ¹⁸ " N'mbo a pili aobika, ao gea, 'Bosomwa, bangoa nako abikisi goto bangoa itano.' ¹⁹ " N'kpa a maisa anja aon'ngodea, obaae mokota a mosomba itano.' ²⁰ " Ongboo aobika, aogea ' Bosomwa, neto chungi bangoa nako anja subia ngobe aange, ²¹ kanyongo netoko bangi, kanyongoo one n'kpa ne oomema. Ooboa oma ne kobisi kema, na ootena oma ne koto koni.' ²² " N'kpa a maisa anja, 'Bako ukumuaae ka yonga nako sisako, obe n'kpa a mokambo ajede, ato ubi gea nene n'kpa a mema, neo boa oma ne keto bisi, na tena oma ne keto koni. ²³ Kanyongo sina kota bisi'ake bangoa namo subia banki, kanyongo saa ne nejaae nepate faidha? ²⁴ N'kpa a maisa anja aongodea mogaa no aya mami fua, ' Muuta bangoa no, na mofha n'bo ana bangoa komi.' ²⁵ " Baon'ngodea, "Bosomwa, ana bangoa komi.' ²⁶ '" Nenongodei, n'mbo ana kema bamofhaae asii, alakini muta n'mbo kana kema, n'no anee ba muutaae u. ²⁷ Alakini bune ba adui namo, bune banao'konda nebe mokota nabo, bikani naab'o mkoni emwani mosa'ani.'" ²⁸ Saa aya yongi kema ne, aoga n'chi na Yelusalema. ²⁹ Saa ne aya kidi bibi a Betefage na Betania, ka momba ne bao'ofha Zaituni, ao eteka banafunji nake babee, ³⁰ aogea, " Gaani ka nji nosi. Beyeo ngia, bon'dondaae mu punda n'mbe bakaya kpati mbe guake. N'kodani bon'bike naye mutamo. ³¹ Kabe n'kpa ano uisii, ' Kanyongo sina bon'kodi?' Gaani, 'Bosomwa ana siki'ake.'" ³² Bune aya eteki baoga baon'donda muna punda beno Yeso aya engodei. ³³ Bene bayatuo n'koda, moko'ake ao engodea, " Kanyongo sina boon'koda muna punda?" ³⁴ Baogea, "Bosomwa ana siki'ake." ³⁵ Bao'biika naye mutaa Yeso, bao ojyea ndombe nabo gua muna punda baon'kpatisa Yeso guake. ³⁶ Bene ayatuo ga, bao ojyea ngombe nabo ka od'o. ³⁷ Bene aya kidi bibi'a n'sekaseka a mama a Zaituni, n'tunduko buli a banafunji baokpanga fulaia na beba Mokonga ka eso angbo ka mokambo buli angbo n'ne baya oni, ³⁸ baogea, "Kalamo mutaa mwame ne aobika kina a Bosomwa! Bonjanja na bodoko kegoo oma ne akegoo asii!" ³⁹ N'tunduko mochi a Bafalisayo baon'ngodea, "Mwalimo, etombokea banafunji nako." ⁴⁰ Yeso aojibua aogea, " Nenongodei, kabe bune badakani, ete aenei a koge." ⁴¹ Saa ne Yesu aya kidi bibi a mosomba, baon'gamea, ⁴² "Kabe tondo oyo ubi kine a esa ne, ataa benu, kema ne aobikisa bonjanja! Alakini basomii u kiso'anu. ⁴³ Kagea esa no aobika saa ne baadui nako babike ku guako na fheka anga a ete na timba'ako n'chi bubuli. ⁴⁴ Bako bindaae na maka'ako ka od'o, na banichi'ako. Baka deteke ku ete gua ete kanyongoo bako ubi'ake esa n'ne baya biki kono ona kau." ⁴⁵ Yeso aongia subia ekalo ao kpanga ebeaga bune batoo sombisa subi, ⁴⁶ aoengodea, " Baandeki, 'Enju namo abae enju a mema,' alakini bobisi u oma a bakukuba." ⁴⁷ Yeso aofundisa esa no buliake subia ekalo. Mokota a bakoani na baandeki bao kaba namune sina bomoole, bene bakota a bakpa bayatu fua, ⁴⁸ bakaya pati'ake namuna a gea beno kanyongo bakpa bobu bayatuo mooka asii.