¹ Kisa ao efhangisi namuna sina baopasa meme kanga lela. ² Aogea, mokota mochi ayatu kanji mochi , n'mbe katon'tea mokonga, ao n'na tuu moisia n'kpa. ³ N'kemochi a kekisa ayatu kanjino, aongodea mala asii, aogea amofha selia namo ka n'kpa ne amositakei. saa no kaya belekei,alaki mbusa ake ao yonga ka meema nake,keake kontee mokonga ao esimia n'kpa, ⁵ kanyongo ne bene n'ke akekusa amo kosesi amani nepaee aki .kanyongo kabike m'be komo lelila esa buli. ⁶ Bosomwa agea; okondi yongane mokota ajede ne ayongi. ⁷ bana, mokonga katoka ku amofe aki namo,benu bune bongame sua mani na kufha?n'naaka na uvumilivu mutako? ⁸ Nenongodei, anofhae aki nanu mbango. Alakini,saa ne muna n'kpa abukaku, adondaae belekea kamokonda? ⁹ Mufano no ane mutaa bakpa ne memabaoni sisabo geae bane bakpa dhoni, basalaua buna ngboo. ¹⁰ Bkpa ibee baya dafhi ka ekalu ka mema, mochi mufalisayo na ongboo malipizi a kodi. ¹¹ Mufalisayo no ao mama, ao mema subia meema'ake,ne kusukulu mokonga kanyongoo keake abute bakpa angboo,mabuti, buno miyaka na doni bakpa a otungo,n'naake ubate mbipisi ne a kodi. ¹² Noe deketa elea mala ibee kaposo,neolipa mochi a kumi a imona namo mbuli. ¹³ Molipisi a kodi aya mami fua,kayakondi ake onjea kego,alakini ao beta bokuba nake aogea:omosamea mokonga eme n'kpa a jambi. ¹⁴ Nenoongodei: m'mbo aya didi keju nake ayaonekana n'kpa a doni konyenu nimbo ongboo,kannyongoo n'kpabuli aedhokomisa, ban'didisa ae,m'mbo aedidisi ban'dhokomisaae. ¹⁵ Baobi na banichi aboa kanyongo aebisie njaga,alakini saa ne banafuji nake bayae oni bao eyongaga. ¹⁶ Alakini yes aboa u ao ebhofhana mutake aogea: dheketani banichi babike mutano kanyongoo bwame a k michiego aubate bonobo sawa banichi aboa. ¹⁷ Nenongodei doni,n'kpa ne kapokeibwame a mokonga ubate michi aboa katoke ku augie ko doni. ¹⁸ Mokota mochi ao muisia aoge :Mwalimu anja negee kema sinanengee ka uzima a milele? ¹⁹ Yesu aongodea: kanyongo sina omoofani mwalimu anja? n'nan'kpa ne aanja alakini mokonga sisake. ²⁰ Oubu amuli kotungane,koole,koube,koyenge mbea,esimia abako amako. ²¹ Aongodea:nebedi kema ne buli tangia bokanda namo. ²² Saa ne yesu ayaoki yonga no,aongodea: okosi kema imo.chi,sombisa kema no ubuli ebofhe ba masikini,obae na n'toke kegoo; bika omobee. ²³ Aya oki nyongo ne aobela asii;kanyongoo n'kpa no ayatu na imona asii. ²⁴ Yesu omaenjea aogeaa:ane akpe bakpa a imona ka bwame a mokonga. ²⁵ kanyongoo ane anja ngamia anyeni ka kubu a sidonia kanga n'kpa a imona agie ka bwame amokonga. ²⁶ Baya oki bene baogea:ani gaake aenei alame? ²⁷ Aogea:kema ne n'naowezeekana na bakpa, aowezekana na mokonga. ²⁸ Petele aogea:lenga, bedeketi kema buli beokobea. ²⁹ Aogea lenga:neengodei doni,n'kpa katoke ku adekete enju, ao n'ke,ao muna amake,ao babokoti nake,ao banichi kanyongo a bwame a mokonga, ³⁰ Bapataae mala asii, kekende, na ka mokonda ne abikaae ka uzima wa milele. ³¹ Aongodea benu komi na ibee,lenga bedafhi ka gaa na yelusama,na yonga buli n'nde banabi bayaanden'ki kanyongo a muna bakpa,a kidiaae. ³² Kanyongo babisaae kanjaga a bakpa a kamokonda,bantebeagaae, na fanyake bojede,na n'makeake soki; ³³ Ban'betaae gouto,be'fholeaee ngonba na esa a isalo afufukaae. ³⁴ Bakaya ubi yonga ne ata aboa;yonga ne aya somiani mutabo,bakaya ubi yongo ne aya yongi. ³⁵ Baokia bibi a yeriko,kelime lime mochi ao ika bibi a afhe ao memaga. ³⁶ Ao oki bakpa banyeni,ao uisia kema sina n'ndo ao nyena? ³⁷ Baongodea geae Yeso a Nazareti aonyena. ³⁸ Kendime ndime aotata, aogea " Yeso, Muna Davidi, mokuie ngomi." ³⁹ N'mbe ayatuo gan mosa aon'tombokea kendime ndime, aon'ngodea dakana. Alakini aotata asii goto, "Muna Davidi, mokuie ngomi." ⁴⁰ Yeso ao mama ja na gea ban'bike naaye. Saa ne kendime ndime aya kidi bibi, Yeso ao muisia, ⁴¹ " Kema sina ookonda nefanye mutako?" Aogea, "Bosomwa, neokonda neonafhe." ⁴² Yeso aongodea, " Onafha. Belekea nako ako fhondisi." ⁴³ Saa no ao onafha na gaa m'busa'ake, na n'beba Mokonga. Saa be bakpa bobu baya oni bene, baon'dokomisa Mokonga.