¹ Yeso aongodea banafunji nake," Ane dhoni ete a betekana abaae, alakini ngomi a n'kpa no anyeneaae mutake! ² Atuoba anja mutake kabe balingii ntunduko a ete ka kingo'ake na maka'ake ka ob'a kagea kabike a betekise bune aboboa. ³ Baani baenge, Kabe muna'amako afanyi jambi, n'tombokea, kabe atubuu, n'samea. ⁴ Kabe afanyei jambi mala saba ka esa mochi, na aji mala saba mutako, n'ngodea, 'Netubu,' oopasa on'samee!" Bagoigi baon'ngodea bosomwa, "Motisa belekea nasu." ⁶ Bosomwa aogea, " Kabe botu na belekea ubata mbuka a lufuta, botuenei bongodea mee ne toka moni gaa o mame subia oba,' aopasa akooke. ⁷ Alakini ani ka benu, n'mbe ana n'kpa a mokambo nake ao tumika ao chunga ba mogogo, an'ngodeaae saa ne abiki katoka ka chiko, 'Bika mbango na ika kaod'o ka lea? ⁸ Kagea ku, omba kani kema a lea, na bisa n'tongo ka ngombe nako na motumikia mopaka negobe leaga na noa. Kisa bene oleaae na noa? ⁹ Kan'betei akisanti n'kpa a mokambo kanyongo kaya gii'ake kema ne ayangodei afanye, n'na beno? ¹⁰ Ataa fho obe goto, saa ne ogii kema buli n'ne baya kongodei o fanye, oopsa yonga, ' Bene bakpa a mokambo ajede. Betogii tondo n'no beye pasi bafanye.'" ¹¹ Saa ne ayatuo ga na Yelusalema, aokidia bibi a Samalia na Galilaya. ¹² Bene ayangi ka nji mochi, ao donda booko kumi bune bana sulu. Bao mama danga'ake ¹³ bao dafhisa eso'abo, gea,"Yeso, Mwalimo, osokuia ngomi." Saa ne ayae oni, ao engodea, "Gaani boonekane mosa a bakoani sisanu." Bene baya gee bao b'a anja. ¹⁵ Saa ne mochi'abo aya oni geae afhondi, aoja mbusa, na eso angbo aon'dokomisa Mokonga. ¹⁶ Aogua na endondo nake ka echinji a Yeso ao mofa akisanti. Ayatu Musamalia. ¹⁷ Yeso aogea, "Bobu komi bafhondi n'na beno? ¹⁸ Tafho n'mbe aya sendi aje abike an'dokomise Mokonga tondo n'mbo mogeni?" ¹⁹ Aongodea, " Mama, gaa. Belekea nako ako bisi anja." ²⁰ Bafalisayo bao muisia saa sina bwame a Mokonga abiku, Yeso ao engodea na gea, " Bwame a Mokonga n'naobika ka lenga. ²¹ Ao bageaae, 'Lengani, aungu! ao, Aang'o!' Lengani, bwame a Mokonga aiki subianu." ²² Aoengodea banafunji," Esa abiki saa ne bokondaae one esa a Muna a N'kpa, alakini boko one ku. ²³ Banongodeaae, 'Lengani fua! Lengani moni! Alakini boko gee mbe ao gaa mbago oma no, ²⁴ kanyongo bene obela ao lola anjee see ne ao maka mobiebie oma imochi kegoo na egoo angboo, ane bene Muna N'kpa abaae kesa nake. ²⁵ Alakini ao pasa ateseke mosa ka kema asii na ebokoti ne an'makaae. ²⁶ Bene aya nyeni ka esa a Noa, bene ange anyena ku ka esa a Muna N'kpa. ²⁷ Baya lei, baya noe, baya omani, baya omanisi mopaka beo Noa ayangi ka ketange na monembo aya euji bobu. ²⁸ Ka namuna no mochi, aange aya nyeni esa a Loti, bayatuo leaga na noa, na somba, na sombisa, kona na fheka. ²⁹ Alakini ke'esa no Loti aya toki na Sodoma, nvua a insa aya loki na safuli toka kegoo a euja bobu. ³⁰ Kema a bene aange anyena ku ke'esa no Muna N'kpa aonekanaae. ³¹ Ke'esa no n'mbo aba ku kan'tondo'a enju kadide mbe ka boa n'kumba nake kenju, na bene n'mbo a ka chiko kaje mbe mono. ³³ N'mbo ao kaba apate maisa nake abungisaae u, alakini n'mbo abungisi maisa nake a lamisaae u. ³⁴ Nenongodei, kiifha no bakpa babee babae ka eka mochi. Mochi a gaae na ongboo ajigaae. ³⁵ Bake babee badoaae ka kelonga mochi. Mochi agaae na ongboo ajigaae." ³⁶ Boko babee babae ka chiko moch. mochi agaae na ongboo ajigaae. ³⁷ Bao muisia, Oma sina, Bosomwa? Ao engodea, " Oma ne ngobo abei, fua ange bandia baodondana."