¹ Yeso ao engodea goto banafunji nake, " N'kpa mochi a imona ayatu na n'kpa a mokambo nake, baon'sitakea mutake geae aya gobi kema nake. ² Ao moofhana, aon'ngodea, 'Mbino sina n'ne neo oka kegoako? Moonisa mokambo nako kanyongoo keokonda ochunge goto imona namo.' ³ " N'chungi no aoyonga sisake, 'Negeaae kema sina? Kanyongo mokota namo ka gotoo'mo belekea. Ketoke ku tonga bene nena soni a memaga. ⁴ Neubi n'ne negea ku, kanyongo amotokisaae ka mokambo nake, neubi namuna sina baenei bamosesee kenju nabo.' ⁵ N'chingi ao moofhana kila n'kpa ne ayatu na dheni a mokota nake; aon'ngodea ona dheni engaani a mokota namo?' ⁶ Aon'ngodea, Mboso mia mochi a gamba.' Aongodea, " Ika kaod'o mbango 'andeka makomi itano.' ⁷ Aongodea ongboo, ' Ona engaani? " Aogea, ' djo mia imochi a ngano. 'Aongodea, ' Andeka makomi monane.' ⁸ Mogaa no aon'beba n'chungi a imona no a mbea kanyongoo aya gii boenge. Kanyongo banichi'a ka mokonda ne bane baenge ka tomika na bakpa nabo konyena banichi'a obela. ⁹ Nenongodei, geani ko malekwa sisanu a imona a kub kanyongo saa ne ao dida, bano sesee ka oma a esa buli. ¹⁰ N'mbo ana dhoni ka kema aboa, ana dhoni ka kema angbo, n'mbo a onjanja ka kema aboa, abae onjanja ka kema angbo. ¹¹ Kabe boko na dhoni ka imona akuba, ani aenei ano belekee ka imona a dhoni? ¹² Kabe boko na dhoni ka imona a bakpa angboo, ani anofha ku imona nanu sisanu? ¹³ N'kpa n'naotoka tomikia bakota ibee, kanyongo aenei a n'seke mochi na n'konda ongboo, aene a mooke mochi na n'zalaua ongboo. Kotoke ku n'tumikia Mokonga na imona." ¹⁴ Bafalisayo baya kondi bangoa asii, bao oka bene bao kpanga tebe'ake. ¹⁵ Ao engodea, " Benu sisanu bogii gea bone bakpa a dhoni. Mokonga aubi meema nanu. N'ne bakpa bao sakua aajede kiso a Mokonga. ¹⁶ Selia na ban'nabi ayatu na bokpekpe mopaka bika a Yoani. Kpanga fua , enjili a bwame a Mokonga bau bili u, na kila n'kpa aokaba afhe ka ka bokpekpe angie subi. ¹⁷ Alakini egoo na od'o aenei anyene mbango kanga buna kema mochi a selei. ¹⁸ Kila n'kpa ne adeketani na n'kake na n'songa ongboo, agii mambo na n'mbo an'songi n'mbo adeketani na munyake agii mambo. ¹⁹ " N'kpa a imona mochi ayatu fuamo n'mbe aya loli ngombe a kufhe anja na ayatuo fulaia anja esa buli na bongbngbo a imona nake. ²⁰ N'bondeigi mochi Lazaro aya dhai kiso a n'pome nake, ao ebumbia na bongo, ²¹ na bonyea n'ne ayatuo gua ka meja a n'kpa a imona. Na bamboa bayatuo bika kodhidhi'aga afefoa nake. ²² Masikini n'no ao kua, malaika aoganaye ka bokuba a Abulahamu. N'kpa a imona naye aokua bao muumba, ²³ na sbia zimo aoteseka asii ao lenga kegoo ao moona Abulahamu danga na Lazaro ka bokuba'ake. ²⁴ Ao koga aogea,' Abe Abulahamu, mokuia ngomi n'taka Lazaro, abisi michi'a njaga nake kibo afhe a dhikise ka edaka namo, kanyongo ngobo amojongi na moseko ne.' ²⁵ " Alakini Abulahamu aodea, ' Michi, kumbukaa saa ne otumono ka maisa nako otu mino na kema anja, na lazaro bene ayatu na kema ajede. Alakini saa ne ao fulaia moni, na obe oo teseka. ²⁶ Bibia n'ne buli, enjimba angbo aiki oma ne boikiki na n'mbe aokonda atinde mutanu katoke ku, na tofho n'kpa ne aenei atoko oma ne boloe abike mutasu.' ²⁷ "N'kpa a imona aogea, ' Kadengadenga, Abe Abulahamu, oenei on'teke kenju a abe ²⁸ kanyongo nena ba munama itano kanyongo aengodee baka bike mbe oma ne a teseka.' ²⁹ " Alakini Abulahamu aogea, ' Bana Musa na ban'nabi; baeoko.' ³⁰ " N'kpa a imona aojibua, ' N'naake, Abe Abulahamu, alakini kabe n'kpa aenei agee mutabo katoka mutaa baku, ba tubuaae.' ³¹ " Alakini Abulahamu aon'ngodea, 'Kabe baka mooki'ake Musa na ban'nabi, baka tokeku ba oke ata n'kpa atoki oma a baku.'"