¹ Ka Sabato mochi, saa ne ayabiki kenju a mokota mochi a Bafalisayo ka lea n'bako, bayatuo moenjea boke boke. ² Lengani, fua mosa'ake mogaa mochi ayatu na ngobo mokalo. ³ Yeso ao muisia muubi a selia a Bayaudi na a Bafalisayo,"Ane anja n'fhondisa n'kpa esa a Sabato ao aajede? ⁴ Alakini baya dakani. Yeso aon'beda, aon'fhondisa, aon'tokisa fua, " Ani subianu michi'oke a kagbema nake aenei ague subia echia esa a Sabato katoke ku a n'bote?" ⁶ Bakaya toki'ake mofhaake jibo imochi ka kema ne. ⁷ Saa ne Yeso aya oni bene bune bayaebofhni, bao somboa mbata a esima, ao maka mekele mochi, ao engodea, ⁸ "Saa ne bakoofhani mutaa n'kpa ka ekeka, koike n'mbe ka mbata a esima, kanyongoo baenei bamoofhane n'kpa ongboo n'mbo ana esima asii koko nyena. ⁹ Saa ne n'kpa no baya moofhani na ob'e bokid'i, akongodeaae, ' Mofha n'kpa ne oma nako,' na ka soni o kpangaa boa oma a kusi. ¹⁰ Alakini saa ne bakoofhani, gaa oike oma a kusi, bene saa ne n'mbo aya koofhani abiki, aopasa akongodee, ' Malikwa, gaa kegoo.' Bene obaae na esima mosa a buno bobu baiki na obe ka meja. ¹¹ Kanyongo n'mbo aesakwe sisake ban'didisaae, na n'mbo aedidisi ban'sakuaae." ¹² Yeso aon'ngodea goto mogaa no aya moofhani, " Saa ne ogabi alea ao aongisi fulaa nako, komofhane mbe ba malikwako ao ba muna'amako, ao badako bune bana imona, kagea bako'ofhanaae mbusa ka lipa'ako. ¹³ Alakini saa ne obongisi fulaa bnako, ebofhana bamasikini, bagumi, kebeka, kendimendine, ¹⁴ opataae kalamo, kanyongo baka kolipe ku. Kanyongoo bako lipaae mbusa ka ufufuko a bakpa anja." ¹⁵ Saa ne mochi'abo n'mbo aya iki na Yeso ka meja ayaoki kema ne, aon'ngodea, " Kalamo mutaa n'mbo aleaae n'bako ka bwame a Mokonga!" ¹⁶ Alakini Yeso aon'ngodea, " N'kpa mochi aya bongisi elea asii ao ebofhana bakpa asii. ¹⁷ Ka saa a leaga, ao eteka bakpa'a mokambo nake kangodea buno baya ebofhani, ' Bikani kanyongo kema buli ane tayali.' ¹⁸ " Bobu bao kpanga bikisa sababo. N'mbo a mosa aon'ngodea, ' Neto sombi chiko, neopasa negee koona u. Kadengadenga o moulumie.' ¹⁹ " Ongboo aogea, ' Neto sombi eyamani itano bakagbema, neoga epima'abo. Kadebgadenga omoulumie.' ²⁰ N'kpa ongboo aogea, ' Nen'songi n'ke, na bene ketoke ku bika.' ²¹ N'kpa a mokambo aobika aon'ngodea mokoo'ake kema ne. Mokoo'a enju ao bela nangodea n'kpa a mokambo nake, ' Gaa mbango ka'afhe na yombolo ne agee ka mosomba ebikisa ba masikini moni, na kebeka.' ²² N'kpa a mokambo aogea, ' Mokota, n'ne oyongi ayo nyenekani, na oma a tondo bei.' ²³ " Mokoo'ake aon'ngodea n'kpa a mokambo gaa ka afhe angbo na n'chi buli na ekaza babike subi kanyongo enju namo a tume. ²⁴ Nenongodei, tofho ka buno neyee bofhani baleaae ka elea namo."' ²⁵ N'kindi asii baya gee naye, ao egalea na engodea, ²⁶ " Kabe n'kpa abiki mutamo na kan'jye abake, amake, n'kake, banichi'ake, ba muna'amake booko na bake, ao maisa nake sisake, katoke ku b'a mwanafunji namo. ²⁷ N'mbo katoke ku kuma mosalab'a nake na bika mbusa'ani katoke ku b'a mwanafunji namo. ²⁸ Kanyongo ani subianu aenei afheke kaulu na kaiki fho kaod'o na gea esabo a n'kumba n'ne ana sikili ka goba mokambo no? ²⁹ Kabe n'na beno, saa ne ao bisa makonji na kagobi, bobu bune baonaae u bakpangaae n'tebe'ake, ³⁰ gea, ' Mogaa ne aya kpangi fheka alakini kaya toki'ake goba.' ³¹ Ao mwame sina, aenei agee ko dondana na mwame ongboo ka etu kanga ika mosa kaod'o na pata feli kabe aenei agee na bakpa elefu kumi ka mana na mwame ongboo n'mbe abiki na bakpa elefu makumi ibee? ³² Kabe n'na beno, saa ne bamani angboo bafho tondo danga, ateki batomi mbino na uisia'ake namuna a bonjanja. ³³ Bene, kila n'kpa ne ka deketi kema nake katoke ku ab'e mwanafunji namo. ³⁴ Chombe aanja, alakini kabe chumbe abungisi bodeke'ake, namuna sina aenei abe chumbe goto? ³⁵ N'naake anja ka od'o ao kasa. Bemake u danga. N'mbo ana kechue a okafha, ao oke."