¹ Ka saa no, bakpa mochi baon'ngodea kanyogo a Bagalilaya, beno Pilato aya dhuki majia nabo saa bayao fhole mokombe nabo. ² Yeso ao ejibua na gea, " Boubate geae Bagalilaya ne bayatu na jambi asii konyena Bagalilaya buli kanyongoo baya teseki namuna ne? ³ Alakini kabe boko tubue, bosiaae bune bobu namuna ne. ⁴ Ao bakpa makomi monane bune kaulu ayaeguli na kua ka Siloamu , bo utape geae bayatu bakpa a jambi ajede konyena bakpa buli na Yelusalema? ⁵ N'naake, Negii. Alakini kabe boko tubue, benu bobu botindaae." ⁶ Yeso aya labi mekele ne, " N'kpa mochi aya koni mee a mozabibo ka chiko nake, aobika kokaba mbuka kau alakini kaya dondi'ake kema. ⁷ Mogaa no ao engodea bachungi, ' Lengani, kanyongoo mee a mozabibo neto biki nekengee nepata mbuka ka mee a mozabibo ne kepati'ake kema. Tenani u. Kanyongo sina abuu oma asii ka chiko? ⁸ " Bachungi baojibua na gea, ' Moko, deketa u ka mwaka ne, netongaae bilili na bisa kasa kau. ⁹ Afholeae mbuka ka mwaka ne aobika, anja; alakini kabe ka fholei u, tena u. ¹⁰ Yeso aya tuofundisa ka subia sinagogi imochi esa a Sabato. ¹¹ Lengani, n'ke mochi ayatu fua na loo a kodhoka'a ngobo a mwaka komi na monane. Aya gudhumani kanga bokpekpe a mama anja. ¹² Saa ne Yeso aya mooni aogea, " N'ke ne, kodhokana a ngobo nako ako toki." ¹³ Ao bisa njaga'ake gua'ke, saa no ao kpekpemana ao n'dokomisa Mokonga. ¹⁴ Alakini mokota a sinagogi ao bela kanyongo Yeso aya n'fhondisi ka sabato. Mokota aojibua na ngodea n'kindi a bakpa, " Oenei otumike ka esa sita. N'naake bika na n'fhondisa n'kpa esa a sabato." ¹⁵ Bosomwa aon'jibua na gea, " Bakpa a mbea! N'na benu'ange bookod'a ba kagbema ao n'punda nanu oma nabo na gaa naabo na n'toko banue ibo esa a Sabato? ¹⁶ N'ke ne ane mosukua Abulahamu, n'mbe N'keti an'bwege mwaka kumi na monane, ngoli nake katoke ku a ukukane esa a Sabato?" ¹⁷ Bene aya labi kema ne, bobu bune bayaon'kida baokua na soni, alakini n'kindi a bakpa bobu bayatuo fulaia ka kema buli anja n'ne ayagii. ¹⁸ Yeso aogea, " Bwame a Mokonga ane ubate kema sina, n'ne neenei nekengise nee? ¹⁹ Ane ubate mbuka a aladali n'ne bamaki ka chiko, aomota aoba mee angbo, bambuu a kegoo baofheka liib'o nabo ka n'tabi'ake." ²⁰ Aogea goto, " Kema sina neenei ne kengee na bwame a Mokonga? ²¹ Ane ubate kema ne n'ke abisi subia bonga ka lua mopaka bonga asoe." ²² Yeso ao nyena ka mosomba na n'nji, aofundisa na bena afhe a Yelusalema. ²³ N'kpa mochi aongodea, "Bosomwa, ane bakpa aboa tondo bune ba lama ku?" Ao engodea, ²⁴ Oopasa o mane kangia ka kubu a sindano, kanyongo, Neno ngodei, bakpa asii ba kengeae ngia, alakini baka toke ku ngia. ²⁵ Mala imochi mokoo'a enju ao mama aobisa fhembekete kiso'a n'pome, ao mama kan'tanga ao didisa bochaka na gea, ' Bosomwa, oso dekete bengie.' Aejibuaae na gea, 'Keake kono uba ao oma ne bo tok'i. ²⁶ Bogeaae, ' Beye n'nu na lea mosa'ako na oye fundisi ka mosomba nasu.' ²⁷ Alakini aejisiaae, ' Nenongodei, Keo uba oma ne bo tok'i. Gaani danga na eme, benu bobu bakpa'a mokambo a mbea!' ²⁸ Ngamo na lea minyo abae saa ne bomooni Abulahamu, Isaya, Yakobo, na ban'nabi a bwame a Mokonga, alakini bano maki ka n'senge. ²⁹ Batokaae na njaga a muuku, njaga a n'kei, na kusi na kegoo a mokonda, na ikika ka meja subia bwame a Mokonga. ³⁰ Ubani n'ne, buno bana maana aboa babaae mosa, na buno bana maana asii bajigaae mbusa." ³¹ Ka saa no, Bafalisa mochi baobika na n'ngodea, "Gaa otoke moni kanyongoo Herode ao konda ako mwe." ³² Yeso aogea, " Gaani na ngodeani n'tindi no, ' Lengani, neo etokisa bayoya na fhondisa kesane na mama, na esa a isalo Nekidiaae ka kiini namo.' ³³ Ka nyongo namo, ane anja negee kesane, mama, na mama nosi, mopaka bene kabaae anja n'nabi akue mbamba a Yelusalema. ³⁴ Yelusalema, Yelusalema, n'mbe oomwa ban'nabi na ebeta ete bune baya eteki mutaanu. Mala engaani neye kondi tondanisa banichi'anu bene n'kaa koko ao dondanisa banichi'ake kusia mbafha nake, alakini bokoto kondi'ake bene. ³⁵ Onjeani, enju nanu atumi. Nenongodei,' Kalamo abe mutaa n'mbo abiki kina a Bosomwa.