¹ Yeso aonyena, aomoona n'kpa mochi kendimendime kpanga bokotana'ake. ² Banafunji nake baomuisia, " Rabbi, ani ayagii jambi, mogaa ne ao babokoti nake, ka gea aya bokotani kendimendime?" ³ Yeso aojibua, " Tafho mogaa ne ayagii jambi, ao babokoti nake, alakini kagea yonga a Mokonga aonekane subi'ake. ⁴ Beopasa gea mokambo a n'mbo aya moteki saa ne sua mani abei. Kiifha abiki saa ne tafho n'kpa mochi aenei atomike. ⁵ Saa ne neka mokambo, nene obela a mokonda." ⁶ Kisa Yeso gea keme ne, aomaka soki nake kaod'o, aobongisa n'sofho na soki nake, na sia n'sofho kiso'ake. ⁷ Aon'ngodea, " Gaa, oesokose ka kiba a Siloamo" (n'ne bagalei ka "Teka"). Mogaa no aoga, aoesokosa, aoja na ao unafha. ⁸ Badake na mogaa no buno baya mooni kala aomamega bayagii, " N'na mogaa ne ayatuo ika na memaga?" ⁹ Bakpa mochi baogea, " Ane ye." Bunangboo baogea, " N'naake, alakini ane ubate ye. " Alakini aogea, ane eme." ¹⁰ Baon'ngodea, " Namuna sina iso nako akodhokani?" ¹¹ Aojibua, " Mogaa no bamoofhani Yeso aya bongisi n'sofho na sia u kiso namo na gea, 'Gaa ka Siloamo aoesokose.' Bene netogee na esokosa, na onafha." ¹² Baon'ngodea, " Akoni? Aojibua, " Keo uba." ¹³ Baon'bika na mogaa no ayatu kindimendime mutaa Bafalisayo. ¹⁴ Ayatu esa a Sabato n'ne Yeso aya bongisi n'sofhoo na kodha iso'ake. ¹⁵ Bafalisayo bagotoo muisia namuna sina aya onafhi. Aoengodea, " Ato bisi n'sofho kiso'ani, neo esokosa, na onafha." ¹⁶ Bafalisayo mochi baogea, " Mogaa ne katoki'ake mutaa Mokonga kanyongoo n'nao esimia Sabato. " Bunangboo baogea, " Namuna sina n'kpa ne ana jambi aenei agee alama'a bene?" Fua bao gabekana. ¹⁷ Bagoto'o muisia kendimendime, " Oyongi kema sina gua mogaa no, kpanga bene aya uku iso'ako?" Kendimendime aogea, " Ane n'nabi." ¹⁸ Bayaudi baojiga kanga belekea gua'ake gea aya onafhi mopaka beno bayaebofhani babokoti a n'mbo iso'ake aya kodokani. ¹⁹ Bao ebuiisia babokoti'ake, " N'mbe ane ananu n'mbo botogii aya bokotani kendimendime? Namuna sina aonafhi keekee?" ²⁰ Babokoti'ake bao ejibua, " Beubi gea ane anasu na gea aya bokotani kendimendime. ²¹ Namuna ne aonafhi, bekeo uba, n'mbo aya kodhi iso'ake, bekeo muuba. Muisiani ayo moti. Aenei ayonge sisake." ²² Babokoti'ake baya gii kema ne kanyongo batuo etea Bayaudi. Kanyongoo Bayaudi bayagii mosa kabe n'kpa ayongi gea ane Klisto, baopasa n'tokisa ka sinagogi. ²³ Kanyongo ne aange babokoti'ake bayagii, " Muisiani afhomi, muisiani." ²⁴ Mopaka fua baomoofhana mogaa no ayatu kendimendime na n'ngodea, " N'beba Mokonga. Beubi gea mogaa ne ane n'kpa a jambi." ²⁵ Bene mogaa no aojibua, " Keo uba gea ane n'kpa a jambi. Kema mochi n'ne neubi: Netu kendimendime, na bene Neoni." ²⁶ Baon'ngodea, "Kema sina ayagii mutako? Namuna sina aya uku iso'ako?" ²⁷ Aojibua, " Neto nongodei kala, na bokoto oki! Kanyongo sina bogoto'okonda bo oke angboo? Na benu bokoo'konda bobike banafunji nake, n'na na benu?" ²⁸ Baon'fhota na gea, " One mwanafunji nake, alakini besu bene banafunji a Musa. ²⁹ Beubi gea Mokonga aya yongi na Musa, alakini bekeo uba oma ne mogaa ne atoki." ³⁰ Mogaa no aojibua na engodea, " N'ne ane atali, gea bokoo uba oma ne atoki, na aye uku iso'ani. ³¹ Beubi gea Mokonga n'nao oka bakpa a jambi, alakini kabe n'kpa an'budu Mokonga na gea ekondi nake, ao mookanea. ³² Kpanga bene mokonda beke oki mbe n'kpa auku iso a kendimendime kpanga bokotana'ake. ³³ Kabe n'kpa ne katoki mutaa Mokonga." ³⁴ Baojibua na n'ngodea, " Oto bokotani kabhisa ka jambi, oogea oso fundise? Ka bene baon'tokisa ka n'tanga. ³⁵ Yeso ao oka gea bayan'tokisi subia sinagogi. Aon'donda na gea, " On'belekei Muna N'kpa?" ³⁶ Aojibua na gea, " Ane ani, Bosomwa, gea na eme nen'belekee?" ³⁷ Yeso aon'ngodea, " Omooni ye, na aambe ao laba na ob'e." ³⁸ Mogaa no aogea, " Bosomwa, nebelekei," aon'budua. ³⁹ Yeso aogea, " Neto biki ka mokonda ka ukumua ka gea buno bakao onafha baone na buno bao onafha babike ba kendimendime." ⁴⁰ Bafalisayo mochi buno bayatu naye bao oka kema ne bao muuisia, " Na besu bene ba kendimendime?" ⁴¹ Yeso aoengodea, kabe botu ba kendimendime, bokotu toke ku ba na jambi, alakini bogii, 'Beoni,' bene jambi nanu ajigi."