¹ Ka dhoni, ka dhoni nenongodei, n'mbo kangi kiso a n'pomee a ba mogogo, na dafha mbamba kafhe angboo, n'kpa no ane n'kukubha na muuti. ² N'mbo angi kiso a n'pome ane n'chungi a ba mogogo. ³ N'chungi a iso a n'pome aomuukuia. Ba mogog bao oka eso, na ebofha ba mogogo kina na eongoza. ⁴ Saa ne aetokisi ba mogogo nake, agee mosa'abo, ba mogoo baoga nbusa'ake, kanyongoo baubi eso'ake. ⁵ Bakatoke ku n'bea mogeni alakini ban'teaae, kanyongoo bakao uba eso a bageni." ⁶ Yeso aoengodea mekele ne, alakini bakaya ubi kema mochi n'ne ayatuo engodea. ⁷ Yeso aoengodea goto, Ka dhoni, ka dhoni nenongodei, nene iso a n'pome a ba mogogo. ⁸ Kila n'kpa ne abiki mosa'ani ane n'kukuba na muuti, alakini ba mogogo bakatoke ku mookanea. ⁹ Nene iso a n'pome. Kabe n'kpa anyeni mutamo, a lamaae; angiaae na toka na donda oma alisa banyama. ¹⁰ Bakukuba batoobika ka ubha na ola na ngbola. Neto biki ka gea babe na maisa na ba nee asii. ¹¹ Nene n'chungi anja a ba mogogo. N'chungi anja ao fholea maisa nake kanyongo a ba mogogo nake. ¹² N'kpa a mokambo ne ban'lipi n'naake n'chungi a ba mogogo n'naake mokoo a ba mogogo. Aoe boona ba'agbakumia babiki na ao edeketa na tea, bao ebutukia bubo na efhanja. ¹³ Ao tea kanyongoo ane n'kpa a mokambo a lipa katoke ku chunga ba mogogo. ¹⁴ Nene n'chungi anja a ba mogogo, neo uba buna'amo, na buna'amo bao muuba. ¹⁵ Abee amoubi, na eme nemuubi Abe, nefholei maisa namo kanyogo a ba mogogo. ¹⁶ Nena ba mogogo angboo bune baka'ake kenju ne. Neopasa neebikise goto, na oka eso namo ka gea babike oma imochi na kusi a n'chungi mochi. ¹⁷ Ane ka bene aange Abee amo kondi: Nefholei maisa namo ka gea neboaae u goto. ¹⁸ Tafho n'mbe aenei amo tokise u, alakini nefholei u sisani. Nena bokota a fholea u, na bokota a bedha u goto. Neyepati mamolaka ne mutaa Abee." ¹⁹ Bayaudi bao gabekana sisabo kanyongo a yonga ne. ²⁰ Asii subiabo baogea, " Ana bayoya na ana ganja. Kanyongo sina boomookanea? ²¹ Bunangboo baogea, " N'ne n'naake yonga a n'kpa ne ana bayoya. N'kpa ne ana bayoya aeni a kodhe iso a kendimendime?" ²² Ayatu saa a fulaa a balikia ekalo ka Yelusalema. Ayatu mbondi, ²³ Yeso ayatuo tamba sunia ekelo ka n'tua a Solomono. ²⁴ Bayaudi baon'timba na n'ngodea, " Mopaka saa sina oso dheketaae ka ndindimanaga? Kabe one Klisto, osongodea ka n'tanga." ²⁵ Yeso ao ejibua, " Neto nongodei, alakini bokoo belekea. Mokambo ne neogea kina a Abee, n'ne amoonisi. ²⁶ Boko toke ku belekea kanyongoo bokoake ba mogogo namo. ²⁷ Ba mogog namo bao oka eso'ani; nee ubi, na bao bika mbusa'ani. ²⁸ Neebofhi maisa a esa bui; baka kuwe ku, tafho n'mbe aenei aetokise ka njaga'ani. ²⁹ Abe n'mbe aya mofhi eme b'o, aongbgongbo ko nyena bobu tafho n'mbe aenei aetokise ka njaga a Abee. ³⁰ Eme na Abe bene n'kpa mochi." ³¹ Bayaudi bao bonyea goto ete gea ban'bhete. ³² Yeso ao ejubua, " Neto noonisi mokambo anja asii n'ne atoki muta Abee. Ka mokambo sina kina boomo betea ete?" ³³ Bayaudi baon'jibua, " Bekeoko beta ete kanyongo a mokambo anja, alakini kanyongoo onfhoti Mokonga, kanyongoo, abe n'kpa, oo ebisa sisako Mokonga." ³⁴ Yeso ao ejibua, " Bakato andeki'ake subia selia nanu, ' Neto gii, " Bone ba mokonga"'? ³⁵ Kabe aya ebofhani ba mokonga, muta n'mbo yonga a Mokonga aya biki (maandeke katoke ku bunuka), ³⁶ boogea muta n'mbo Abee ayan'bisi mbamba na n'teka ka mokonda, 'Oon'fhota Mokonga, ' kanyongo negii, ' Nene Muna Mokonga'? ³⁷ Kabe keogea mokambo a Abee, boko mobelekee mbe. ³⁸ Alakini kabe neogea u, ataa kabe bokomo belekee, belekea'ni ka mokambo n'ne boubi na oka gea Abee ane subi'ani na eme subia Abee." ³⁹ Bogotoo kengea n'ndunga, alaikini ao sodhokana ka njaga'abo. ⁴⁰ Agoto'oga danga ka Yolodani oma ne Yoani ayatuo batiza mosa, na jiga fua. ⁴¹ Bakpa asii bao bika mutake na gea, " Yoani kaya gii'ake alama, alakini kema buli n'ne Yoani aya yongi gua mogaa ne ane dhohi." ⁴² Bakpa asii baon'belekea fua.