¹ Kisa kema ne Yeso ao nyena na Galilaya, kanyongoo kayatuakeo konda gaa na Yudea kanyongoo Bayaudi bayatuon'kaba ban'moe. ² Esa a fulaa a Bayaudi ayatu bibi. ³ Ba muna'amake baon'ngodea, " Toka oma nee gaa na Yudea, ka gea banafunji nako baone mokambo ne oogea. ⁴ Tofho n'mbe aenei agee kema ka kadhifhio ka be aokaba sisake aonekane ka n'tanga. Kabe ogii kema ne, onisau ka mokonda." ⁵ Kanyongoo ataa ba muna'amake bakatuo n'belekea. ⁶ Yeso atuongodei, " Saa namo ka kidhii mbe, alakini saa nanu a tondo tayali. ⁷ Mokonda katoke ku ano ye, alakini amoye kanyongoo neosuudia u gea mokambo nake aajede. ⁸ Bodafhi oma a fulaa; ketoke ku gaa oma a fulaa ne kanyongoo saa namo kaenei mbe." ⁹ Kisa aoengodea kema ne, ayajigi na Galilaya. ¹⁰ Alakini saa ne ba muna'amake baya gee oma a fulaa, neye goto aoga n'na kan'tanga alakini ka sili. ¹¹ Bayaudi bayatuo n'kaba oma a fulaa na gea, " A oma sina?" ¹² Ubisi ayatu asii subia n'tunduko a bakpa gua'ke. Bakpa mochi baogea, " Ane n'kpa anja." Bunangboo baogea, N'naake, aogeesa bakpa mbamba." ¹³ Tafho n'mbe aya labi ka n'tanga kegua'ke kanyongo a tea Bayaudi. ¹⁴ Saa ne fulaa aytuo gea asie, Yeso aoga ka ekalo na kpanga fundisa. ¹⁵ Bayaudi bao yayama ,baogea, "Namuna sina n'kpa ne aubi kema asii? Kayangiake ka masomo." ¹⁶ Yeso ao ejibua na gea, " Mafundiso namo n'naake namo, alakini ane a n'mbo ayamo teki. ¹⁷ Kabe n'kpa akondi gea ekondi nake, aubaae gua mafundiso nake, kabe atoki mutaa Mokonga ao kabe aoyonga ka sisake. ¹⁸ N'mbo aolaba ka sisake aokaba obebo nake, alakini n'mbo aokaba obebo a n'mbo aya n'teki, n'kpa no ana dhoni, na kema a mbea n'naake subia'ke. ¹⁹ Musa kato nofhiake selia? Tafho n'mbo ao bedha selia. Kanyongo sina bookabha bomoole? ²⁰ N'tunduko aon'jibua, " Ona bayoya. Ani aokabha akoole?" ²¹ Yeso aojibua na engodea, " Neto gii mokambo mochi, boto yayami keguui. ²² Musa aya nofhi ganja (n'naake gea aya toki mutaa Musa, alakini mutaa batate), na esa a Sabato boon'gusa moko mochi ganja. ²³ Kabe moko agu ganja esa a Sabato ka gea selia a Musa kabunuki'ake, kanyongo sina bomo beeli kanyongo nen'fhondisi n'kpa esa a Sabato? ²⁴ Boko ukumue kino boona, alakini boukumue ka bonjanja." ²⁵ Bakpa mochi buno baya toki na Yelusalema baoge, N'ne n'mbo bayatuo kaba bamoole n'mbe? ²⁶ Onani, aolaba kan'tanga, na bakao n'gea na kema. N'na fho akota baye ubi gea n'mbe ambe Klisto, n'na beno? ²⁷ Beubi oma ne n'mbe atoki. Alakini Klisto abiki, tafho n'kpa ne auba ku oma ne atoki. ²⁸ Yeso ao koga subia ekalo na gea, benu bobu bomuubi eme na uba oma ne netoki. Kebiki'ake sisani, alakini n'mbo aya moteki ane dhoni, na bokoomuuba. ²⁹ Ne muubi kanyongo netoki mutake na ayamo teki." ³⁰ Bayatuo kaba ban'dunge, alakini bakaya bisi njaga nabo guake kanyongoo saa nake kayatua'ke bibi. ³¹ Alakini bakpa asii subia n'yunduko bayatuo n'belekea, na gea, Saa ne Klisto aobika, ageaae alama asii konyena n'ne n'mbe aogea? ³² Bafalisayo bao oka gea n'tunduko a bakpa bao abudua kema ne gua Yeso, bakota a bakoani na Bafalisayo bao eteka bakota a ba soda ban'dunge. ³³ Yeso ayeogea, " Neiki na bene asii ka saa aboa, neoga mutaa n'mbo aya moteki. ³⁴ Bomokabaae alakini boko moone ku; boko tokeku uba oma ne negaae." ³⁵ Bayaudi baolaba sisabo, " Oma sina mogaa ne agaae koni bekemoone ku? Agaae mutaa Bagiliki na bunga ko na efundisa Bagiliki? ³⁶ Yonga sina ne ayonga, ' Bomokabaae alakini boko modonde ku; oma ne neoga, bokotoke ku bokidie'?" ³⁷ Ka muiso, esa angbo a fulaa, Yeso aomama na koga, aogea, " Kabe n'kpa ana siki'ibo, abike mutamo anoe. ³⁸ N'mbo abelekei subiani, bene maandeko agii, ob'a a maisa adidaae toka ka sofho ne." ³⁹ Alakini ayagii bene gua Loo, kan'mbo buno ban'belekei baopasa bapate; Loo kaya gabekani kanyongo Yeso kaya dokomani'ake mbe. ⁴⁰ Bakpa mochi ka n'tunduko, saa ne baya oki yonga ne, boagea, " N'mboe aye n'nabi." ⁴¹ Bonangboo baogea, " N'mbe ane Klisto." Alakini bakpa mochi baogea, " Klisto aenei atoke na Galilaya? ⁴² Maandeko kagii gea Klisto atoka ku kenju a Daudi toka ka Betelehemu, n'nji ne ayatu a Daudi?" ⁴³ Fua bakpa bao gabekana kanyongo'ake. ⁴⁴ Bakpa mochi baya kondi ban'ndunge, alakini tafho n'mbe aya kengi abise njaga'ake guake. ⁴⁵ Basoda baoja mutaa bokota a bakoani na Bafalisayo, buno baengodei, " Kanyongo sina bokon'biki naye?" ⁴⁶ Basoda baogea, tafho n'mbe aya yongi bene." ⁴⁷ Bafalisayo bao ejibua, " Bobunuki mosenda? ⁴⁸ Bakota angboo baya n'belekei, ao Bafalisayo mochi? ⁴⁹ Alakini n'tunduko ne kayatuake kuuba selia, bao bhumaga." ⁵⁰ Nikogemu (mochi subia Bafalisayo, n'mbe aya biki mutake kan'bimba) ao engodea, ⁵¹ Selia nasu aopasa ukumua n'kpa na boko mooki mbe ao uba kema ne ato gii?" ⁵² Baojibua na n'ngodea, " Na obe one Mugalilaya? Kabha na ona tafho n'nabi mochi ne atoki na Galilaya." ⁵³ Kisa bene kila n'kpa aoga kenju nake.