¹ Kisa bene Bayaudi baobisa esa a fulaa, Yeso aoga na Yelusalema. ² Kiba mochi ayatu ka Yelusalema, baofhani u ka kesambae a Aramaike Betesaida ayatu na ab'o itano. ³ Bakpa asii bune batu na ngobo, ba kelimelime, ba kebeka, ba kalebe baya dhai fua. ⁴ Kanyongoo malaika a Bosomwa ayatuo dida aongia kib'o, na n'kpa ne ayatuo emaka kib'o mosa a badake ngobo nake bubui atuo n'toka, ngobo bubuli. ⁵ Mogaa mochi ayatu na ngobo mwaka makomi isalo na monane. ⁶ Saa ne Yeso aya mooni adhae fua, ao uba gea anyenisi matu asii fua, aon'ngodea, "Ookonda ofhonde?" ⁷ Mogaa no ayatu na ngobo aon'jibua, "Moko, keake na n'kpa ne aenei amo make ka kiba saa ne ib'o aojonga. Saa ne neobika n'kpa ongboo aonyena mosa'ani." ⁸ Yeso aon'ngodea, "Mama bedha kalagba nako, otambe." ⁹ Mala imochi no mogaa no aofhonda, aoboa eka nake aotamba. Esa no ayatu esa a Sabato. ¹⁰ Bayaudi baon'ngodea n'mbo ato fhondi' " Ane esa a Sabato koteke ku kumba kalagba nako." ¹¹ Aojibua, "N'mbo ato mofhondi ato moongodei, ' Bedha kalagba nako tamba.'" ¹² Bomuisie ye, " N'kpa sina atokongodei, ' Bedha kalagba nako otambe'?" ¹³ Alakini, n'kpa no aya fhondi kaya ubi'ake atu ani kanyongo Yeso aya gee nake kanga bakpa baube, kanyongo n'tunduko a bakpa asii ayatu oma noo. ¹⁴ Kisa beno, Yeso aon'donda subia ekalo aon'ngodea, " Onafha, obe oye fhondi! Kogee goto jambi, kagea kema ajede aenei ako kidiane." ¹⁵ Mogaa no aotoka aoga na engodea Bayaudi gea Yesu ambe ayan'fhondisi. ¹⁶ Ane kanyongo a kema ne aange Bayaudi bayan'tesi Yeso kao, kanyongo ayagii kema ne esa a Sabato. ¹⁷ Yeso ao ejibua, " Abee aotomika mopaka saa nee, na eme, neotomika." ¹⁸ Kanyongo ndee, Bayaudi baya kabi asii bamwe kanyongo kaya bhuni tondo Sabato, alakini aya moofhani goto Mokonga Abakee, ao ebisa sisake namuna mochi na Mokonga. ¹⁹ Yeso ao ejibua, " Ka dhoni, ka dhoni, Michi katoke ku gea kema sisake, tondo aone Abakee agii u, kanyongo kema buli n'ne Abee aogea, Michi aogea u namuna no imochi. ²⁰ Kanyongoo Abe an'kondi Michi na onisa'ake kema bubuli n'ne aogea, amoonisaa kema angbo kanyena n'ne ka bene boyayamaae. ²¹ Kanyongo bene Abee an'fufuli n'ku na mofhaake maisa, ane bene ange Michi aomofha n'mbo akondi apate maisa. ²² Kanyongoo Abe n'naake ukumua n'kpa, alakini amofhi Michi ukumu buli ²³ kagea kila n'mbo a mofhaae Michi esima amoesimii Abee saa noo. N'mbo kamofhi Michi esima kamofhi'ake Abee esima n'mbo ayan'teki. ²⁴ Ka dhoni, ka dhoni, n'mbo aoki yonga namo na n'belekea n'mbo aya moteki ana maisa a esa bui na katoke ku abe na ukumu, kanyongo anyeni toka ka kukua mopake ka maisa. ²⁵ Ka dhoni, ka dhoni, nenongodei saa abiki, aye bei, saa ne baku baokaae eso a Muna mokonga, na buno baoki baikikaae. ²⁶ Kanyongo bene Abe ana maisa subiake sisake, bene ange amofhi Michi kagea ana maisa subiake sisake, ²⁷ Abe amofhi Michi bokota abikisa ukumu kanyongoo ane Muna N'kpa. ²⁸ Boko yayame kine, kanyongoo saa abiki n'ne kila n'mbo aka bota aokaae eso nake ²⁹ batokaae subi: buno bayagii bonjanja ka ufufuko a maisa, na buno bayagii bojede ka ufufuko a ukumu. ³⁰ Ketoke ku gea kema sisani. Bene neo oka, neo ukumua, na ukumu namo aanja kanyongo keakeo kaba ekondi namo alakini ekondi a n'mbo ayamoteki. ³¹ Kebe neenei nesuudiee sisani, usuudha namo n'naake a dhoni. ³² N'kpa angoo n'mbe aomo suudia, na neubi gea usuudha ne aofholea guani ane dhoni. ³³ Boto eteki batomi mbino mutaa Yoani, na onisaanu dhoni. ³⁴ Alakini usuudha ne neopata katoki'ake muta n'kpa. Neoyonga kema ne kagea bolame. ³⁵ Yoani ayatu obela n'ne aytuo toboa na lola, na boye kondi fulaia subia mani nake ka saa aboa. ³⁶ Usuudha ne nenee ane angbo konyena n'ne a Yoani, kanyongo a mokambo ne Abee amofhi ne gee u, mokambo angbo n'ne neogea, amoonisi gea Abee ambe ayamoteki. ³⁷ Abee n'mbo ayamoteki ayaonisi sisake guani. Boko'okiake eso nake ao ona okona na ata saa imochi. ³⁸ Yonga nake kajigi'ake subi'anu, kanyongoo bokon'bekekeiake n'mbo ayan'teki. ³⁹ Bookaba maandeko kanyongoo boubate gea bopataae maisa a esa bui subii, na maandeko ne aange aomo suudia, ⁴⁰ bokookonda bobike mutamo kagea bopate maisa. ⁴¹ Kepati'ake obebo ne atoki mutaa bakpa, ⁴² alakini neubi gea bokoake na ekondi a Mokonga subianu. ⁴³ Neto biki kina a Anee, boko mo sesei'ake. Kabe n'kpa ongboo abiki kina nake sisake, botua pasa n'sesea. ⁴⁴ Namuna sina boenei belekea, benu bune bookonda obeba a n'kpa ongboo alakini bokookaba obebo n'ne atoki tondo mutaa Mokonga? ⁴⁵ Boko wake gea neokonda neno sitakee mosa a Abee. N'mbo aono sitakea ane Musa, n'mbo bona mosenda subiake. ⁴⁶ Kabe bon'belekei Musa, botuo pasa bomo belekee, kamyongoo aya andeki guani. ⁴⁷ kabe boko belekei maandeko ne, namuna sina boenei bo belekee yonga namo?"