¹ Saa ne Yoani aya ubi gea Bafalisayo bayaubi n'ne ayatuo gea na batiza banafunji asii kon'nyena Yoani ² (ata Yeso ye sisaake katuo batiza, alakini banafunji nake), ³ aotoka na Yudea aoja goto na Galilaya. ⁴ Alakini ayatu anja mutake anyene na Samalia. ⁵ Aobika ka mosomba mochi a Samalia, n'ne baofhani Sikali, bibi a gbutuka a od'o n'ne Yakobo aya mofhi anake Yosefu. ⁶ N'toko a Yakobo ayatu fua. Yeso aya leli ka tamba nake ao ika ka n'toko. Ayatu bibi'a saa sita a sua mani. ⁷ N'ko mochi Musamalia aobika doga ib'o, Yeso aon'ngodea, " Omofha ib'o ne noe." ⁸ Kanyongoo banafunji nake bayagee na nji ka somba elea. ⁹ N'ke no Musamalia aon'ngodea, namuna sina ob'e Muyaudi, oomomema ib'o eme n'ke Musamalia, kema anoa?" Kanyongoo Bayaudi na Basamalia banao'okana. ¹⁰ Yeso aon'jibua na n'ngodea, " Kabe oto ubi egabo a Mokonga, na n'mbo aolaba na ob'e, 'Omofha ib'o ne noe,' otuo pasa n'mema, akofhe ib'o a ujima. ¹¹ N'ke no aon'ngodea, " Moko, koake na mbikib'o na kiba a n'toko a ndii. Otokaae na ib'o a ujima koni? ¹² Koake ongbongbo, kon'nyena abasu Yakobo, n'mbo ayasofhi ntoko ne na n'ne ayanu sisake kao, bene banichi'ake bayagii na banyama nake?" ¹³ Yeso aon'jibua na n'ngodea, " Kila n'kpa ne anu kib'o ne katoke ku goto ab'e na sikiib'o, ¹⁴ alakini n'mbo anu kib'o no nemofhaae katoke ku goto ab'e na sikiib'o. Kagea, ib'o no nemofhaae abikaae kajololo a ib'o subi'ake, sese a ib'o ka maisa a esa bui." ¹⁵ N'ke no aon'ngodea, " Moko, omofhe ib'o nee kanyongoo sikiib'o kamo bedhe goto kebike goto kodoga ib'o moni." ¹⁶ Yeso aon'ngodea, " Gaa, omoofhane munyako, oje moni." ¹⁷ N'ke no aojibua na n'ngodea, " Keake na moko." Yeso aon'jibua, " Oyongi anja, ' Keake na moko,' ¹⁸ kanyongoo oto na boko batano, na n'mbo onaye keekee ne n'naake munyako. N'ne oyongi ane dhoni." ¹⁹ N'ke no aon'ngodea, " Moko, neoni gea one n'nabi. ²⁰ Baabasu bayatuo abudua ka mamba ne, alakini ogii gea bakpa baopasa abudua na Yelusalema." ²¹ Yeso aon'ngodea, " Mobelekea, n'ke, kagea, saa ne aobika saa ne boabuduaae Abe n'na ka mamba ao na Yelusalema. ²² Booabudua n'ne bokoo uba. Besu boo abudua n'ne beo uba, kanyongoo lama atoki mutaa Bayaudi. ²³ Kabene, saa abiki, na ane moni, saa ne baabudu a dhoni ba an'buduaae Abee subia loo na dhoni, kanyongoo Abee aokabha bakpa namuna nee babe baabudu nake. ²⁴ Mokonga ane Loo, na bakpa ne bao an'budua boa pasa abudua'ke ka Loo na dhoni." ²⁵ N'ke no aon'ngodea, " Neubi gea Masiya aobika (n'mbo bamoofhani Klisto). Saa ne abiki, asongodeaae kema bui." ²⁶ Yeso aongodea, " Eme ambe Masiya, n'mbo aoyonga na ob'e." ²⁷ Ka saa no banafunji nake baoja. Bao eusia sisabo namuna sina aolaba na n'ke no, alakini tafho n'mbe aya yingi, " Kema sina ookabha?" ao " Kanyongo sina oo laba naye?" ²⁸ N'ke no aodeketa mbikib'o nake, aoja na nji, aoengodea bakpa, ²⁹ Bikani, bomoone mogaa ne amoongodei kema bubuli n'ne neto gii mosa. N'mbe katoke ku ab'e Klisto?" ³⁰ Baotoka na nji baobika mutake. ³¹ Ka saa no mochi, banafunji baomuiisia, baogea, "Rabbi, lea." ³² Alakini ao engodea, Nena elea a lea n'ne bokoo uba gui." ³³ Banafunji bao yonga sisab'o, " Tafho n'mbe ato sombi kake kema a lea, n'na beno?" ³⁴ Yeso aoengodea, " Elea namo ane gea ekondi a n'mbo ayamoteki na gobha mokambo nake. ³⁵ Boko gii, ' Songe gena anyeni na saga abiki'? Nenongodei, lengani kegoo boonjee chiko, kanyongoo beyeo tena mbuka! ³⁶ N'mbo aotena mbuka aopata mosaala na dindanisa mbuka kagua maisa a esa bui, ka gea n'mbo akoni na tena mbuka baopasa falaia kimochi. ³⁷ Kanyongo ka bolabi ne, N'mbo akoni, na n'mbo akoni,' ane dhoni. ³⁸ Neno teki ka tena n'ne bokoto tomikii. Buna'ngboo baya tomiki, na ngia subia mokambo nabo." ³⁹ Bakpa asii Bamalia a ka mosomba no bayan'belekei kanyongo a mbino a n'ke no n'ne ayaonesi, ' Ato moongodei kema buli n'ne netogii." ⁴⁰ Saa ne Basamalia baya biki mutake baomuisia na jiga naab'o, ao ika fua esa ibee. ⁴¹ Bakpa asii baya belekei kanyongo a yonga nake. ⁴² Baon'ngodea n'ke no, " Beke belekei'ake kino oyongi, kanyongo besu sisasu betooki, na beubi gea n'mbe ane Molamisi a mokonda." ⁴³ Kisa esa ne ibee aotoka fua aoga na Galilaya. ⁴⁴ Kanyongoo Yeso ye sisake ayagii n'nabi n'naake na esima ka nji nake. ⁴⁵ Saa ne ato biki na Galilaya, Bagalilaya baon'sesea. Baya oni kema buli n'ne ayagii na Yelusalema esa a fulaa, kanyongoo naab'o bayagee ka esa a fulaa. ⁴⁶ Agotoo bika ka Kana a Galilaya, fua aya galei ib'o ka makana. Muna mokota mochi ayatu na ngobo ka Kapernaumu. ⁴⁷ Saa ne aya oki gea Yeso atoki na Yudea aoga na Galilaya, aoga mutaa Yeso na muisia adide na n'fhondisa michi'oke, n'mbo ayatu bibi a dhusukana. ⁴⁸ Yeso aon'ngodea, "Kabe kotooni alama na ban'pa koto toke ku belekea." ⁴⁹ Mokota a mwame aon'ngodea, " Moko, Bika na michi'omo kaku n'mbe." ⁵⁰ Yeso aon'ngodea, " Gaa. Anako afhondi." Mogaa no aobelekea yonga ne Yeso ayan'ngodei, aoga nake. ⁵¹ Saa ne ayatuo dida, bakpa amokambo nake baodondana naye, baogea gea michi'oke afhondi. ⁵² Ao eusisia saa ne aya kpangi oka anja. Baon'ngodea, Naam'a ka saa a sab'a koa ayan'toki." ⁵³ Abake ao uba gea aya ayatu saa no Yeso ayan'ngodei, " Anako afhondi." Ye sisake na bakpa bobu a kenju nake bao belekea. ⁵⁴ N'ne ayatu alama a ibee n'ne Yeso ayagii saa ne ayatoki na Yudea ka gaa na Galilaya.