¹ Mufalisayo mochi ayatu fua ina'ake Nikodemu, Muyaudi mokota. ² Mogaa ne ayabiki mutaa Yeso kiifha na n'ngodea, "Rabbi, beubi gea one mwalimo n'mbe atoki mutaa Mokonga, kanyongoo n'kpa n'naotoka agee ban'pa ne oogea kanga abe na Mokonga." ³ Yeso aon'jibua, " Ka dhoni, ka dhoni, kabe n'kpa kabokotani mala ibee, katoke ku aone bwame a Mokonga." ⁴ Nikodemu aon'ngodea, " Namuna sina n'kpa aenei abokotane na afhomi? Ketoke ku angie mala a ibee ka sofho a amake na bokotana, aopa?" ⁵ Yeso aojibua, " Ka dhoni, ka dhoni, kanga bokotana kiib'o na Loo kotoke ku ngia ka bwame a Mokonga. ⁶ N'ne abokotani ka ngobo ane ngobo, na n'ne abokotani ka Loo ane loo. ⁷ Koyayame mbe moono gea nekongodei, ' Oopasa obokotane goto.' ⁸ Kuka ao nyena oma ne akondi; ooki eso'ake, alakini ko ubi oma ne atoki na kubi aoga. Bene aange kila n'kpa ne abokotani ka Loo abene. ⁹ Nikodemu aojibua na n'ngodea, "Kema ne aenei abe namuna sina?" ¹⁰ Yeso aojibua na n'ngodea, "One mwalimo a Isilaeli, na koo uba kema ne? ¹¹ Ka dhoni, ka dhoni, nekongodei, beoyonga n'ne beubi, na beo onisa gua n'ne beye ona. Dhoni kotoke ku belekea usuudha nasu. ¹² Kabe netokongodei gua kema a kaod'o kobelekei, namuna sina obelekeaae kabe nekongodei kema a kegoo? ¹³ Tafho n'mbe aya dhafi kegoo na katoki'ake kegoo tondo Muna N'kpa. ¹⁴ Ubate bene Musa ayan'saku njoka ka ndao, bene ange baopasa n'sakua Muna N'kpa, ¹⁵ ka gea bobu buno ban'belekei baopasa pata maisa a esa bui. ¹⁶ Kanyongo Mokonga aya kondi mokonda, aon'fholea michi'oke sisake, gea n'mbo an'belekei katoke ku bhunga alakini abe na maisa a esa bui. ¹⁷ Kanyongo Mokonga kayan'tekiaka michi'oke ka mokonda kegea a ukumue mokonda, alakini kagea mokonda a lame kanyene'ake. ¹⁸ N'mbo an'belekei n'naake na ukumu, alakini n'mbo kan'belekei aye na ukumu kanyongo ka belekei ake kina a Muna Mokonga. ¹⁹ N'ne ange kanyongo a ukumu: mani ayabiki ka mokonda, bakpa baya kondi kadifhio kango konda mani kanyongoo mokambo nabo aajede. ²⁰ Kanyongoo kila n'mbo aogea kema ajede akpemi mani, kaobika mutaa mani, ka gea mokombo nake kaonekane ku. ²¹ Alakini, n'mbo aogea bonjanja abiki ka mani kagea mokambo nake aonekane kan'tanga gea mokambo nake abe subia Mokonga." ²² Kisa bene, Yeso na banafunji nake baoga ka mosomba a Yudea. Ao ika naabo fua na batiza. ²³ Yoani neye ayatuo batiza ka Aenone bibi a Salime kanyongo ib'o ayatu fua asii. Bakpa bayatuo bika mutake na ebatiza, ²⁴ kanyongo bakan'makiake mbe Yoani kenju a kifungo. ²⁵ Sani mochi aotoka fua mutaa banafunji a Yoani na Muyaudi mochi gua mokombe a sokosana. ²⁶ Baobika mutaa Yoani na n'ngodea, "Rabbi, n'mbo ayatu naob'e kubi nosi a oba Yolodani, kagua n'mbo oto moonisi, lenga, aobatiza, bakpa bobu baoga mutake." ²⁷ Yani aojibua, "N'kpa katoku ku pata kema kanga bamofheu katoka kego. ²⁸ Benu sisano bokotoke ku onisa n'ne netogii, ' Keake Klisto,' alakini, ' Baya moteki mosa'akee. ²⁹ N'ke a eyamani ane a moko a eyemani. Bebe bamalikua'ke na moko a eyamani, bune bamami na mookanea, bafulai asii kanyengoo a eso a moko a eyamani. N'ne, kebe, fulaa namo asi. ³⁰ Aopasa aongezeke, alakini neopasa ne dide. ³¹ N'mbo atoki kegoo ane kegoo a bakpa bobu. N'mbo atoki kaod'o atoki kaod'o na yonga gua kema a kaod'o. N'mbo atoki kegoo ane gua bakpa bobu. ³² Alabi gau n'no aya oni na okafha, alakini tafho n'kpa ne abelekei usuudha nake. ³³ N'mbo aya bedhi usuudha nake aonisi gea Mokonga ane dhoni. ³⁴ Kanyongo n'mbo Mokonga ayan'teki aoyonga yonga a Mokonga. Kanyongoo kamofhi'ake Loo ka gbutuka. ³⁵ Abee an'kondi Michi amofhi kema buli ka njaga nake. ³⁶ N'mbo a n'belekei Michi ana maisa a esa bui, alakini n'mbo aon'zalaua Michi kaone ku maisa, alakini beli a Mkonga ajigi guake."