¹ Kisa esa isalo, baobisa ekeka ka mosomba a Kana a Galilaya, amake na Yeso ayatu fua. ² Baya moofhani Yeso na banafunji nake ka ekeka. ³ Saa ne makana ayasi, amake na Yeso aon'bgodea, Baka'ake na makana." ⁴ Yeso aon'ngodea, " N'ke, kanyongo sina obiki mutam'o? Saa namo ka kidii mbe." ⁵ Amake aoengodea bakpa a mokambo, " Geani kema buli n'ne anongodei." ⁶ Mbikb'o sita ayatu fua a sokosa ka mokmbe a Bayaudi, kila mochi ayapasi angei litele mia ibee ao mia isalo. ⁷ Yesso aoengodea, " Tumisani ib'o subia mbikib'o na ib'o." Baotumisa u mopaka ka ebombo. ⁸ Aoengodea bakpa a mokambo, " Boani u bomofhe mokata a bagabi." Baogea beno. ⁹ Mokota a bagabi ao kengea ib'o aogalekana makana, alakini kayaubi oma aya toki (alakini bakpa a mokambo ne baya dogi ib'o baya ubi). Aomoofhana moko a eyamani ¹⁰ aon'ngodea, " Kila n'kpa aogaba maka anja mosa na mbusa a bakpa lebhoa aogaba maka na bei asii. Alakini otobisi makana anja mopaka saa ne." ¹¹ Alama a mosa ne Yeso ayagii subia Kana a Galilaya, ne onisa bodoko nake, banafunji nake bayan'belekei. ¹² Kisa bene Yeso, amake, bana'amake, na banafunji nake baodidi na Kapelenaumu maojiga fua matu aboa. ¹³ Pasaka ayatu bibi, Yeso adafha na Yelusalema. ¹⁴ Aodonda basombisi a ba kagbema na ba mogogo na ba mbole subia ekalo, na babadilisi a bangoa baiki fua. ¹⁵ Aobongisa gbutu a ngoli aoetokisa bobu ka n'senge a ekalo, na ba mogogo na banyama. aofhanja bangoa a babadilisi a imona na lingitisa meja nab'o. ¹⁶ Mutaa basombisi a ba mbole aogea, " Tokisani n'kumba ne moni. Deketani bisa enju a Abe oma a sombisa n'kumba." ¹⁷ Banafunji na baokombuka n'no bayaandeki, "Ekondi ne nee kenju nako amo sidisaae." ¹⁸ Bakota a Bayaudi baojibua na n'ngodea, " Osoonisaae alama sina, kpanga bene oogea kema ne?" ¹⁹ Yeso aojibua, Ngbola ekalo ne, na fheka u kisa esa isalo." ²⁰ Bakota a Bayaudi baogea, " Ekalo ne beye fheki u ka mwaka makomi gena, omamisaae u ka esa isalo?" ²¹ Alakini, ayatuo laba gua ekalo a ngobo. ²² Kisa fufuka'ake muta baku, banafunji nake baokombuka gea aya yongi bene, baya belekei maandeko na laba ne Yeso aya yongi. ²³ Saa ne ayatu ka Yelusalema ka esa a Pasaka, bakpa asii baya belekei kina'ake saa ne mayaoni alama ne ayagii. ²⁴ Alakini Yeso kayatu'ake ebelekea kanyongo ayae muubi bobu, ²⁵ kanyo kayatuo konda n'kpa amoonise gua n'kpa, kanyongo ayaubi n'ne atu subia n'kpa.