¹ Yonga ayatu mosa, na Yonga ayatu na Mokonga, na Yonga ayatu Mokonga. ² N'mbe ayatu mosa na Mokonga. ³ Kema bubuli ayaonekani kanyenea Ye, na kanga Ye kema mochi kaya tokiake ab'e. ⁴ Maisa ayatu subiake, na subia maisa nake obele a bakpa ayatu. ⁵ Beetu aya loli ka kadifhio, na kadifhio kaya kambi'ake u. ⁶ Mokonga ayan'teki n'kpa mochi, inaake Yoani. ⁷ Ayatoki kosala ka laba gua beetu, gea n'kpa buli n'mbe an'belekeaae. ⁸ Yaoni n'natuake beetu, alakini ayabiki gea ayapasi labaa gua beetu. ⁹ Beetu a dhoni, n'mbo aoefhangisa bakpa bobu subia mokonda. ¹⁰ Ayatu subia mokonda, na mokonda ayabi kanyenea Ye, na mokonda kaya muubi'ake. ¹¹ Ayabiki muta bakpa nake, na bakpa nake bakaya n'sambeli. ¹² Alakini, baka asii baya n'sambei, buno baya belekei kina'ake, aya ebofhi luusa bebike banichi a Mokonga. ¹³ Bune bakaya bokotani'ake ka majia, ao ka siki a ngobo, ao ka siki a bakpa, alakini a Mokonga. ¹⁴ Yonga ao lola ngobo na ikika na besu. Beyeoni bodhoko nake, bodhoko ubate tondo n'mbo ayatoki muta Abee, atumi na ngoola na dhoni. ¹⁵ Yoani aya labi guake na koga, gea, ' N'mbo aobika mbusa'ani a ngboti komonyena eme, kanyongoo ayatu mosa'ani."' ¹⁶ Kanyongo toka ka tuma nake besu bobu beye pati ngoola mbusaa ngoola. ¹⁷ Kanyongo selia aya biki kanyenea Musa. Ngoola na dhoni aya biki kanyenea Yeso Klisto. ¹⁸ Tafho n'mbe eye mooni Mokonga, Mokonga sisake, n'mbo aiki n'chi na abee, aya muubukanisi Mokonga. ¹⁹ N'ne ane usuudha a Yoani saa ne Bayaudi baya eteki bakoani na Balawi mutake katoka na Yelusalema kagea bauisie, " Obe ani?" ²⁰ Aya belekei kaya ngani'ake, alakini aya beleki "Keake Klisto." ²¹ Baomuisia, " Obe gaake one ani? Obe'ambe Eliya?" aogea, "N'naake." Baogea, " One n'nabi?" Aoejibua, "N'naake." ²² Kabene baon'ngodea, " Obe'ani, kagea beopasa beebhofhe buno basoteki jibo? Ogii kema sina kanyongo nako sisako?" ²³ Aogea, Eme'ambe eso ne ao koga kosala: Bongisani anja afhe a Bosomwa; ²⁴ Buno baya eteki katoka mutaa Bafalisayo, ²⁵ baomuisia na n'ngodea, " Kanyongo sina oobatiza na koake Klisto ao Eliya ao n'nabi?" ²⁶ Yoani aoejibua, " Neo batiza na ib'o. Alakini n'kpa mochi amami subianu bokoomuuba. ²⁷ Ane n'mbo abiki mbusa'ani, ketoke ku ukua ngoli a makalabanda nake. ²⁸ Kema ne aya nyeni ka Betania kubi'angboo a Yolodani, fua Yoani ayatuo batiza. ²⁹ Mama nosi Yoani ao moona Yeso abiki mutake na gea, " Lengani, Muna mogogo a Mokonga n'mbo aotokisi jambi a mokonda! ³⁰ N'mbe aambe neto yongi kanyongo'ake, ' N'mbe aobika mbusa'ani angboti komonyena, kanyongoo ayatu mosa'ani.' ³¹ Keto muubi'ake, alakini ayabi bene kagea aubukane mutaa Isilaeli gea neye biki batiza na ib'o." ³² Yoani aya labi, gea, Neye oni Loo adidi ubate mbole toka kegoo, na ika guake. ³³ Keto muubi'ake, alaki n'mbo aya moteki nebatize subi'ibo aya moongodei, ' N'mbo omoone ku Loo adidi na jiga, ane n'mo ambe abatizaae na Loo Motakatifo.' ³⁴ Neto'oni buli gea ane Muna Mokonga." ³⁵ Mama nosi goto, saa ne yoani ayatuo mama na manafunji nake ibee, ³⁶ baomoona Yeso aotabanga, Yoani aogea, " Lengani, Muna mogogo a Mokonga!" ³⁷ Banafunji nake ibee buno bayaoki aoyonga beno baon'bea Yeso. ³⁸ Yeso aolenga ao ona baon'bea aoengodea, " Kema sina boolenga?" Baon'ngodea,"Rabbi" (maana i "Mwalimo"), " Ooika oma sina?' ³⁹ Ao engodea, " Bikani boone." Baobika na ona oma ne ayatuo ika baojiga neye fua kanyongoo ayatu saa komi. ⁴⁰ Mochi subia buno babee bayatu mooki Yoani aoyonga na n'bea Yeso bayatu Andele, manaa'make na Simoni Petele. ⁴¹ Ayan'dondi mosa muna'ama Simoni aongodea, " Beton'dondi Masiya" (Maanali "Klisto"). ⁴² Aon'bika naye mutaa Yeso, Yeso aon'lenga aogea, " One Simoni muna Yona. Bakoofhanaae Kefa" (maanali "Petele"). ⁴³ Mama nosi, saa ne Yeso aya kondi atoke agee na Galilaya, an'donda Filipi aon'ngodea, "Bika mbusa'ani". ⁴⁴ Filipi ayatoki na Betesaida, mosomba a Andele na Petele. ⁴⁵ Filipi aon'donda Natanaele aon'ngodea, N'mbo Musa aya an'ndeki subia selia, na ban'nabi, neto mooni: Yeso muna Yozefu, a Nazaleti." ⁴⁶ Natanaeli aon'ngodea, " Kema anja aenei atoke ka Nazaleti?" Filpi apn'ngodea, " Bika oone". ⁴⁷ Yeso aomoona Natanaele aobika mutake aogea guake, " Onani fho Muisilaeli a dhoni, bojede n'naake subia'ke". ⁴⁸ Nataneile aon'ngodea, " Namuna sina omuubi?" Yeso aon'jibua aon'ngodea, "Mosa Filipi akoofhane saane oto mami kusia mee a mozabibo, neto kooni." ⁴⁹ Natanaeli aon'jibua "Rabbi, one Muna Mokonga! One Mwame a Isilaeli!" ⁵⁰ Yeso aon'jibua na n'ngodea, " Kanyongo nekongodei, ' Neto kooni kusi a mee a mozabibo,' aange obelekei? Oonaae kema angbo konyena n'ne." ⁵¹ Aogea, " Kadhoni, kadhoni, nenongodei, boonaae egoo aukukani, ba malaika a Mokonga baotalea na dida gua Muna N'kpa."