¹ Kan'bimba esa a kwanja a poso, na kadhifhio afho tondo bei, Malia Magadelena aobika ka bota ao ona ba lingitisi ete atoki ka bota. ² Aoga mbango mutaa Simoni Petele na mutaa mwanafunji ongboo n'mbo Yeso ayan'kondi, na engodea, " Ban'buu Bosomwa ka bota, bekeo uba oma ne ban'bisi." ³ Petele na mwanafunji ongboo bao toka na gaa ka bota. ⁴ Bobu babee baoga mbango, na mwnafunji ongboo mbango mosa a Petele na kidiana mosa ka bota. ⁵ Bao mama bao ona ngombe adae fua, alakini bakaya ngiake subi. ⁶ Simoni ayeo kidia mbusa'ake na gaa subia bota. Ao ona ngombe adae fua ⁷ ngombe no ayatu ka mooake. Kayatu'ake oma imochi na bongo alakini baya lingii oma mochi sisake. ⁸ Mwafunji ongboo, n'mbo aya kidii mosa ka bota naye aongia subi ao ona na belekea. ⁹ Kanyongoo mopaka saa no baya jigi kanga uba maandeko gea aya pasi fufuka toka mutaa baku. ¹⁰ Banafunji baoja goto kenju. ¹¹ Alakini Malia ayatuo mama ka n'senge a bota na'o gama. Bene ayatuo gama. Bene ayatuo gama, ao ika kaod'o ka bota. ¹² Ao ona ba malaika ibee anjee ba mame, mochi ka moo, na mochi kechinji fuamo baya ojyi ngobo a Yeso. ¹³ Baon'ngodea, " N'ke kanyongo sina oogama?" Aoengodea, " Kanyongoo babuu ngobo a Bosomwa namo, keo uba oma ne ban'bisi." ¹⁴ Saa ne ayagii bene, ao gaekana ao moona Yesoamame fua, alakini kaya ubi'ake gea ayatu Yeso. ¹⁵ Yeso aon'ngodea, " N'ke, kanyongo sina oogama? Ani n'mbo oon'kaba?" Ao waza gea ane bachungi, aon'ngodea, " Moko, kabe oton'buu, mongodea oma ne oton'bisi, na eme nen'boaae. ¹⁶ Yeso aon'ngodea, " Malia." Aogalekana na n'ngodea ka Kiebulania, "Rabbi" (maana i "Mwalimo"). ¹⁷ Yeso aon'ngodea, " Komo bedhe mbe, kanyongo ke dhafhi mbe muta Abee, alakini gaa muta ba munama engodea gea ne dhafhaae muta Abee na Abanu, Mokonga namo na Mokonga nanu." ¹⁸ Malia Magadelena aobika na engodea banafunji, " Nemooni Bosomwa," na gea ayagii kema ne mutake. ¹⁹ Ogogo ka esa no, esa a kwanja a poso, baya bisi fhembekete kiso a n'pome oma ne banafunji baya iki kanyongo bayatuo etea Bayaudi, Yeso ao bika na mama subiab'o na engodea, Kalamo mutanu." ²⁰ Mbusa ayonga bene, ao eonisa njaga nake na angaja nake. Banafunji bao fulaia saa ne baya mooni Bosomwa. ²¹ Yeso agotoo engodea, " kalamo mutanu. Bene Abee aya moteki eme, na eme nenoteki." ²² Saa ne Yeso aya yongi bene, ao fhekuma guabo na engodea, " Patani Loo Motakatifo. ²³ N'mbo aboseaae jambi nanu, baboseaae nake, na m'bo abisaae jambi nanu, babisaae jambi nake." ²⁴ Tomasi mochi a buno komi na ibee, inaake Didimo, kayatu'ake naab'o saa ne Yeso aya biki. ²⁵ Banafunji angboo baon'godea mbusa, " Beto mooni Bosomwa." Aoengodea, " Kabe keoni njaga na oma ne baton'beti mondo, na bisa michi'a njaga namo ka angaja nake, ketoke ku belekea." ²⁶ Kisa esa monane banafunji nake ba gotoo ngia subi, Tomasi ayatu naa'bo. Yeso aobika na babisi fhembekete kiso a n'pome, na mama subi'abo, na gea " Kalamo mutanu." ²⁷ Ayeo n'ngodea Tomasi,"Bika na banichi'a njaga nako moni na ona njaga'ani. Bika na njaga nako bisa u ka angaja namo. Kobe kanga belekea, alakini belekea." ²⁸ Tomasi aojibua na n'ngodea, " Bosomwa na Mokonga namo." ²⁹ Yeso aon'ngodea, " Kanyongo omooni, aange obelekei. Kalamo ka buno bakaya oni, na babelekei." ³⁰ Yeso aya gii kema asii mosa a banafunji nake, na alama n'ne bakaya andeki'ake ka buuku ne, ³¹ alakini baya andeki n'ne ka gea bo belekee gea Yeso ane Klisto, Muna Mokonga, kegea beyeon'belekea bapate maisa kina'ake.