¹ Mbusa a Yeso laba yonga ne, aoga na banafunji nake kubi angboo a ib'o a Kiduloni, fua michi'a chiko mochi ayatu aongia subi na banafunji nake. ² Yuda n'mbo ayagee kon'sombisa, aya ubi oma noo, kanyongoo Yeso ayatuo dondana fua na banafunji nake. ³ Bene Yuda, aoga na n'tunduko a ba soda na bakota toka mutaa bakoani ongbo na Bafalisayo, baoga fua na obela, na kapekepeke, na ngoa. ⁴ Yeso, n'mbo ayaubi kema buli n'ne ayan'nyenei, aoga mosa ao ebuisia, " Bookaba kema sina?" ⁵ Baon'ngodea, " Yeso Munazaleti." Yeso aoengodea, " Eme amba." Yuda, n'mbo ayan'sombisi aya mami goto na ba soda. ⁶ Saa ayaengodei, "Eme ambe," baoja mbusa na gua kaod'o. ⁷ Agotoo eusia, " Boon'kaba ani?" Bagotoo gea, " Yeso Munazaleti." ⁸ Yeso aojibua, " Nenongodei gea eme ambe. Gea kabe boomo kabe eme, deketani n'ne anyene." ⁹ N'ne ayatu ka gea yonga a mokonga anyenekane n'ne auagii: " Bune otomofhi ken'bungisi'ake n'kpa." ¹⁰ Simoni Petele, n'mbo ayatu na opanga, aotena kechuwe a njaga a muuku a n'kpa a mokambo a koani ongbongbo. Ina a n'kpa a mokambo no ayatu Malikusi. ¹¹ Yeso aon'ngodea Petele, " Jisa opanga subi'a loobho. Ketoke ku noa kepoma ne Abee aya mofhi?" ¹² N'tunduko mochi a ba soda na mokota, na bafhomi a Bayaudi, baon'tabua Yeso na baom'bolea na n'tongo. ¹³ Baon'ga naye mutaa Anania, kanyongo ayatu nyamotoa'ke na Katafa, n'mbo ayatu koani ongbongbo ka mwaka noo. ¹⁴ Kayafa ayatu n'mbo aya efeli Bayadi gea atu anja gea n'kpa mochi akuwe kanyongo a bakpa. ¹⁵ Simoni Petele aoga mbusa a Yeso, na beno mwanafunji ongboo aya gii. Mwanafunjin no aya muubi koani ongbongbo, na ngia na Yeso ka n'tua a koani ongbongbo; ¹⁶ alakini Petele aya mami kiso a n'pome a ka n'senge. Mwanafunji ongboo, n'mbo aya muubi koani ongbongbo, aoga ka n'senge aon'ngode n'chungi a iso a n'pome, na n'bika na Petele subi. ¹⁷ N'ke mochi n'kpa amokambo, n'chungi a iso a n'pome, aon'ngede Petele, " Koake mcochi subia banafunji a mogaa ne?" Aogea, "n'naake eme." ¹⁸ Bene bakpa a mokambo na bakota bune baya mami fua, baya tobu in'sa, kanyongoo feo ayatu asii, bayatuo osa in'sa sisabo. Petele ayatu naa'bo amami fua na osa in'sa. ¹⁹ Koani ongbongbo ao muuisia Yeso gau banafunji nake na mafundiso nake. ²⁰ Yeso aon'jibua, " Neto labi yonga kan'tanga mutaa bakpa a ka mokonda. Neyetuo fundisa tondo subia sinagogi na subia ekalo bayaudi bobu banyatu fua. Keto yongi'ake kema baatendu. ²¹ Kanyongo sina bomuisii? Ebuisi'ani buno baya mooki gua n'no neto yongi. Lengani, Bakpa ne baubi n'ne neyegii." ²² Saa ne Yeso ayagii bene, mokota mochi n'mbo aya mami fua aon'beta Yeso na gea, "Bene ange oonjibua koani ongbongbo?" ²³ Yeso aon'jibua, " Kabe neyongi mbea, oosuudia mbea, alakini kabe dhoni, kanyongo sina omo beti?" ²⁴ Anania aon'teka muta Kayafu koani ongbongbo na ban'lingi na ngoli. ²⁵ Simoni Petele aya mami fua na ejingisa ngobo. Bakpa baon'ngodea, " Koake mochi subia banafunji nake?" Ao ngana u na gea, " N'naake eme." ²⁶ Mochi subia bakpa a mokambo a koani ongbongbo, n'mbo ayatu munamake na n'kpa no Petele ayan'teni kechuwe, aogea, " Keto kooni ka chiko naye?" ²⁷ Petele aongana u goto; mala imochi mukua koko ao osa. ²⁸ Baonga na Yeso mutaa Kayafa mena'anji. Ayatu kan'bimba, bakaya ngi'ake muta mena'nji kanyongo bakaya ujukane mbe alakini apate lea Pasaka. ²⁹ Pilato aoga mutab'o na gea, " Masitaki sina bobiki nee gua n'kpa ne?" ³⁰ Baojibua na n'ngodea, " Kabe n'kpa ne kayatu'aka na mokambo ajede, beketo toke ku n'bika naye mutako." ³¹ Pilato ayeo engodea, "N'bedhani sisanu, na un'kumua sawa na selia nanu." Bayaudi baon'ngodea, " N'naake anja mutasu ola n'kpa." ³² Bayagii bene ka gea yonga a Yeso akidiane n'ne ayaengodei kaonisa kukua sina ayapasi akue kao. ³³ Pilato aongia goto mutaa mena'nji na mofhana Yeso na n'ngodea, " Obe'ambe Mokota a Bayaudi?" ³⁴ Yeso aojibua, " Oyongi sisako, ao n'kpa ongboo ayongi guani?" ³⁵ Pitato aojibua, " Keake Muyaudi, Keake? Bakpa nako na bakota a bakoani aange bako biki nee mutamo. Ogeaae kema sina?" ³⁶ Yeso aojibua, " Bwame namo n'naake aka mokonda ne. Kabe bwame namo ayatu aka mokonda, bakpa a mokambo namo bayatuo pasa mana kagea keye toki'ake negee subia njaga a Bayaudi. Alakini bwame namo n'naake a moni." ³⁷ Pilato aon'ngodea, " One gaake mwame?" Yeso aojibua, Ogii gea nene mwame. Kanyongo a sababo ne aange neye bokotani kao, ka sababo ne aange neye biki subia mokonda, ka onisa dhoni. Kila n'mbo aiki ka dhoni aoki eso namo." ³⁸ Pilato aon'ngodea, " Dhoni ane eke?" Saa ne aya gii bene, agoto'oga muta a Bayaudi na engodea, " Kedondi'ake kema ajede muta a n'kpa ne. ³⁹ Alakini bona n'bomjo nanu gea ne n'doe n'kpa mochi ka Pasaka. Bene bookonda neno deketee Mwame a Bayaudi?" ⁴⁰ Bao koga na eso angbo na gea goto, " N'na n'kpa ne, alakini Balaba. " Balaba ayatu n'tomboki.