¹ Kisa Yeso yonga kema ne, aolenga kegoo, na gea, " Abee, saa abiki, n'dokomisa Michi'oko ka gea Michi akodhokomisaae ² ubate bene otomofhi bokota ka gea atuopasa gaba maisa a esabui muta kila n'kpa n'mbo oto mpofhi. ³ N'ne ane maisa a esa bui: Gea banoubi, Mokonga a dhoni sisake, ne ye n'mbo oton'teki, Yeso Klisto. ⁴ Neto kodhokomisi ka od'o. Negobhi mokambo ne atomofhi negee u. ⁵ Bene, Abee, modhokomisa na obe sisako na bodhoko ne neyetu nee mosa a bokingisa mokonda. ⁶ Neto onisi ina'ako mutaa bakpa buno otomofhi ka mokonda. Bayatu bakpa nako, atomofhi bho mutamo, baya bedhi yonga nako. ⁷ Bene baubi gea kema bubuli n'ne oyomofhi atoki mutako, ⁸ kanyongoo netobhodhi yonga buli n'ne otomofhi. Baya pati u toka mutako, na belekea gea otomoteki. ⁹ Nememi kanyongo nabho. Ke memi'ake kanyongo a mokonda alakini kanyongo a buno atomofhi, kanyongoo bane bakpa nako. ¹⁰ Kema namo buli ane n'nako, n'nako ane namo, na nedhokomani kao. ¹¹ Keake goto subia mokonda, na nebiki mutako. Abee Motakatifo, echunga subia ina'ako gea atomofhi eme ka gea babae kema mochi, ubate bene bene bakpa mochi. ¹² Saa ne neyetu naab'o, neto echungi anja kina'ko, bune otomofhi. Neye echungi, tafho mochi ne aya bungi tondo muna bunga, ka gea maandeko akidhiane. ¹³ Bene nebiki mutako, alakini negii kema ne subia mokonda ka gea babaae na fulaa namo n'ne aonekana ku subi'abo. ¹⁴ Neto ebofhi yonga nako, na mokonda ato eye kanyongoo banaake bakpa aka mokonda, ubate bene keake n'kpa a ka mokonda. ¹⁵ Keko memi'ake oetokise ka mokonda, alakini kanyongoo echunga na n'kpa ajede. ¹⁶ Bana'ake a ka mokonda, ubate bene keake a ka mokonda. ¹⁷ Ebisa mbamba ka dhoni. Yonga nako ane dhoni. ¹⁸ Ubate bene ato moteki eme ka mokonda, bene neeteki ka mokonda. ¹⁹ Kabene neebisi mbamba, ka gea bo sisabo baike mbamba ka dhoni. ²⁰ Kememi'ake tondo kanyongo a bune, alakini goto kanyongo a buno babelekeaae subia'ani kanyenea yonga nabo ²¹ ka gea bubo baikaae oma imochi, ubate ob'e, Abee, baiki subi'ani, na eme subi'ako. Naabo baike subi'asu ka gea mokonda abelekee gea ato moteki eme. ²² Bodhoko ne oto mofhi, neebofhi, kagea babe n'kpa mochi ubate bene bekimochi: ²³ Eme subi'abo, na ob'e subia'ni kagea badondane oma imochi, ka gea mokonda aube gea oto moteki, na gea oto ekondi ubate bene oto mokondi eme. ²⁴ Abee, neekondi buno ato mofhi beike na eme oma ne neiki, na ona bodhoko namo, bodhoko ne oto mofhi eme kanyongoo oto mokondi mosa a bongisa mokonda. ²⁵ Abee onjanja, mokonda katua'ke kokouba, alakini neto na bune baubi gea oto moteki eme. ²⁶ Neto gii ina'ko aubukane mutab'o, na neubukanisaae u ka gea ekondi no oton'kondi abe subi'abo, ne nebaae subi'abo.