¹ " Neto nongodei kema ne ka gea kogue mbe mono. ² Bano beagaae ka sinagogi. Alakini saa abika saa ne kila n'mbo anoolaae baubate gea ane mokombe a mokambo a Mokonga. ³ Bageaae kema ne kanyongoo banao muuba Abee ao eme. ⁴ Neto noongodei kema ne kagea saa ne saa nabo abiki, bokumbukaae n'ne neto nongodei gua'abo. Ketonongodei'ake gua kema ne kpanga kala, kanyongo Neyetu na benu. ⁵ Alakini keekee ne negee muta n'mbo aya moteki, tafho n'kpa mocchi subi'anu amuisii, ' Ooga koni?' ⁶ Alakini kanyongo netonoongodei kema ne, mojia aya tumi subia meema nanu. ⁷ Alakini nenongodei dhoni, ane anja mutanu negee, N'bedei abikaae mutanu, alakini kabe negee, nen'tekaae mutanu. ⁸ Saa ne abiki, N'bedei abikaa koonisa mokonda bojede gua jambi, gua bonjanja gua ukumu ⁹ gua jambi, kanyongo bakao mobelekea; ¹⁰ gua bonjanja, kanyongo negee muta Abee, boko moone ku goto; ¹¹ na gua ukumu, kanyongo baya eukumu bakota a mokonda. ¹² Nena kema asii aengodea, alakini bokotokeku kumba u keekee. ¹³ Alakini saa ne jye, Loo a Dhoni, abiki, anoonisaae dhoni buli, kanyongoo kayonge ku toka mutake sisake. Alakini ayongaae kema buli n'ne aoki, na engodea kema ne aobika. ¹⁴ Amodhokomisaae, kanyongo abedhaa n'ne atoki mutamo namo na yonga u mutanu. ¹⁵ Kema buli n'ne Abee anee ane namo. Kabene, negii gea Loo abedhaae toka mutamo na engodea u. ¹⁶ Ka saa aboa bokomoone ku goto, na kisa saa angboo aboa bomoonaae eme. ¹⁷ Banafunji mochi baolaba sisabo, " Eke ne aosongodea, ' Saa aboa bokomoone ku na ka saa angboo bomoonaae,' na,' Kanyongoo negee muta Abee?" ¹⁸ Kabene bagii, " Eke ne agii, ' Saa aboa'? Bekeo uba n'ne aosongodea. ¹⁹ Yeso ao ona gea baya kondi bamuisie, aoengodea, " Boo usiana gua n'ne netoyongi, ka saa aboa bokomoone ku, na goto ka saa aboa bomoonaae eme?" ²⁰ Ka dhoni, ka dhoni, nenongodei, bogamaae na ngongonaga, alakini mokonda abae na fulaa. Bobhae na bojia, alakini bojia nanu agelekanae ka fulaa. ²¹ Saa ne n'ke ao bokota ana bojia kanyongoo saa nake abiki, alakini saa ne an'bokoti michi, katoke ku kombuka bojia kanyongoo a fulaa gea moko abokotani subia mokonda. ²² Bene bona bojia keekee, alakini nenoonaae goto, na meema nanu abae na fulaa, tofho n'mbo atokaku fholea falaa nanu subi'anu. ²³ Ka saa no bako muisie ku kema. Ka dhoni, ka dhioni, nenongodei, kabe bomemi kema muta Abee kina'ani anofhaae u. ²⁴ Mopaka saa ne boko memi kema mochi kina'ni. Memani bopataae, ka gea fulaa nanu a kidia'ne. ²⁵ " Netonongodei kema ne, ka esabu a bolabi, alakini saa abiki saa ne keyonge ku goto mutanu subia esabo a bolabi, alakini n'na bene nenongodeaae kan'tanga gua Abee. ²⁶ Ka esa no bomemaae kina'amo keynogi'ake nen'memaae Abe kanyongo nanu, ²⁷ kanyongo Abee sisake anokondi kanyongo boto mokondi eme na kanyogoo boto belekei gea neye toki mutaa Mokonga. ²⁸ Neyetoki mutaa Abee, na bika ka mokonda. Netoki goto ka mokonda na gaa muta Abee." ²⁹ Banafunji nake baogea, " Onafho, ooyonga kan'tanga koo tomikisa esabo a bolabi. ³⁰ Beubi gea boubi kema buli, boko na siki a n'kpa anuusie kema. Kanyongo a n'nee, bebelekei gea otoki muta Mokonga." ³¹ Yeso ao ejibua, " Bokoo belekea keekee? ³² Onani, saa abiki, eya, abiki ye, saa ne bofhanjekanaae, kila n'kpa kenju nake, bomo deketaae sisani. Keake sisani kanyongoo nena Abee. ³³ Netonongodei kema ne ka gea bobaae na bonjanja subi'ani. Booteseka ka mokonda, alakini kakamana'ani, bokindaae mokonda."