¹ Nene makana a dhoni, na Abee ane n'demi. ² Aotena n'tabi buli n'ne n'nao bokota mbuka, na mbuka an'tabi buli n'ne aobokota mbuka ka gea abokotaa mbuka asii. ³ Bone kanga n'kiki kpanga kala kanyongo ambino ne neto nongondei. ⁴ Jigani subiani, na eme subi'anu. Ubate bene n'tabi katoke ku bokota mbuka mopaka ajige subia makana, gea katoke ku, mopaka bojige subi'ani. ⁵ Nene makana, bone n'tabi. N'mbo ajigi subi'ani na eme subi'ake, abokoti mbuka, kanyongo kanga eme boko gee ku kema. ⁶ Kabe n'kpa kajigi subi'ani, ban'makaae mbamba ubate n'tabi ne amokaki, badondanisi n'tabi no na makaai kin'sa, na tobhoa u. ⁷ Kabe bojigi subi'ani, kabe yonga namo ajigi subi'anu, bemani kema buli n'ne bokondi, negeaae kanu. ⁸ Abee adhokomanaae kine, gea bobokoti mbuka na onisa gea bone banafunji namo. ⁹ Bene Abee amokondi, neno kondi beno. Jigani subi'ani. ¹⁰ Kabe bochungi amuli namo, bojigaae subia ekondi, bene neye chungi amuli a Abee na jiga subi'a ekondi nake. ¹¹ Neto yongi kema ne mutanu ka gea fulaa namo abaae subi'anu na ka gea fulaa nanu atume. ¹² N'ne aange amuli namo, gea bokondane bene neto nokondi. ¹³ Tafho n'mbe ana ekondi angbo konyena n'ne gea afholee maisa nake kanyongo a ba malikua'ake. ¹⁴ Bone b malikwa kabe bogii kema ne nenongodei. ¹⁵ N'na kala neto noofhani bakpa a mokambo, kanyongo n'kpa a mokambo n'nao ube n'ne mokota nake aogea. Neto noofhani ba malikwa, kanyongo kema buli n'ne neye oki muta Abee neye noonisi u. ¹⁶ Boko mo sombu'ake, alakini eme ambe neye no sombu na ebisa ka gea boopasa bokota mbuka, gea mbuka nanu ajige. N'ne ane kagea kema buli bomemaae Abee kii'n'ani, nenofhaae u. ¹⁷ Kema ne nenongodei, ka gea bokondane sisanu. ¹⁸ Kabe mokonda ano jye, ubani gea ato mojye mosa anojye. ¹⁹ Kabe butu a ka mokonda, mokonda atuo pasa anokonde ubate sisake. Alakini kanyongo boko'ake a ka mokonda kanyongo neto no sombu toka mbamba a mokonda, kabene mokonda ano jye. ²⁰ Kombukani yonga no netonongodei, ' N'kpa amokambo n'naake ongbongbo kon'nyena mokota nake.' Kabe bamo kakamisi, bano kakamisaae, kabe bachungi yonga namo, bachungaae nanu. ²¹ Bageae kema be buli mutanu kanyongo bakao muuba n'mbo aya moteki eme. ²² Kabe keto biki na engodea, bakaya toki'ake babe na jambi, alakini bene baka na sababo ka jambi nabo. ²³ N'mbo amo jye an'jye Abe. ²⁴ Kabe keye togii mokambo n'ne n'kpa ongboo kayagii subi'abo, batuo pasa ba kanga jambi, alakini bene baya oni na ejya'asu eme na Abee. ²⁵ Alakini n'ne ane kanyongoo aonekane yonga ne bayaandeki subia selia nab'o, ' Bamo jye kanga sabab'o.' ²⁶ Saa ne n'bedei aobika n'mbo nen'teka ku mutanu toka muta Abee, n'mbe ane, Loo a dhoni, n'mbo agee toka muta Abee asuudiaae guani. ²⁷ Na benu boopasa suudia, kanyongo botu na eme kpanga mosa.