1 " Meema nanu ka vulungane mbe. Bon'belekei Mokonga; bomo belekee goto subi'ani. 2 Enju asii a muta Abee. Kabe n'na tuake beno, neyuo pasa engodea, kanyongoo negee kono bongisea oma. 3 Kabe negee kono bongisea oma, nebikaae goto na esesea mutamo, ka gea oma ne nebei bobaae goto. 4 Boubi afhe a oma ne neoga. " 5 Tomasi aon'ngodea, " Bosomwa, bekeo uba oma ne ooga, namuna sina beenei beube afhe?" 6 Yeso aon'ngodea, " Nene afhe, dhoni, na maisa; tafho n'mbe aenei abike muta a Abee kanga nyena mutamo. 7 Kabe boto muubi, botuo pasa bomuube goto Abee. Kpanga saa ne bomuubi Abee na moona ye." 8 Filipi aon'ngodea Yeso, " Bosomwa, osoonise Abee, n'no abaae asii mutasu." 9 Yeso aon'ngodea, " Netu na benu esa asii na bokoo muuba, Filipi? N'mbe amooni eme amooni Abee. Namuna sina aenei oyonge, 'Osoonise Abee'? 10 Bokoobelekea gea nene subia Abee na Abee subiani? Yonga ne neonongodea keakeo yonga u ka bokota namo sisani, alakini Abee aiki subi'ani ye ambe aogea mokambo. 11 Mobelekeani gea nene subi'a Abee, na Abee subi'ani, ao belekeani kanyongo a mokambo sisake. 12 Ka dhoni, ka dhoni, nenongodei, n'mbo amo belekei ageaae kema ne neogea, na gea mokombo angbo konyena n'ne kanyongo negee muta Abee. 13 Kema buli n'ne bomemi kina'ani, negeaae u kagea Abee a dhokomanaae subia michi. 14 Kabe bomo memi kema buli kina'ani negeaae u. 15 Kabe bomokondi, bochungaae amuli namo, 16 ne memaae muta Abee, anofhaae n'bedei ongboo ka gea abaae na benu esa bui 17 Loo a dhoni. Mokonda n'nao n'sesea kanyongo kao moona ye ao muuba. Alakini bomuubi, kanyongo aiki na benu na abaae na benu. 18 Ketoke ku neno dhekete ubate banichi a kekusa, nejaae mutanu. 19 Ka saa aboa mokonda ka moone ku, alakini bomoonaae. Kanyongo Neiki, na benu boikaae. 20 Ka esa no boubaa gea nene subia Abee, na benu subi'ani, na eme subi'anu. 21 N'mbo ana amuli namo na chunga u ane n'mbo amokondi eme, na n'mbo amokondi Abee an'kondaae, nen'kondaae na onekana mutake." 22 Yuda (n'na Isikaliote) aon'ngodea Yeso, " Bosomwa, namuna sina oonekanaae sisako mutasu na n'na ka mokonda?" 23 Yeso aijibua na engodea, " Kabe n'kpa amokondi, achungaae yonga namo. Abee an'kondaae, bebikaae mutake na bisa enju nasu naye. 24 N'mbo kamokondi kaochunga yonga namo. Yonga ne booka katoki'ake mutamo alakini muta Abee n'mbo aya moteki. 25 Neyeengodei yonga ne, saa ne neyetuo ika na benu. 26 Kabene, n'bedei Loo Motakatifo n'mbo Abee an'teka ku kina'ani ano fundisaae kema buli na ekumbusa kema buli n'ne neyeengodei. 27 Neno deketei amani, nenofhi amani. Kenofhi'ake u ubate bene mokonda aogaba. Meema nanu ka vulungane mbe, boko teee mbe. 28 Boto oki n'no neyeengodei, ' Negee nebikaae goto mutanu.' Kabe bomokondi, boopasa ba na fulaa kanyongo negee muta Abee, kanyongo Abee angboti komonyena eme. 29 N'ne netonongodei mosa akidiani ka gea, saa ne akidiani, bobelekeaae. 30 Kelabe ku goto asii na benu, kanyongo mokota a mokonda ne abiki. Kaake okpekpe guani, 31 alakini kanyongo mokonda aube gea nen'kondi Abee, negii tondo bene Abee aya mongodei. Bemame na toka moni."