¹ Ayatu mosa a esa a fulaa a Pasaka. Yeso ao uba gea saa na a ika ka mokonda ne asi na gaa muta Abee. Aya kondi bun'ake bune bayatu subia mokonda, aya ekondi mopaka muiso. Fuamo ye n'keti ayabisi subia Yuda Isikaliote muna Simoni siki a sombisa Yeso na baolea elea a sua mani, ³ Yeso n'bo ayaubi gea Abee aya mofhi kema bubuli ka njaga'ake na ayatoki muta Mokonga na jaa muta Mokonga ⁴ aotoka oma oma a leaga na fholea ngombe nake a kusi. Ayeoboa bongo na egbukumia nee. ⁵ Ao dhuka ib'o ka ofhefhe ao kpanga sokosa echinji a banafunji nake na kombea u na bongo n'ne aya elingi nee. ⁶ Aobika mutaa Simoni Petele, Petele aon'ngodea, " Bosomwa, omaogea osokose echinji namo?" ⁷ Yeso ao jibua na n'ngodea, " N'ne neogea kotoke ku uba saa nee, alakini oubaae n'ne mbusa." ⁸ Petele aon'ngodea, " Kotoke ku sokosa echinji namo." Yeso aon'jibua, Kabe kesokosi echinji'ako koake na oma mutamo." ⁹ Simoni Petele aon'ngodea, kosokose tondo echinji namo, alakini njaga namo na moo." ¹⁰ Yeso aon'ngodea, " N'mbo ao esokosa n'naake na siki, tondo sokosa echinji, alakini a takati oma buli; otakati, alakini n'naake kila n'kpa." ¹¹ (Kanyongo Yeso aya ubi n'mbo aya pasi an'sombise; ane ka bene ayagii, " N'na benu bobu aange botakati.") ¹² Saa ne Yeso aya sokosi echinji'abo na bedha ngombe nake na ika goto kaod'o, aoengodea, " Boubi n'ne negii mutanu? ¹³ Bomoofhani 'mwalimo' na 'Bosomwa', na yonga anja, kanyongo Ne bei. ¹⁴ Kabe eme gaake, Bosomwa na Mwalimo, neto sokosi echinji nanu, boopasa bosokosane echinji. ¹⁵ Kanyongoo nenofhi mofano ka gea na benu bopase gea n'ne negii mutanu. ¹⁶ Ka dhoni, ka dhoni, nenongodei, n'kpa a mokambo n'naake ongbongbo kon'nyena mokota nake; ao n'tomi mbino ab'e kon'nyena n'mbo ayan'teki. ¹⁷ Kabe boubi kema ne, bona kalamo kabe bogii u. ¹⁸ Keyongi'ake gua beno bobu; neubi buno bayaesombu alakini n'ne ane ka gea maandeko akidiane: N'mbo aya lei n'bako na eme aya sakuu matindili nake guani. ¹⁹ Nenongodei n'ne saa ne mosa akidiane ka gea saa ne a kidiani, bobelekee gea NEBEI. ²⁰ Ka dhoni, ka dhoni, nenongodei n'mbo ansesei n'mbo nen'teki amo sesei, na n'mbo amo sesei an'sesei n'mbo aya moteki." ²¹ Saa ne Yeso aya gii bene, aya vulungani subia loo. Aosuudia na gea, " Ka dhoni, ka dhoni, nenongodei gea mochi subi'anu amo sombisaae." ²² Banafunji bao lengana, bao euisiana n'mbo aon'sombisa. ²³ Mochi ka banafunji nake n'mbo Yeso ayan'kondi, ayatu naye ka meja bibia Yeso. ²⁴ Simoni Petele aon'lenga mwanafunji no aon'ngodea, muisia aoyonga gua n'kpa sina." ²⁵ Ao galekana mbusa n'chi a Yeso na n'ngodea, " Bosomwa, Ane ani?" ²⁶ Yeso aojibua, " Ane n'mbo nemofhaae gbutuka a n'bako na mofha u." Saa ne aya teni n'bako na mofha Yuda muna Simoni Isikaliote. ²⁷ Kisa n'bako, N'keti aongia subi'ake, bene Yeso aon'ngodea, " N'ne oogea, gea u mbango." ²⁸ Tafho n'mbe ayatu naye ka meja ayaubi namuna sina ayan'ngedei beno. ²⁹ Bao waza gea, kpange beno Yuda ayatuo bisa bangoa, Yeso ayan'ngodei, " Somba kema ne okondi ka bongisa esa a fulaa," ao atuopasa ebofha ba masikini. ³⁰ Kisa a Yuda pata n'bako, aoga saa no. Ayatu kiifha. ³¹ Saa ne Yeda aya gee, Yeso aogea, " Bene ye Muna N'kpa a dhokomane, Mokonga a dhokomane subiake. ³² Kabe Mokonga a dhokomani subiake, Mokonga an'dhokomisaae Michi subiake sisake, na an'dhokomisaae mala imochi. ³³ Banichi aboa, nejigi benu tondo ka saa aboa. Bomo kabhaae, na bene netoengodei Bayaudi, ' Oma ne neoga, boko toke ku bika.' Bene nenongodei na benu. ³⁴ Nenofhi amuli a keekee, gea boopasa bokondane; bene netonokondi, bene boopasa kondana. ³⁵ Kine aange kila n'kpa aubaae gea bone banafunji namo, kabe bokondani." ³⁶ Simoni Petele aon'ngodea, " bosomwa, ooga koni?" Yeso aojibua, " Oma ne neoga kotoke ku gaa mbusa'ani, alakini bomobeaae mbusa." ³⁷ Petele aon'ngodea, " Bosomwa, namuna sina ketoke ku negee mbusa'ako keekee? Nefholeaae maisa namo kanyongo nako." ³⁸ Yeso aojibua, Ofholeaae maisa nako kanyongo namo? Ka dhoni, ka dhoni, nenongodei, mukwa koko ka ose ku mosa omo ngane mala isalo."