¹ Esa sita mosa a Pasaka, Yeso aobika na Betania, fua ayan'fufuli Lazalo toka mutaa baku. ² Baon'bisia elea a sua mani fua, na Malata ayatuo n'bongisea elea, alakini Lazalo ayatu mochi a buno bayatu na Yeso ka meja. ³ Malia ao bedha mboso a malasi na bongisa suu anja a timbe na n'siaai kenchinji na seka'amoo nake. Enju aya tumi na suu a malasi. ⁴ Yuda Isikaiode, mochi a banafunji nake, n'mbo aya n'sombisi, aogea, ⁵ " Kanyongo sina baka sombisi malasi ne ka bangoa mia isalo a dinali na ebhofha ba masikini?" ⁶ Ayagii bene, n'na kanyongoo ayatuom kulia ba masikini ngomi, alakini kanyongoo ayatu n'kukub'a. Ye ambe ayatuo kumba njombi a bangoa na ubaga kao. ⁷ Yeso aogea, " N'deketa agee n'ne anee kanyongo a esa a umba'ani. ⁸ Oma tondo na ba masikini esa bui. Alakini ko ikika na eme esa bui." ⁹ N'tunduko angbo a Bayaudi bao uba gea Yeso ayatu fua, bao bika, n'na tondo kanyongo a Yeso, alakini goto kanyongo a Lazalo, n'mbo Yeso aya n'fufui toka ka baku. ¹⁰ Bakota a bakoani baobisa sauli oma imochi ka gea ba n'mwe goto Lazalo; ¹¹ kanyogo ayatu kanyongo nake aange Bayaudi baya gee na n'belekea Yeso. ¹² Mama nosi n'tunduko angbo aya biki ka fulaa. Saa ne baya oki gea Yeso aya biki na Yelusalema, ¹³ Bao bedha n'tabi a mee a mbia baoga kodondana naye na koga, " Hozana! Kalamo muta n'mbo abiki kina a Bosomwa, Mwame a Isilaeli." ¹⁴ Yeso aon'donga muna kagbema na kpata guake' bene bayaandeki, ¹⁵ " Kokotee mbe, n'seka a Sayuni; ona fho, Mwame nako ao bika, aiki gua n'ponjo a kagbema." ¹⁶ Banafunji nake bakaya ubi'ake kema ne mosa; alakini saa ne Baya n'dokomisi Yeso, baya kombuki gea bayaandeki kema ne guake na gea bayagii kema ne mutake. ¹⁷ N'tunduko ao suudhia gea bayatu naye saa ne aya moofhani Lazalo ka bota na n'fufula toka muta baku. ¹⁸ Ayatu goto kani ange n'tunduko ayagee ko dindana naye, kanyongo baya oki gea ayagii alama ne. ¹⁹ Bafalisayo bayeo yonga sisab'o, " Lengani, bokotoke ku gea kame anja; onani, mokonda bui aoga mbusa'ake," ²⁰ Bagiliki buno bayatu subia buno bayatuoga ka abudua ka fulaa. ²¹ Bune baya gee mutaa Filipi, n'mbo ayatu n'kpa a Betesaida subia Galilaya, na muisia'ke, gea, " Moko, beokonda bemoone Yeso." ²² Filipi aoga na n'ngodea Andele; Andele aoga na Filipi, n'ngodea Yeso. ²³ Yeso aoejibua na gea, " Saa abiki ka Muna N'kpa adhokomane. ²⁴ Ka dhoni, ka dhoni, nenongodei, kanga mbuka a ngano gua kaod'on na kua, ajigi sisake alakini kabe aku, abokotaae mbuka asii. ²⁵ N'mbo akondi maisa nake abungisaae u, alakini n'mbo ajye maisa nake ka mokonda ne ajigaae ne ka maisa a esa bui. ²⁶ Kabe n'kpa amotomikii, n'deketa abike mbusa'ani; na oma ne neloe, bakpa a mokambo namo babae fua. Kabe n'kpa omo tomikii, Abe aen'simiaae. ²⁷ Keekee nafusi namo a vulungani negee eke? ' Abee, omo bedee ka saa ne'? Alakini kanyongo nee neto biki ka saa ne. ²⁸ Abee, dhokomisa ina'ako." Eso mochi aotoka kegoo na gea, " Neto dhokomisi u na nedhokomisaa u goto." ²⁹ N'tunduko ne aya mami fua na oka u aogea gea ayatu minyo a n'vua. Bunangboo baogea, Malaika mochi aya yongi mutake." ³⁰ Yeso aojibua na gea, " Eso ne kaya biki'ake kanyongo namo, alakini kanyongo nanu. ³¹ Ane ukumu a mokonda: Keekee baemakaae bakota a mokonda ne kan'senge. ³² Saa ne ne sakokana katoka kaod'o, ne'botaae kila n'kpa mutamo." ³³ Aya gii bene ka eonisa okona a kukua sina ayapasi akue. ³⁴ N'tunduko aon'jibua, " Beto oki subia selia gea Klisto ajigaae esa bui. Namuna sina ogii, ' Muna N'kpa aopasa a dhokomane'? Ani ane Muna N'kpa?" ³⁵ Yeso aoengodea," Mani ajigaae na benu ka saa aboa. Tambani saa ne bona mani, ka gea kadifhi kano bedhe mbe mono. N'mbo aotamba ka kadihio n'nao uba oma ne aoga. ³⁶ Saa ne ona mani, belekea subia mani ka gea obika muna mani." Yeso aoyonga kema ne na toka na esomea danga naab'o. ³⁷ Ataa be Yeso aya gii alama asii mosa'abo, bakaya n'belekei tondo. ³⁸ Ka gea yonga a Isaya n'nabi apase kidiana, subi'ake agii: " Bosomwa, ani ato belekei nyongo nasu, na muta ani n'bombo a Bosomwa aya onekani?" ³⁹ Kanyongoo atu bene ange bakaya belekei, kanyongo Isaya ayagii goto, ⁴⁰ Aya dhaki iso'abo, na kpekpemisa kechuwe nabo, kabe bene baenei baone na iso'bo na okafha na meema nab'o, na gaekana, na efhondisa." ⁴¹ Isaya ayagii kema ne kanyongo aya oni bhodhoko a Yeso na yonga guake. ⁴² Alakini ataa beno, bakota asii bayan'belekei Yeso; alakini Bafalisayo, bakaya belekei kagea bakae yongege ka sinagogi. ⁴³ Baya kondi bhodhoko ne aotoka mutaa bakpa konyena bhodhoko ne atoki mutaa Mokonga. ⁴⁴ Yeso aokoga na gea, " N'mbo amo belekei, kamobelekei tondo eme alaki goto subia n'mbo aya moteki eme, ⁴⁵ na n'mbo amooni amooni n'mbo aya moteki eme. ⁴⁶ Neto biki ubate mani ka mokonda, ka gea n'mbo amo belekei kajige mbe ka kadifhio. ⁴⁷ Kabe n'kpa aoki yonga namu alakini kabisi u, ketoke ku ukumua'ake; kanyongoo keto biki'ake ukumua mokonda, alakini lamisa mokonda. ⁴⁸ N'mbo amo maki eme na kpema bedha yonga namo, ana n'kpa mochi n'mbo ao ukumua. Yonga ne neye yongi amo ukumuaae esa noo. ⁴⁹ Kanyongoo keto yongi'ake eme sisani, alakini ane Abee n'mbe aya moteki, n'mbo aya mofhi agano gua n'ne neoyonga. ⁵⁰ Neubi gea agano nake ane maisa a esa bui, ka gea ane n'ne neyongi ubate bene Abee aya yongi mutamo gea neyonge.