¹ Agano a kwanja ayatu na selia a ubudua na n'tua a kaod'o. Bene baoya bongisi enju. Oma a kwanja, subii bayabisi oma a bisa obela, teta, na n'bako a ika bei, baya ofhani Oma motakatifo. ³ Mbusa a fhembekete a pili ayatu oma ne bao ofhana motakatifo a batakatifo. ⁴ oma ne baya bisi teta a holo a ngale. Aya kumbi njombi a agano, n'ne baya bumbi oma buli na holo. Kepoma mochi a holo ayatu ubili n'ne ayao kumba Mana, danga a Aruni n'ne aya teisi kasa na teta a agano. ⁵ Gua njombi a agano ba kelubi a bodoko bao daka na maenge nabo oma a sokosa jambi, n'ne bekeotoka beyongee asii. ⁶ Kisa bisa kema ne tayali, bakoani bayaongia saa buli ka'oma a subi'a enju kagea mokambo nabo. ⁷ Koani ongbongbo aambe ayaongia sisake subia oma a pili, mala imochi kila mwaka, kanga majia n'nde ayaofolea kego'ake na kanyongo a njambi a bakpa n'ne bayagii kanga uba. ⁸ Loo Motakatifo aya onisi fua geae afhe a oma motakatifo kayatoke ku aukukane na n'no a kwanja abei. ⁹ N'ne ao onisa saa ne bekau. Egabo na mokombe n'ne kaotoka ba anja ka zamili a dokomisa. ¹⁰ Na n'ne alengi elea na makana na kema asii a sokosea ngobo ka mokombe mopaka saa a kanoni a mupiya. ¹¹ Klisto aya biki ubate koani ongbongbo a kema anja aange aya biki. Aya gee kanyenea enju angbo na anja asii n'ne njaga a n'kpa kaya toke ku a bongise kine apatekani ka mokonda ne baya bongisi. ¹² N'na tuake ka majia a mukua meme na banichi'a kagbema, alakini ka majia nake sisake aange aya ngi nee subia oma takatifo asii mala imochi kapata lama nasu a esa bui. ¹³ Kabe majia a mukua meme na mukua kagbema na ebuu a kagbema bajajigi gua bune baya uji mokombe asokosi ngobo nabo, ¹⁴ mala engaani majia a Klisto, n'mbe kanyenea Loo a esa bui aya efholi sisake kanga n'kiki mutaa Mokonga, ao sokosa zamili nasu katoka ka mokambo nasu a kukua ka n'tumikia Mokonga ne aikiki? ¹⁵ Ka bene, ane mopatanisi a agano mupiya. Ane ka bene, kpanga beno kukua aya kidiani ka kombola buno kusia,agano a kwanja batoke ka bojede nabo, buno baebhofani bapate boagi a uliti a esa bui. ¹⁶ Kanyongo oma ne agano aloe, kukua a n'mbo aonisi aopasa ab'e. ¹⁷ Agano aopasa aonekane kab'e kukua aloe, kanyongo n'naake na bokpekpe kab'e n'mbo ao onisa u aikiki. ¹⁸ Ane kanyongo ne anga baya bisi agano a kwanja na majia. ¹⁹ Saa ne baya mofhi Musa amuli subia selia mutaa bakpa bobu, aya buu majia a mukua meme na a muna kagbema, na ib'o, na bongo a tanea, na oyani ao jajia ka buku sisake na gua bakpa bobu. ²⁰ Aogea, "Ane'ange majia a agano n'ne Mokonga aya no bisii. ²¹ Ka namuna no mochi, aya jajiigi majia kenju na n'kumba bubui ne ba tumikisi ka mokambo a uduma. ²² Sawasaw na selia, bibia kema buli baya sokosi na majia. Kanga duka majia, bakaya toki bapase osamee a jambi nabo. ²³ Ka bene atu a maana asii ka boa mofano a kema a kegoo, baya pasi sokosa u na mokomda a banyama. Alakini kema a kegoo sisake aya pasi a sokosame na moombe anja asii. ²⁴ Kanyongo Klisto kaya ngi'ake oma a batakatifo asii n'ne baya bongisi na njaga a bakpa, n'ne a tondo mofano a n'mbo a dhoni. Alakini aya gee kegoo sisake mosa a Mokonga kanyongo nasu. ²⁵ Kaya gee'ake fua kanyongo aike sisake matu asii, sawa bene bakoani angbo baogea, bune baongia amo a batakatifo kila mwaka na majia a bakpa angboo. ²⁶ Kabe atu bene, aya pasi ateseke namuna asii kpanga saa no baya bongisi mokonda. Alakini keekee ne aonekani muiso a matu ka tokisa jambi na mokombe nake sisake. ²⁷ Ubate n'kpa aya bika akue mala imochi, kisa beno ukumu aobika, ²⁸ bene goto, Klisto aya teseki ka maka danga jambi a bakpa asii, aonekanaae mala a pili, n'na katamba oma imochi na jambi, alakini ka lama a buno baon'bondea.