¹ Na selia ne ana maenge a kema ne abikaae n'na onekana a dhoni a kema, ketoke ku ka mokombe ne bao fholea mwaka bui, bikisa bune baomo bedea ka otakaso. ² Ka namuna angboo, mokombe n'na tuopasa asie ka fholea u? Kanyongo buno baofholea u, kisa esokosa bakao waza goto ka jambi nabo. ³ Alakini mawazo a jambi aobika kila mwaka. ⁴ kanyongo majia mukua kagbema na mukua meme n'naotoka tokisa jambi. ⁵ Saa ne Klisto aya biki ka mokonda aya gii, " Koyo kondi'ake egabo na mokombe, alakini, oyo mobongisei ngobo; ⁶ Koto kondi'ake egabo a toboa kinsa na a jambi. ⁷ Neo gea, ' Lenga, Eme ambe, beno baya andekin kanyongo namo subia bhuk'u ka gea ekondi nako, Mokonga.'" ⁸ Kisa laba mosa bene, " N'na tu mokombe, ao egabo, ao egabo buli a toboa kinsa, ao egabo a jambi n'nde oyo kondi. Koyo kandi'ake u." N'ne ane mokombe ne baya fholei sawa na selia. ⁹ A goto'o gea, " Lenga, Eme ambe ka ekondi nako." A tokisi mbamba mokambo a kwanja kanyongo nebise mokambo a pili. ¹⁰ Ka ekondi no, beye sokosami ka nyenne mokombe a ngobo a Yeso mala imochi ka bui. ¹¹ Bakoani bao mama esa bui ka gea mokambo, bao fholea goto mokombe no imochi, mokombe ne n'naokota otokise jambi. ¹² Alakini saa ne Yeso aya fholei saa buli mokombe mochi kanyongo a jambi, aya iki ka jaga a muuku a Mokonga. ¹³ Ao bondea mopaka ba adhui nake baike kusi a maatindili a echinji nake. ¹⁴ Kanyongo ka mokombe mochi aya bisi anja bune baya sokosami. ¹⁵ N'ne Loo Motakatifo aya so'onisi. Aogea, ¹⁶ " N'ne ange agano ne negeae naa'bo kisa esa no, Bosomwa agii. Nebisaae selia namo subia meema nabo, neandekaae u ka mawazo nabo." ¹⁷ Agotoo ongeza, " Ke senda ku goto jambi na buna selia nabo." ¹⁸ Bene omane mosamaa aloe, mokombe a jambi katoke ku ab'e. ¹⁹ Ka bene, ba muna n'ma bena dhoni a ngia oma motakatifo asii kanyenea majia a Yeso. ²⁰ N'ne ange afhe ne aiki a mupiya n'ne aya bisi kasu kanyenea fhembekete maana li ngobo nake. ²¹ Kanyongo bena koani ongbongbo gua enju a Mokonga, ²² begee na meema anja ka akikiso a belekea, meema a sokosami ka zamili anja, na ngobo nasu asokosami na ibo anja. ²³ Bemame akpe ka nyogo a mosenda nasu, kanyongo n'mbo aya so agi ana dhoni. ²⁴ Bewaze bokeboke namuna sina beenei besakue ekondi angboo na mokambo anja. ²⁵ Beke dekete dondana besu bobu, bene bakpa asi baogea. Alakini be kpekpemisane besu sisasu asii bene boo ona esa ne aobika a bibi. ²⁶ Kanyongo kabe befanyi jambi ka kusudi kisa pata ubafha a dhoni, mokombe a jambi kajige ku goto. ²⁷ Alakini ka bondea ukumu a tea na lola a insa n'no ba adui a Mokonga ba tindaae nee. ²⁸ N'kpa buli ne a makaae selia a Musa aku kanga ngomi ka usuud'a a bakpa ibee ao isalo. ²⁹ Gbutu ajede sina bowazi n'kpa ne a n'deti Muna Mokonga aenei apate na fhota majia a agano kino aya biki mokombe, n'mdo afhota ku loo a ngoola? ³⁰ Kanyongo bemuubi n'mbo aya gii, " Lipisa kisasi ane namo; Ne lipaae u mbusa.' Angboo goto, " Bosomwa a okumuaae bakpa nake." ³¹ Ane kema a tea ka gua ka njaga a Mokonga ne aikiki! ³² Alakini kombuka matu a kala, kisa pataako obela, namuna sina oyemami ka etu angbo subia mateso. ³³ Saa imochi baya kofhoti na teseka kantanga, na saa angboo oye iki ba buno otu na mosenda mochi. ³⁴ Oyetu na ngomi muta buno bayatu kenju a kifungo, na oye belekei fholea kema nako ka fulaa. Oye ubi geae obe sisako otu na kema anja a esa bui. ³⁵ Ka bene ko make mbe tomaini nako, n'ne ane egabo angbo. ³⁶ Boopasa boike matu asii bene saa ne bogii ekondi a Mokonga, bopataae kema ne ayano'agi. ³⁷ Aboa goto, na saa aboa, n'mbe ao pasa abike abikaae kalefie ku. ³⁸ N'kpa anja namo aikaae ka belekea. Kabe ai mbusa, nafusi namo ka fulaia ku naye." ³⁹ Besu, bekeake buno baoja mbusa ka bunga, alakini buno bana belekea ka lamisa nafusi nab'o.