¹ Bene Belekea ano ubafha a kema ne oosenda onekanisa a kema ne n'noo onekana. ² Kajiga na belekea ba tatasu baya pati usuudha anja. ³ Ka belekea beubi geae Mokonga aya bongisi mukonda na Yonga nake, ka geae n'no boo ona bakaya bongisi u kema a onekana. ⁴ Ane ka belekea ange Abeli aya fholei mokombe anja konyene Kaini, kanyenea u aya onekani n'kpa anja, na Mokonga aya labi naye anja kanyongo a egabo nake, na ka belekea ange beo laba mopaka bene kanyongo a Abeli, ataa bene aya ku. ⁵ Ane kanyongo a belekea ange Enoki aya dhafi kanga ona kukua. " Bakaya mooni kanyongo Mokonga aya n'buu." Kanyongo musa a dafhe, ayaonakeni gea ayan'fulaisi Mokonga. ⁶ Kanga belekekea kotoke ku n'fulaisa Mokonga. Kanyongo ane a maana geae n'kpa buli n'mbe abiki mutaa Mokonga aopasa uba geae Aikiki na ao lipa buno bobu baon'kaba, ⁷ Ane ka belekea n'nge Noa aya pati mbino a Mokonga kanyongo a kema ne kaya onekani'ake n'mbe, ka ubafha a Mokonga aya bongisi ketanga ka lamisa enju nake. Ka gea bene, aya gii geae mokonda buli abike uliti a bonjanja n'ne aoga kimochi na belekea. ⁸ Ane ka belekea aange Abulahamu beya mofhani kau, ao esimia aotoka kagaa oma ayapasi apate ubate uliti. Aya toki, kanga uba oma ne ayatuoga. ⁹ Ane ka belekea aange ayan iki kanji a boagi ubate mogeni.Aya iki ka n'tua na Isaka na Yakobo, bea uliki ka boagi no mochi. ¹⁰ Kanyongoo aya bondei mosomba ne ana miigi anja, n'ne n'seki na n'bongisi ane Mokonga. ¹¹ Ane ka belekea, ataa bene Sarah ayatu ngomba, aya pati namuna a bokota. N'ne aya kidiani bene ataa bene ayatu fhomi kanyongo aya beleki geae n'mbo aya bisi boagi ana dhoni. Alakini, Katoka muta moko ne mochi na kalibo na baku bobu basiko asii baya bokotani ubate lelengoa akegoo na n'sea a obh'a. ane ka belekea ange buno bobu baya ku kanga pata boagi. Alakini, baya oni na sesea abo ka toka danga, na uba geae bayatu bageni na batokanga ka od'o. ¹⁴ Ka gea bune bagii kema a bene babisi u wazi gea bao kaba enju kao od'o. ¹⁵ Kabe bayatu'o waza a nji ne baya toki kau, bayapasi bapate namuna a ja. ¹⁶ Alakini bene abene, bakondi nji anja n'ne, nji a kegoo. Alakini Mokonga n'nao kua soni ka ofhana'ake Mokonga nabo, kanyongo aya ebongiseli mosomba. ¹⁷ Ane ka belekea aange Abulahamu, saa ne baya nkengi, ayon,fholei anake Isaka. Ayatu anake mochi n'mbe aya n'fholei, n'mbo ayan'pati ka boagi. ¹⁸ Baya gii n'ne mutaa Abulahamu, " Ane kanyenea Isaka aange basiko nako bapataae ina. ¹⁹ Abulahamu aya wazi geae Mokonga ayapasi an'fufue Isaka ka baku, aoyonga ka dhoni, geae mutaab'o aange an'pataae goto. Ayatu goto ka belekea kanyenea kema ne aobika aange Isaka aya mofhi Yakobo na Esau kalamo. ²¹ Ayatu ka belekea aange Yakobo, saa ne ayaogea akue ayaebofhi bana Yosefu kalamo. Yakobo ayao beba na abisi njagaake ka motumbo nake. ²² Aya k Yoze saa ne ayatu bibi'akua, aya labi kanyongo a tamba a bana Isilaeli katoka na Misili aoengodea kanyongo a n'kua nake. ²³ Ayatu ka belekea aange Musa, saa ne aya bokotani, babokoti'ake baon'somea songe isalo kanyongo baya oni geae michi aya bongi. Bakaya bangi'ake kanoni a Mwame. ²⁴ Ayatu ka belekea aange Musa, kisa mota , aya kpemi bamoofhane muna n'seka a Falao. ²⁵ Aya kondi ateseke na banichi'a Mokonga kanga fulaa na bonjanja ka jambi saa aboa. ²⁶ Aya kondi soni kanyongo a Klisto bea faidha angbo ka nyena imona a Misili, kanyongo ayatu'olenga ka ntoke ne aobika. ²⁷ Ayatu ka belekea aange Musa aya toki na Misili. Kayati ake bela a mwame, kanyongo aya mame anja ubate amooni n'mbo n'nao onekaka. ²⁸ Ayatu ka belekea aange aya chungi Pasaka ao jujia majia, kagea aya oli banichi a kwanja bobu kanga bedha banichi a kwanja a Baisilaeli. ²⁹ Ayatu ka belekea aange baya nyeni subia obha a taneaa ubate ka nsofh'o kanga ibo. Saa ne Bamisili baya kengi gea bene, bobu baondia. ³⁰ Ayatu ka belekea aange kibhambasi a Yeliko ayagu kaodo,n kisa fua baotimba u esa saba. ³¹ Ayatu ka belekea aange amaikola Raaba kayaku'ake na bune baya kosi eko kanyongo aya esesei ba pelelesi anja. ³² Kema sina neenei neyonge? Kayongo nekosi saa neyonge kegoa Gedeoni, Barak, Samusoni, Yonatani, Davidi, Samuele na ka banabi. ³³ Ayatu kanyenea belekea aange baya kindi baame, baogea bonjanja, baopata boagi. Baya mamisi ebhombo a nsimba, baya limi lola a insa, bao lama fhea a mbako, bao kpekpemana saa ne bayatu kanga bokpekpe, bao pata bokuu ka etu bao kinda bamani bageni. ³⁵ Bake bayaepati goto baku nabo ka ofufuko. Baobinda buna'angboo kanga konda edeketa, bene baya ubi ofufuko anja. ³⁶ Bao tebeaga buna'ngboo, gbutu, na ngoli ka enju a kifungo. ³⁷ Bao ebeta ete. Bao ebama mala ibee. Bao emwa na mbako. Bao sangekana oma bui na baloli nkeke a meme na a mogogo, bao euta kema buli, bao etesa, bao egeea bojede. ³⁸ Bakayatu'ake na maana ka mokonda, bao sangekanaga ka ndula na ka mamba, na subia kubu na ka echia kusi'a od'o. ³⁹ Mokonga aya kondi bakpa ne bobu kanyongo a belekea nabo, bakaya pati'ake boagi. ⁴⁰ Mokonga aya bisi kema mochi anja, kageae, kanga besu, bakaya toke ku babe bakpa anja.