¹ Besu goto, kanyongo betimbikani na ebundu angbo a usuudha, bemakeni n'kumba nasu na jambi ne aso bhumbi aodee. Begee mbango na mbango akpe n'ne babisi mosa. ² Be lenga bonjanja mutaa Yeso, n'bongisi na n'sokosi a belekea. Ka fulaa ne baya bisi mosa'ake, aya vumilii mosalab'a baon'zalaua na kua na soni, ao ika ka njaga a muuku a Mokonga. ³ Waza kanyongo'ake, n'mbo aya vumilii ka kokpa nake sisake kayongo'a bakpa a jambi, kanyongo boko bunuke mbe meema. ⁴ Boko mami n'mbe gua jambi mopaka ka majia; ⁵ Bobosei obebo n'ne ayaebofhi ubate banichi: " Michi'omo, kozalaue mbe gbutu a Bosomwa , kotene mbe mosenda saa ne aoko beta ghutu. ⁶ Bosomwa aon'beta tondo n'kpa ne aon'konda na n'kalipia kila michi ne an'pati." ⁷ Vumiliani gbutu. Mokonga aono bed'a ubate banichi. Kanyongo michi sina n'mbe abake katoku an'kalipie? ⁸ Kabe baka kokalipie n'ne bakpa bobu bakuo, bene one michi'o bika naye n'naake michi a kenju. ⁹ Kabene bena ba abe a ngobo bune baoso kalipia na beo esimia. mala engaani beenei beedidise muta Abe a loo na maisa! ¹⁰ Abasu aoso kalipia kanyongo ka saa aboa baya wazi anja. Alakini Mokonga aoso kalipia ka faidha nasu, kabene beopasa ngia ka bonjanja nake. ¹¹ Ane dhoni geae kalipia bubuli ao onekana mosa ubate ozuni na n'naake fulaa, alakini aobikisa mbusa ka bune baya tumiki bene kafolea mbuka a selia. ¹² Kpekpemisa'ni njaga nanu endaa na moa n'kuu nanu n'ne aodemani. ¹³ Tambani na echinji na ka afhe ne aanja kanyonge ba kebeka baka gee mbe mbamba alakini bakpekpemane. ¹⁴ Kabani bonjanja na bakpa bobu na botakatifo kanyongo kanga u n'kpa n'naotoka amoone Mokonga. ¹⁵ Engefhani kanyongo boko kose ngoola a Mokonga, kanyongo miigi ajia amotise ujukana, kanyongo bakpa asii benei baujukane nee, ¹⁶ mambo kabe mbe subianu, ao kema ajede ubate Esau, n'mbe aya sombisi ko ligili nake kanyongo a elea. ¹⁷ Ubi geae kisa beno saa ne aya kondi abate uliti a kalamo, beya n'maki kanyongo kayapati'ake namuna a tubua, ata bene aya wazi u ka ibo'angamo. ¹⁸ Kanyongo bokoto bikia'ke bibi'a mamba na boenei botambua, mamba ne insa nake ao sidisa, kadifio, ebundu na kuka. ¹⁹ Koto biki'ake ke'so a mbengu ao ka eso a yonga saa bune baya oki u bao uisia bakaya engodei ataa kema. ²⁰ Kanyongo bakaya toki vumilia nyongo ne bayaengodei: "Kabe nyama abedi mamba, baopasa beta'ke ete." ²¹ Kema ne ayatu na matata n'ne Musa ayagii, " Neotea na sokanaga." ²² Alakini boto biki bibi'a Mamba Sayuni ka mosomba a Mokonga ne aikiki, Yelusalema a kegoo, na komi a elefu a ba malaika ka madondano a fulaa. ²³ Botobiki kenju a Mokonga a banichi a kwanja, bune baandeki ina'abo kegoo. Botobiki mutaa Mokonga, moamusi a bakpa bobu, na ka loo a bakpa anja bune bana dhoni. ²⁴ Botobiki mutaa yeso, mopatanisi a agano mupiya, na a majia ne bajujiaga n'ne ao yonga anja n'nyena majia a Abeli. ²⁵ Kpemani ka oka n'mbe aoyonga, kanyongo bubo bakaya lami bune baya kpemi sakanya ka od'o, namuna sina beenei be lame kabe begee mbamba na n'mbe ao laba kegoo. ²⁶ Ka saa imochi, eso nake aya sugi od'o. Alakini aya agi na gea," Saa angboo goto Kesuge ku tono od'o, alakini na egoo. ²⁷ Yonga ne, " saa angboo goto, " aonisi gaekana a kema a suganaga, saa ne aya nyeni ka saa mochi, kanyongo kema ne n'nao suganaga ajige. ²⁸ Kanyongo, pata buame n'ne n'nao sugana, beonise sukulani nasu ka gea maubili mochi n'ne aon'fulaisa na bokichua na tea. ²⁹ Kanyongo Mokonga nasu ane insa ne ao sidisa.