Bejige ka ekondi a ko munam'a. ² Boko bosee sesea bageni. kanyongo kanyenea n'nde bonei boosesee ba malaika kanga uba. ³ Ekumbukani bune baedungi ube benu ange bano dungi. Ekumbukani buno babao teseka ubate benu ka ngobo. ⁴ Eyamani apate esima na bakpa bobu, na eka a eyemani ajige kanga n'kiki, kanyongo Mokonga a okumuaae bakpa na bao tungana. ⁵ Tabia nanu abe anja ka konda bangoa. Bofulaie na kema ne bonee, kanyongo Mokonga sisake aya gii, " Keko dekete ku, ao dho'ako." ⁶ Beopasa fulaia gea bebaae na bokpekpe a gea, " Bosomwa aambe aomo bedea; Ketokeku tea. Kema sina n'kpa aenei amofanye? ⁷ Ekumbukani bakota nanu, buno bayano ngodei Yonga a Mokonga, na kumbukani mbuka a tamba nabo. Beno beno belekea nabo. ⁸ Yeso Klisto ane namuna imochi naama, kesane, na esa bui. ⁹ Boko gee mbamba na mafundiso asii a bageni. Kanyongo ane anja gae meema atuopasa akpekpemane na ngoola, n'na ka elea n'ne n'naogea kema ka bune baotamba nee. ¹⁰ Bena mazabao n'ne bakpa ne baotukika kenju a Mokomga bakaopasa lea kao. ¹¹ Kanyongo majia a banyama bune bae goti kanyongo a jambi babiki nee mutaa koani ongbongbo ka oma anja, bao toboa ngobo nabo ka nsenge a nji. ¹² Yeso aya teseki ka n'tanga a iso a n'pome a mosomba, kanyongo a sokosa bakpa kanyenea majia nake sisake. ¹³ begeeni mutake ka ntanga a nji, bekumbe soni nake. ¹⁴ Kanyongo beke na mosomba a esa bui moni, alakini beokaba n'ne aobika. ¹⁵ Kanyenea Ye, befolee kanga umbia mokombe a beba mutaa Mokonga maana li mbuka a ebombe ne ao yongea inaake. ¹⁶ Boko bosee n'mbe bonjanja na uhulu, kanyongo ka mokombe a bene'ange Mokonga ao fulaia nee. ¹⁷ Eesimia'ni na edidisa'ni mosa a bakota nanu, kanyongo baochunga nafusi nanu ubate bune baenei ba mamae u. Eesimia'ni bakota nanu bune bageae n'ne na fulaa, n'nake ka ungumaga n'ne n'naoba na faidha mutanu. ¹⁸ Memani kasu, kanyongo beubi geae bena zamili anja na n'ne beo konda beike anja ka kema buli. ¹⁹ Neno kpekpemisi asii kagea bene, kanyongo nejaae goto mutanu keekee ne. ²⁰ Moni Mokonga a amani, n'mbe ayaekokisi ba chungi a ba mogogo ka kukua, Bosomwa Yeso, ka majia a agano a esa bui, ²¹ akofhe kema bubuli anja ka ekondi nake, aotumika subiasu, n'ne aanja mutake kanyenea yeso klisto, mutaake bodoko abe esa bui. Eya. ²² Bene, bana n'ma, kadenga denga vumiliani yonga ne a feli kanyongoo neno andekei aboa kesane. ²³ Ubani geae muna'amasu Timoteo n'mbe ban'doe, kabike keekee, begaae kono ona. ²⁴ Esambeani bakota nanu na bakpa anja a Mokonga. Buno a Italia bano sambei. ²⁵ Baani na ngoola benu bobu.