¹ Kema a maana n'ne beyongi aange: Bene bakoani angbo bune baya iki ka njaga a muuku a mbata a esima kegoo. ² Ane n'kpa a mokambo k'oma a kegoo, enju anja n'ne Bosomwa aya bisi, n'naake n'kpa. ³ Kanyongo bayan'bisi kila koani angbo ka fholea egabo na mokombe. Kagea ane a maana ba na kema imochi afholea. ⁴ Bene kabe Klisto ayatu ka od'o, kaya pasi'ake abe koani, kanyongo bune batuo fholea egabo bayatu fua sawa na mopango a selia. ⁵ Baosobedea mofano mochi a maenge a kema a kegoo. Ane tondo ubate n'ne Mokonga aya n'feli Musa saa ne ayaokondi afheke enju a Mokonga: Mokonga aogea,"Lenga obisi kema buli sawaswa na n'ne neye koonisi ngua mamba." ⁶ Alakini bene Klisto aya pati mokambo anja asii, ubate bene goto mopatanisi a agano, n'ne babisi ka boagi anja asii. ⁷ Ka bene kabi'ake agano a kwanja ayabi kanga kosa, kayatoke ku ba badilide u na a pili. ⁸ Saa ne Mokonga aya dondi kosa mutaa bakpa, aya gii, " Lenga, esa ne aobika, agii Bosomwa; saa ne nebisaku agano a mupiya na enju a Isilaeli na enju a Yuga. ⁹ Kabe ku ubate agano ne neyegii na ba tatanu kesa no neyeebedi ka od'o nabo gaa naab'o katoka ka od'o a Misili. Kanyonga bakaya engefhi ka esimia agano namo, neyee uti ngoola buli; agii Bosomwa. ¹⁰ N'ne ane agano ne nebisa ku na enju a Isilaeli kisa matu ne; agii Bosomwa. Nebisaae selia namo ka mawazo nabo, na neandekaae u ka meema nabo. Nebaae Mokonga nabo, na babikaae bakpa namo. ¹¹ Baka fundise ku moni mutaa ongboo na kila n'kpa mutaa muna'amake' Uba Bosomwa'. Bobu bamoubaae, kpanga baboa mopaka bangbongbo. ¹² Neekuliaae ngomi ka mokambo nabo ajede, na jambi nabo kewaze u goto." ¹³ Ka ofhana agano ne "mupiya," aya gii geae agano a kwanja a fhoe, na n'ne afhoe na a kala a bungaae keekee.