¹ Bene, N'mbe Melekesedeki, Mwane a Saleme, koani a Mokonga a kegoo asii, n'mbe, ayagee musa a Abulahamu, saa ne aya toki koetindisa baame, ao mofha kalamo. ² Ye aambe Abulahamu aya mofhi mochi a komi a kema buli, n'mbe ane mosa Mwame a selia, ka maana a ina nake, goto mwame a Saleme dea "Mwame a bonjanja." ³ Kana abe, kana n'ma, kanga batatake, kanga mwanjo a esa ao muiso a maisa. Aubate Muna Mokonga, ajigi mwame esa buli. ⁴ Ona namuna sina n'kpa ne ayatu mutaa n'gbega Abulahamu ao mofha mochi a komi a kema buli n'ne aya uti ka etu. ⁵ Basuku'a Lawi n'mbe ayapati mokambo a bakoani bune baya engodei bakongoe mochi a komi muta bakpa, maanali, mutaa ba muna'amake, bune batoki ka basuku a Abulahamu. ⁶ Alakini, Melekesedeki, n'mbe okombo nake n'natuo ubukana, ayabuu mochi a komi mutaa Abulahamu, ao mofha kalamo, n'mbe ayabi na boagi. ⁷ Kanga kpema, michi ambe aopata kalamo a n'gbega. ⁸ Ka nyongo ne, alakini n'kpa ne ao kua ambe aoboa mochi a komi, alakini n'mbe bamoonisi n'mbe ao ika kao. ⁹ Na ka namuna ne beoyonga, Lawi ambe ayatuoboa mochi a komi, n'mbe aya lipi mochi a komi ka nyenea Abulahamu, ¹⁰ kanyongo Lawi ayatu ka ngobo a tatake saa ne Abulahamu aya dondani na Melekesedeki. ¹¹ Kabe bonjanja ayatu o wezekana kanyenea mokambo a bkuoani a Balawi ( kino bakpa baya pati selia), kanyongo sina baya pasi babe na siki a koani ongboo n'mbe aya biki sawa na mopango a Melekesedeki, na kanga abe kisa mopango a Aruni? ¹² Saa ne kikoani aya badiliki, selia aya pasi a galekane. ¹³ N'mbe bayongi kema ne kanyongo nake ane n'kpa a okombo angboo, kino tafho n'kpa mochi aya tumiki a mazab'ao. ¹⁴ Ane dhoni gea Bosomwa nasu aya bokotani ka okombo a Yuda, okombo ne Musa kaya kumiake ka mokambo a bakoani. ¹⁵ N'no abiki anja asii goto saa ne koani ongboo aonekani ubate Melekesedeki. ¹⁶ N'mbe aob'a koani, n'naake ka selia a kanoni a ngobo, alakini ka bokpekpe a maisa a esa bui. ¹⁷ Kanyongo maandeko aonisi usuud'a kanyongo nake: " One koani esa buli sawa na mopango a Melekesedeki." ¹⁸ Kanoni mochi a kala abunuki moni, kanyongo ko kusi nake na kanga maana. ¹⁹ Kanyongo selia n'nao bisa kema anja, alakini moseda anja ayangi, kanyenea bene bebiki bibi'a Mokonga. ²⁰ Na ayatu kanga bobake! Buna'angboo baya biki bakoani kanga bobake, ²¹ alakini aya biki koani ka bobake muta n'mbo yangodei, " Bosomwa aya lapi na ka galeaae goto mawazo nake: One koani esa bui'" ²² Kine goto Yeso ayo folei oakika a usuuda anja. ²³ Bakoani a kala bayatu asii ka esabo, kpanga bene kukua ayae feli kajiga ka mokambo. ²⁴ Alakini Yeso ana maisa esa bui, ana bokoani a saa bui. ²⁵ Aenei goto ae lamise anja buno ban'sekedei Mokonga kan'nyenea, kanyongo aiki esabuli kaeyongea. ²⁶ Beyepasi ben'pate koani ongbongbo ubate Ye, kanga makosa, kanga n'kiki, aiki mbamba na bakpa a jambi, aiki kegoo asii konyena mbingoni. ²⁷ Kana siki, ubate bakoani angbo, ka fholea mokombe a esa buli, mosa kaynongo a jambi nake sisake, na bene ka jambi a bakpa. Aya gii n'nde mala imochi ka bakpa bobu saa ne ayaefholi sisake. ²⁸ Ka selia ne baya bisi ubate bakoani angbo bakpa ne bana kokusi. Alakini yonga a bobake, n'ne ayabiki kisa selia, ayan'bisi Michi mochi, n'mbe aanja esa bui.