¹ Ane ka bene, ka deketa kem a Yonga a Klisto, belenge kino a dhoni, kanga bisi goto miigi a keekee a deketa kema na aku na a belekea subia Mokonga, ² a miigi a mafundiso a ubatiso, bisa njaga ofufuko a baku, na okumu a esa bui. ³ Beenei begee kema ne kabe Mokonga akondi. ⁴ Kanyongo n'nao wezekana beyeoba na obela, buno baya kengi egabo a kegoo, buno baya gabi Loo motakatifo, ⁵ na buno baya kengi mokambo anja a mokonga na bokpekpe a matu ne aobika, ⁶ alakini baogua n'naowezekana bangie goto ka tubua. Kanyongo bankpati goto Muna Mokonga angboo, onisaake soni. ⁷ Saa ne ibo'a nvua agu kaod'o saa buli, elea atelaae ka od'o no mutaa bakpa ne baodema u, na tumika ka kalamo a Mokonga; ⁸ alakini kabe ateisi ngenge na tenda-tenda, kanaake na maana aeneni abe na ok'a na toboa u kinsa. ⁹ Alakini beo bondea kema anja kanyongo'anu bakondi, kama a lama, ata neyoge bene. ¹⁰ Mokonga n'nake ojede. Katoke ku bosea mokambo nako na ekondi ne oonisi kina'ake, kanyongo oofhondisi bakpa anja nake, ataa bene ooelamisa. ¹¹ Bekondi asii geae kila n'kpa aonese bojeme mopaka muiso, kanyongo a bisa mosenda nanu anja. ¹² N'ne ane bene gea kotoke ku n'kusi, alakini n'bedi a kema ne ka belekea na bondea boagi a uliti. ¹³ Saa ne Mokonga aya mofhi Abulahamu boagi, aya lapi kinaake sisake, kpanga kala kaya pasiake alape mutaa n'kpa ongbongbo. ¹⁴ Aya gii, " Nekofhae kalamo na banichi asii." Ka namuna ne, Abulahamu aya papti n'ne bayaan'gi kisa bondea asii. ¹⁶ Bene bakpa baya lapi mutaa n'mbo aangbo koenyena. Ka muiso ka kila sani nabo, lambe aiki ubate akikiso. ¹⁷ Ane kabe Mokonga aya kondi aonise na usuud'a asii mutaa baliti a boagi n'ne n'nao galekena hali na sabaa nake, aya chungi lambe nake. ¹⁸ Ayagii n'ne ka kema ibee n'ne n'nao galekana: n'ne n'naowezekana mutaa Mokonga, na yonga mbea; beye pati n'tofhi akpe, besu bune oma nasu esomeana aiki ka mosend ne beyepati. ¹⁹ Bepati mosenda ne ubate nyondo a nafisi anja na akpe, aogia sbia mbusa'a fhembekete, ²⁰ Fua Yeso angi kanyongo nasu ubate n'kpa ne anyeni mosa bayan'bisi koani mokota esa buli, sawa na mopango a Melekesedeki.