¹ Koani ongbongbo buli n'mbe ban'sombu subia bakpa, ao pasa angia ka mokambo a bakpa ka kema a Mokonga, bene aopasa afholee mokombe na egabo a jambi. ² Aenei aba kanga faidha mutaa buno bakao muuba na buno babungi, kanyongo kobhobhoko agoto kema nake. ³ Kanyongo ne, atuopasa goto afholee mokombe kanyongo a jambi nasu, beno aogea mutaa bakpa a jambi. ⁴ N'kpa n'nao toka pata esima sisake kabe Mokonga kamoofhani, ubate Aruni. ⁵ Klisto kayapati esima sisake a ba koani, alakini, n'mbo ayan'ngodei" One michiomoo; nebiki Abako kesane" ⁶ Saa beno agii oma angboo, " One koani esa buli ka kanoni a Melekesedeki" ⁷ N'mbe kesa a ngobo nake, Klisto aya fholi mema na uisia na eso angbo na ibho a ngamo mutaa Mokonga, n'mbo aopasa an'lamise na kukua, baya mooki kanyongo a bokichua a maisa nake. ⁸ Ata bene ayatu Michi, aya jifunji esima kina aya teseki kao. ⁹ Bayan'bisi sawa na ayabiki bene, kanyongo kila n'kpa ne amoesimii, sababo a lama a esa bui. ¹⁰ Mokonga ambe ayan'somu ubate koani angbo ka kanoni a Melekesedeki. ¹¹ Bena nyongo asii ayonga kanyongo a Yeso, alaki ane akpe benongodee kpanga beno kechue ayanodakekani. ¹² Kanyongo ka saa ne, boyepasi bobe ba mualimo, boto'okonda n'kpa ongboo anofundise kema aboboa a kanoni a mbino aMokonga. Boopasa bonue eb'e, n'naake elea akpe! ¹³ N'kpa ne anu tondo eb'e n'naake na boenge a mbino a dhoni, kanyongo ane michi aboa. ¹⁴ Alakini elea akpe ane a bagbega. N'nde ane bene kanyongo mota nabo abe na ubafha n'ne aopsa aefundise uba kema anja na ajede.