¹ Ka bene, ba muna'ma anja, bopatekani ka mofhani a kegoo. Wazani kanyongo a Yeso, n'ngoigi na koani ongbongbo a tubua nasu. ² Ayatu na dhoni mutaa Mokonga, aya n'bisi, ubate Musa ka enju buli a Mokonga. ³ Kanyongo Yeso aya bi na faidha na bodoko angbo kon'nye Musa, kanyongo n'mbe aofeka enju ana esima anyena enju. ⁴ Kenju bui n'ne n'kpa afheki alakini n'mbe aya fheka kema buli ane Mokonga. ⁵ Kanyongo Musa ayayu na dhoni ubate n'kpa a mokambo kenju buli a Mokonga, fholea usuudha a kema ne baya songodei n'ne aobika. ⁶ Alakini Klisto ane dhoni ubate Michi ne ao ongoza enju a Mokonga. Bene enju nake kabe mami anja ka bokuu nasu na mosenda n'ne beobeba. ⁷ Ka bene, kabe Loo Motakatifo agii: " Kabe ooki eso nake ⁸ kobise mbe meema nako akpe ubate ka tomboka, ka wakati a pima ka ndula. ⁹ N'ne aya nyeni saa ne ba tatanu baya tomboki na pima'ani, kisa ona mokambo namo ¹⁰ ka mwaka makomi gena. Alakini neye beli na okombo n'no. Neye gii, baya gee tondo mbamba subia meema nabo. Bakaya ubi'ake afhe namo. ¹¹ Neye lapi ka bela: " Baka toke ku goto ngia ku umbia namo." ¹² Baani baenge, tafo n'kpa mochi subia abe na meema ajede na a kanga belekea, na gaa mbamba na Mokonga n'mbe aikiki. ¹³ Alakini baani na bokpekpe subianu esa bui" kanyongo n'kpa muchi subianu kabise meema'ake ka majalibo a jambi. ¹⁴ Bebiki ye badake na Klisto kabe bemami anja ka dhoni nasu subi'ke kpanga saa ne mopaka muiso. ¹⁵ Kine baya gii, " Oyeo oka eso namo kesane, kabise meema nako akpe, ubate ka tomboka.' ¹⁶ Ani ayaloe, kabene, buno baya tomboki kisa oka, kanga beno, bobu bune baya toki na Misili kusia ongoza a Musa? ¹⁷ Mokonga aya n'beeli n'kpa sina subia mwaka makomi gena, n'na tondo ka buno baya gii jambi, buno ngobo nabu aya tindi ka ndula? ¹⁸ Na ani alapa ku katoku ku angie ka umbia nake, kabe n'na beno buno baya kosi esima? ¹⁹ Beoni geae bakaya tuake tayali ka ngia ka umbia nake kanyongo a kanga belekea nake.