¹ Ka bene beopasa engefha kine beye oki, kanyongo beke gee nee danga ² Kanyongo mbino ne baya labi kanyenea ba malaika, aonekani geae ane dhoni, na bojede bui na kosa esima ao pata malipo, namuna sina oopasa o lame kabe ko ubi lama ne angbo? N'ne ange lama ne Bosomwa aya labi mosa ka onesa'asu kanyenea bune baya oki u. ⁴ Ka saa no mochi Mokonga aya onisi alama, beteko na bampa asii ka gaba egabo a Loo Motakatifo sawa na ekondi nake. ⁵ N'naake ba malaika bune Mokonga ayabisi mokonda ne aobika, n'ne beoyonga kau. ⁶ Alakini n'kpa mochi aya folei usuudha, aogea, " N'kpa ane kema sina, n'mbe ao n'kumbuka? Ao muna n'kpa mochi, n'mbe oon'chunga? ⁷ Oye n'gii n'kpa kusi aboa kanyena ba malaika; oyen'lolisi kekombo na bodoko na esima. ⁸ Oye bisi kema buli kusi'a echinji nake." Kanyongo atu mutake aange Mokong aya bisi kema buli kusiake. Kaya deketi'ake kena n'ne kaya iki'ake kusi'ake. ⁹ Alakini bemooni n'mbo baya n'gii kusi asii nyene ba malaika ka saa aboa, Yeso, aya loli kekombo a bodoko na esima kanyongo a teseka na kukua nake, bene ka ngoola a Mokonga, akengee kukua kanyongo a bakpa bobu. ¹⁰ Bene ayatu anja mutaa Mokonga, kanyongo kema bubuli aiki mutake na kanyenea jye, aobikisa banichi asii ka bodoko. Ayatu anja mutake bisa n'bongisi ka lama nabo buli kanyenea teseka nake. ¹¹ Kanyongo n'mbe ao sokosa na n'mbo baon'sokosa bana miigi mochi. Bene kaya kuake na soni aebofane ba muna'amake. ¹² Agii, " Ne tomeaae ina'ako mutaa ba muna'ma, neko lembeaae subia madondano." ¹³ Bene goto, "nebisaae matomaini namo mutake." Bene goto, " Lenga, eme ambe na banichi ne Mokonga ato mofhi." ¹⁴ Ka bene, kanyongo banichi bapatekani subia kesuku na majia, apatekani ka kema ne ka namuna imochi, kanyenea kukua a muuje n'mbo abedi bokpekpe a kukua n'mbo n'keti. ¹⁵ Bene ange aya pasi kodha bhobu bune, ka tea kukua baike esa buli a maisa nabo ka kokobhe. ¹⁶ Dhoni, n'naake ba malaika bune ao bedea, alakini okombo a Abulahamu. ¹⁷ Atu anja mutake ikika ubakte ba muna'amake ka kema bui, kanyongo abe koani ongbongbo ka ngomi na onjanja ka mokambo a Mokonga ka sokosa jambi a bakpa. ¹⁸ Kanyongo Yeso aya teseki sisake na n'pima ao pasa abedee buno bae epimi.