¹ Tangia kala Mokonga ayaengodei ba tatako kanyenea ban'nabi mala asii na ka namuna asii. ² Alakini ka matu ne a muiso ayonongodei kanyenea Michi mochi, n'mbo aya n'bisi abe muliti a kema buli. Ane kanyenea jye aanga Mokonga ayagii mokonda. ³ Ane obela a bodoko a Mokonga, onekana nake a dhoni a kokpa nake. Abisi goto kema bubuli oma imochi ka Yonga a bokpekpe nake. Kisa sokosa jambi ao ika ka janga a muuku a Bokota kegoo. ⁴ Aya biki mokota ka ba malaika bene aya jigi na uliti anja asii nyna inaabo. ⁵ Ka n'mbo Mokonga kaya yongi mbe na ba malaika: " One michi'omo, ne biki Abako kesane"? Ao muta n'mbo bamalaika bakaya yongi mbe," Nebae Abe mutake, na abae Michi mutamo? ⁶ Alakini goto, saa ne Mokonga an'bikisi michi'oke a kwanja ka mokonda, agii, " Ba malaika bobu a Mokonga baopasa baan'budue." ⁷ Kanyongo a ba malaika agii, " Ane sisake n'mbe aobi loo a ba malaika nake, na bakpa a mokambo nake bao lola ubate insa. ⁸ Alakini kanyongo a Michi agii, " Mbata nako, Mokonga, aiki esa bui. Motumbo a selia ane motumbo a bwame. ⁹ Aookonda dhoni na oseki bokota asii. Kanyongo ne, oh Mokonga, Mokonga nako ayakobisi gamba a fulaa gua badako." ¹⁰ " Mosa, Bosomwa oyebisi miigi a odo. Egoo ane mokambo a njaga nako. ¹¹ Aujukanaae, alakini ojigaae. Ba fhomaae ubabe gbutuka a ngombe. ¹² Oetingisaae ubate bongo, na ba gaekanae ubate gbutuka a ngombe. Alakini koogalekana, na mwaka nako n'nao sia." ¹³ Na n'mbo ba malaiki bakaya ngodei mbe: "Ina moni ka njagaani a muuku, mopaka bene nebisaae ba adhui nako kusia echinji'ako." ¹⁴ N'na loo a ba malaika bui n'nde ao tomika, na baeteki ka mokambo nasu muta buno bapataae uliti a lama?