¹ Alakini Saulo, ayatuo yonga ka tesa na ola banafunji a Bosomwa, aoga mutaa koani angbongbo ² aomema balua kanyongo a sinagogi a Damasiki, kabe anei adonde baka namuna ne, abe bake ao boko, ae dunge abike naab'o na Yelusalema. ³ Saa ne ayatuoga, aokidia bibi a Damasiki, mala imochi obela mochi atoki kegoo ao lola bibi'ake; ⁴ ao gua ka od'o ao oka eso mochi aon'ngodea, " Saulo, Saulo, kanyongo sina omotesi?" ⁵ Saulo aojibua, " Obe ani, bosomwa?" Bosomwa aogea, " Eme Yeso, n'mbe oon'tesa; ⁶ alakini mama, ngia kanji, bakongodeaae kema ne oopasa ofanye." ⁷ Bakpa ne bayatu na Saulo ka tamba baomama kanga yonga, bao oka esa, alakini kanga moona n'kpa. ⁸ Saulo ao mama ka od'o, saa ne aya uku iso'ake kaya oni goto, baon'beda ka njaga baon'ga naye na Damasiki. ⁹ Aogea esa isalo kanga onafha, na lea ao noa. ¹⁰ Mwanafunji mochi ayatu na Damasiki inaake Anania. Bosomwa aon'ngodea ka njiki, " Anania!" Aogea, " Eme ambe, Bosomwa." ¹¹ Bosomwa aon'ngodea," Mama gaa ka afhe ne baofhani Jaa kenju a Yuda uisia fua mogaa mochi akoti na Tarso inaake Saulo, kanyongoo ao mema. ¹² Ayooni ka njiki mogaa mochi inaake Anania abiki na bisa njaga'ake guake, aopasa onafha goto." ¹³ Alakini Anania ao jibua, " osomwa, neto oki nyongo a n'kpa no, namuna ne ayatuo gea bojede mutaa bakpa anja a Yelusalema. ¹⁴ Aya pati bokota mutaa koani ongbongbo aedunge bakpa bobu bune bao ofhana ina'ako." ¹⁵ Alakini Bosomwa aon'ngodea, " Gaa, kanyongoo ane n'sombo kema a mokambo namo mosa a bakpa aka mokonda na baame na banichi'a Isilaeli; ¹⁶ kanyongoo nemoonisaae namuna sina atesekaae kanyongo a ina namo." ¹⁷ Anania aoga ao ngia kenju. Aobisa njaga'ke guake,aogea, " Munama Saulo, Yeso Bosomwa, n'mbe atoko senekei ka afhe saa ne otoo bika, amo teki kanyogo oonafhe na tuma na Loo Motakatifo." ¹⁸ Mala imochi kema mochi ubate kekob'a ao toka kiso a Saulo, ao onafha, ao mama baon'batiza; ¹⁹ ao leaga ao kpekpemana. Aojiga na banafunji ka Damasiki esa asii. ²⁰ Mala imochi ao kpanga ubilia Yeso ka sinagogi, aogea gea ane Muna Mokonga. ²¹ Bobu bune baya mooki bao yayama na gea, "N'na mogaa ne ambe ayatuo tesa buno bayatuo ofhana ina ne ka Yelusalema? Ayatuo bika moni koedunga na gaa naabo mutaa koani ongbongbo." ²² Alakini Saulo aoba na bokpekpe asii, na bisa masaka mutaa Bayaudi bune baya iki na Damasiki ka eonesa gea Yeso ane Klisto. ²³ Kisa esa asii, Bayaudi bao panga bobu bene bamwaae. ²⁴ Alakini Saulo ao uba mopango nabo. Bao lenga kiso a n'pone esa na kiifa kanyongoo bamwe. ²⁵ Alakini banafunji baon'boa kiifha baon'didisa ka kebambasi baon'didisa ka lelea. ²⁶ Saa ne aya biki na Yelusalema, Saulo ao kengea adondane na banafunji aike naabo, alakini baon'tea, bakaya belekei gea ane mwanafunji. ²⁷ Alakini Barnaba aon'beda aobika naye mutaa bagoigi, na engodea namuna sina Saulo aya mooni Bosomwa ka afhe na n'ne Bosomwa ayan'ngodei, na namuna sina Saulo aya labi na bojeme ina a Yeso koni na Damasiki. ²⁸ Aya iki naabo, baongia na toka ka Yelusalema. Ao laba na bojeme kina a Yeso Klisto ²⁹ ao laba na Bayaudi bune bao yonga Kigiliki; alakini baya kondi tondo bamwe. ³⁰ Saa ne ba muna'amake baya oki bene, bon'bika naya mutaa Kaisala na n'teka na Tarso. ³¹ Bene, enju a Mokonga ao jika ka salama kpanga Yudea, Galilaya, na Samalia na fheka u, na tamba ka tea Bosomwa subia Loo Motakatifo, enju a Mokonga ao mota ka esabo a bakpa. ³² Ka bene Petele ayatuo nyena ka mosomba buli, ao kidia mutaa bakpa batakatifo a mokonga bune baya iki ka mosomba a Luda. ³³ Aon'donda mogaa mochi fua ina'ake Ainea, n'mbe aya jigi ka eka mwaka monane, kanyongo ayatu kebeka. ³⁴ Petele aon'ngodea, " Ainea, Yeso Klisto ako fhondisi. Mama ojyea eka nako," mala imochi ao mama. ³⁵ Kila n'mbo aya iki ka Luda na ka Saroni aya mooni mogaa no baogaekana mutaa Bosomwa. ³⁶ Mwanafunji mochi ayatu ka Yopa ina'ake Tabita (N'ne bagalei "Dorika"). N'ke ne aya tumi na mokambo anja na ngomi mutaa ba masikini. ³⁷ Kesa no aosamba na ngobo ao kua; saa ne bayatuo n'sokosa, baon'daisa kenju a kegoo. ³⁸ Bene Luda ayatu bibi'a Yopa, banafunji bao oka gea Petele akoni, bao eteka boko babee mutake, baon'dengemisa, "Bika na besu kanga cheleboa." ³⁹ Petele ao mama aoga naabo. Saa ne baya kidiani baon'ga naye kenju a kegoo, na bake a kekusa bubo baon'gamea, bao moonisa ngombe ne Dorika ayaesombei saa ne ayatu naabo. ⁴⁰ Petele ao etokisa bubo kenju, ao beta mua n'kuu, ao mema, kisa ao gelea ngobo, ao gea, "Tabita, mama." Ao kod'a iso, na lenga Petele ao ika. ⁴¹ Petele ao mofha njaga aon'mamisa, saa ne aya ebofhani batakatifo a Mokonga na bake a kekusa, aon'bisa moaabo na ao onafha. ⁴² Kema ne ao ubukana ka Yopa buli, na bakpa asii bao n'belekea Bosomwa. ⁴³ Petele ao ika matu asii ka Yopa na mogaa mochi ina'ake Simoni n'bongisi n'keke.