1 Koani ongbongbo aogea, " Kema ne ane dhoni?" 2 Setefano aogea, " Ba munan'ma na ba abe, mo'okani: Mokonga a bodoko ayaonekani mutaa abasu Abulahamu saa ne ayatu na Mezopotamia, mosa aike ka Harani; aoengodea, 'Deketa nji nako na bakpa a enju nako, gaa kanji ne neko fhangisaae.' 4 " Aotoka ka nji a Bakaldea na ika ka Harani; aotoka fua kisa kukua a abake, Mokonga aon'bikisa kanji ne, oma ne boo ika mopaka bene. 5 Kayato mofhia'ke uliti ao oma asii abisa echinji. Alakini aya mofhi boagi ata bene Abalahamu kayatu'ake na michi gea aopsa amofhe od'o no ubate oma nake na ebokoti nake mbusa'ake. 6 Mokonga ayatuo laba naye bene, gea ebokoti nake ayapasi aike matu aboa mogeni kanji a bakpa, na bakpa no baebisaae bakob'e na etesa ajede mwaka mia gena. ' Alakini na ukumuaae n'nji no ao etomikia, Mokonga ayongi,' 'kisa beno batokaae na bebani oma ne.' 8 Mokonga ao mofha Abulahamu bobake a nganja, Abulahamu aob'a abake na Isaka aon'gusa ganja ka esa a monane; Isaka aob'a abake na Yakobo, na Yakobo aob'a abake na bagbega komi na ibee. 9 " Kanyongo bagbega bakayan'kondiake Yosefu, bayan'sombisi na Misili; alakini Mokonga aya n'lamisi ka teseka nake buli aomofha Yosefu ngoola na bokichwa mosa a Faroa, mwame a Misili, n'me ayan'bisi mena'anji gua Misili na enju nake buli. 11 " N'nja mochi akpe na bojede aobika ka Misili na Kanana buli, baabasu bakaya toki'ake bapate elea. 12 Alakini Yakobo aya oki geae mbuka aopatekana na Misili, ao eteka baabasu ka tamba a kwanja. 13 Ka tamba nabo a ibee Yosefu ao eonisa mutaa ba munamake, na ebokoti a Yosefu ao ubukana mutaa Farao. Yosefhu ao ejisa ba muna'amake ba moofhane abake Yakobo abika na misili, na bakpa a kenju nake, bobu bakpa makomi saba na itano. 15 Yakobo ao dida na Misili, ye na ba abasu bokua ko bobu. 16 Bao ekumba na Sekemu bao edaisa ka ngbangbate ne Abulahamu aya sombi na bangoa mutaa banichi'a Hemora ka Shekemu. 17 " Saa ne matu a boagi ayatu bibi, boagi ne Mokonga ayagii muta a Abulahamu, bakpa bao b'a asii ka Misili, 18 mopaka bene mwame ongboo ka Misili, mwame ne kaya muubi'ake Yosefu. 19 Aya etesi bakpa nasu na gea bojede mutaa ba abasu, ao ekakamisa baetokise banichi'a mbenje boko a mosa, bakue bobu. 20 " Ka saa no Musa aya bokotani; aya bongi asii mosa a Mokonga baya muungisi songe isalo kenju a abake. 21 Saa ne bayan'bisi kan'sege, n'seka a Farao aon'beda bya anake sisake. 22 Baon'motisa Musa ka na onisa'ake bokichwa buli a Bamisili, aokpekpema ka yonga na mokambo nake. 23 Alakini saa ne ayatu na mwaka makomi gena, kema mochi aongia ka meema nake agee kooenjea ba munamake ebokoti a Isilaeli. 24 Ao ona baon'tesa Muisilaeli mochi, musa aon'gama aon'binda n'mbo ayatuo n'tesa aon'beta Mumisili: 25 Ao ubate geae ba muna'amake bayapasi ba muube Mokonga, kanjaga'ake, aya ebofhi lama, alakini bakaya ubi. 26 Kesa angboo ao esenekea saa ne bayatuo mana, aokengea ae katanise na bisa amani mutab'o, aogea, 'Boko ne, bone ba munan'ma; namuna sina boomana sisanu? 27 " Alakini n'mbo ayagii bojede muta dake aon'tingisa danga, aogea, ' Ani akobisi mokota nasu na ukumua'asu? 28 Ookonda omo mwe bene otomwe Mumisili naam'a?' 29 Kisa oka bolabi ne Musa ao tea, aob'a mogeni kanji a Midiani, kuni ayabi abake na banichi boko babee. 30 " Kisa mwaka makomi gena, malaika aon'senekea ka ndula ka maba a Sinai, ka moseko a insa kusola. 31 Saa ne Musa aya oni insa, aoyayama ka lenga u; aobika bibi'ake, eso ao okekana, aogea, 32 'Eme nene Mokonga a ba'abako, Mokonga a Abulahamu, na Isaka, na Yakobo.' Musa aosokanaga nakaya kengi'ake goto a lenge. 33 " Bosomwa aon'ngodea, ' Fholea makalabhanda nako kanyongoo oma ne omami ane od'o motakatifo. 34 Neto oni dhoni teseka a bakpa namo bune baiki koni na Misili; Neto oki ngamo'abo, bene nebiki koelamisa, bene bika, Neko tekaae na Misili.' 35 Musa ne bayan'maki, saa ne bayagii, 'Ani akobisi mokota na muamusi nasu? Ane n'mbo Mokonga aya n'teki ubate mokota na molamisi. Mokonga ayan'teki na njaga a malaika n'mbe ayaonekani kosala muta a Musa. 36 Musa ao etokisa na Misili, kisa gea ban'pa na alama asii ka Misili na ka Oba a majia'tane, na subia ndula mwaka makomi gena. 37 " Musa no mochi ambe ayaengodei banichi'a Isilaeli, ' Mokonga an'mamisaae n'nabi mochi subia ba muna'amanu, n'nabi ubate eme.' 38 N'mbe ane moko ne ayatu ka madondano ka ndula na malaika ne ayan'ngodei ka Mamba a Sinai, n'mbe ayatu na ba abasu, na n'mbe aya pati yonga a maisa osofhe u. 39 " Alakini ba abasu baya kpemi esimiake; baon'tingisa danga'abo, na meema nabo aogalekana na Misili. 40 Ka saa no baon'ngodea Aroni, ' Bongisa kasu ba mokonga bune baso ongoza ku. Kanyogo Musa ne ayaso tokisi kanji a Misili bekeo uba kema sina an'kidianei.' 41 Baon'bongisa n'ponjo a kagbema na bisa mokombe ka etundu, na fulaia kanyongo a mokambo a njaga'abo. 42 Alakini Mokonga aya gaekani na edeketa ba abudue ba lelengoa a kegoo, beno baandeki ka buku a ban'nabi, ' Boto mofholei mokombe ka mwaka makomi gena ka ndula, enju a Isilaeki? 43 Boye beleki madondano a Moleki na lelengoa a mokonga Refani, na maenge ne boto bisi ka abudua u: Neno kumbaae danga ka Babiloni.' 44 " Ba abasu bayatu na madondano a usuud'a ka ndula bene Mokonga aya engodei saa ne aya yongi na Musa, gea ayapasi abise u ubate ilonga n'ne aya oni. 45 Mbusa, ba abasu kusia Yosua, bayapati madondano na bika nee mutab'o saa ne aya dungi n'nji. Mokonga aya uti nji a bakpa a ka mokonda na etokisa mosa a ba abasu. Madondano aya jigi kanji mopaka ka matu a Davidi, 46 n'mbe aya pati ngoola kiso a Mokonga, ao uisia ambe aenei apate oma a ikika kenju a Yakobo. 47 Alakini Solomono ambe aya fheki enju a Mokonga. 48 Bene, N'mbo a Kegoo asii n'naotoka ikika kenju ne bafheki na njaga a n'kpa, bene n'nabi ayongi, 49 Egoo ane mbata namo na ad'o ane ama namo a bisi'a echinji. Okona a enju sina boenei bomo fhekee? Bosomwa ayongi bene, ao oma namo a umbia ane eke? 50 N'na njaga'ani ange aya gii kema ne buli? 51 " Benu bakpa a kingo akpe na balwe ka meema na kechwe, bookindana na Loo Motakatifo esa bui, ubate bene baabunu baya gii. 52 N'nabi sina ba abanu bakaya n'tesi? Baya emwe ban'nabi bobu bune baya biki mosa a kidia a N'mbo a dhoni; na boton'sombisi n'tesa goto, 53 benu bakpa ne boopata selia n'ne malaika aya biki nee, alakini bokoto chungi u." 54 Saa ne bakpa a masauli baya oki kema ne, baobela ka meema nabo na n'kokea Setefano minyo. 55 Alakini ye, ayatumi na Loo motakatifo, ao lenga jaa kegoo ao ona bodoko a Mokonga; na moona Yeso mame ka njaga a muuku a Mokonga. 56 Setefano aogea, " Lengani, Neoni egoo aukukani, na Muna N'kpa amami ka njaga a muuku a Mokonga." 57 Kine bakpa a masuli bao daka kechwe nabo, baokoga na eso angbo, bao butukana mutake na saba no. 58 Bon'tokisa ka mosomba baokpanga n'beta ete. Basuuda baobisa ngombe nabo kaod'o ka echinji a moganda mochi ina'ake Saulo. 59 Bene bayatuo n'beta Setefano ete, ao tata mutaa Bosomwa na gea, " Bosomwa Yeso, boa loo namo." 60 Aobeta muon'ku na tata na eso angbo, " Bosomwa koenjee mbe jambi nabo." Saa ne ayagii bene, ao dusukana.