¹ Ka matu ne, saa ne esabo a banafunji aya ongezeki, Bagiliki na Bayaudi baokpanga sitakeana, kanyongoo baya ezalau bake a kekusa nabo saa ne bayatuo gaba elea esa bui. ² Buno komi na ibee bao ebofhane banafunji bao engodea, " N'na'ake anja bedoe yonga a Mokoga kanyongo betomike ka meja. ³ Boopasa somboa, badanu, bakpa saba subi'anu bakpa a mbino anja, batumi na Loo na bokichwa, bune beenei beebise gua mokambo ne. ⁴ Ka mutasu, bejigaae tondo esa bui ka mema na tomikia yonga a Mokonga." ⁵ Nyongo ne aya fulaisi bakpa bobu. Baaon'somboa Setefano, moko ne atumi na belekea na Loo Motakatifo, na Filipi na Porokoro, na Nikanora, na Timomi, na Oernama, na Nikolao n'gali a Antiokia. ⁶ Babeleki baobika naabo mosa a baoigi, baomema na bisa njaga'abo gua'bo. ⁷ Yonga a Mokonga aoga na'ofhanjekana, na esabo a banafunji ka Yelusalema aob'a asii, na bakoani asii bao ba'a na esima ka belekea. ⁸ Bene Setefano, aotuma na ngoola na bokuu, aogea ban'pa na alama asii mosa a bakpa. ⁹ Alakini bakpa a sinagogi ne baofhani sinagogi a Bakpa hulu, a Bakurene na Baalekusandilia, na atoka na Kilikia na Asia bao mama. Bakpa ne maon'manisa Setefano. ¹⁰ Alakini bakaya toki'ake ba mame mosa'ake ka bokichwa na Loo n'ne Setefano ayao laba. ¹¹ Bao engodea bakpa mochi bayonge mbea gea, "Setefano afhoti yonga a Musa na a Mokonga." ¹² Baojogea bakpa, bagbega, na baandeki, baon'dunga Setefano baon'bika naye mosa a masauli. ¹³ Baobikisa usuuda a mbea, n'ne ayagii, " mogaa ne n'nao deketa yonga ajede a oma takatifo ne na a selia. ¹⁴ Kanyongoo beto mooki aoyonga gea n'mbo Yeso a Nazaleti angbolaae oma ne na badilisa asili ne Musa ayaso detekeli." ¹⁵ Kila n'mbo aya iki ka masauli aomoenjea na lenga endondo nake bene ayatu ubate endondo a malaika.