¹ N'kpa mochi ina'ake Anania, na n'kake Safira, baya sombisi gbutuka a n'kumba nabo, ² baosomea gbutuka abangoa (na n'kake aya ubi u), aobika na gbutuka no na bisau ka echinji a bagoigi. ³ Alakini Petele aon'ngodea, " Anania kanyongo sina N'keti atumi subia meema nako on'deme Loo Motakatifo na somea gbutuka a bei a od'o? ⁴ Saa ne koto sombisi mbe n'natu imona nako, na kisa sombisa u n'natuake kusia bokota nako? Kanyogo sina kema ne angi ka meema'ako? Kon'demi'ake n'kpa, alakini Mokonga." ⁵ Ao oka yonga ne, Anania aogua kaod'o ao dusukana, na tea angbo aongia subia buno bayaoki u. ⁶ Baganda aon'boa baon'bumbia, baon'kumba na umba'ake. ⁷ Kisa saa isalo bene, n'kake aongia subi, kanga uba kema ne aya nyeni. ⁸ Petele aon'ngodea, " omongodea boto sombisi od'o nanu engaani." Aogea, " Dhoni, ka bei ne tondo." ⁹ Petele aon'ngodea, " Kanyongo sina boto patani ka n'pima Loo a bosomwa? Lenga, echinji a bagaa ne bamuumbi munyako aki'iso a n'pome, bako kumbaae na'obe." ¹⁰ Saa no imochi aogua ka'od'o kechinji'ake aodusukana. Saa ne baganda bayangi baodonda ngobo'ake, baon'kumba bao muumba bibi'a munyakr. Tea angbo aob'a kenju a Mokonga na bakpa no baya oki kema ne. ¹² Alama asii na ban'pa ayatuo nyena mosa a bakpa na kanyenea njaga a bagoigi. Bayayu bobu oma imochi ka n'tua a Solomono. ¹³ Alakini tafho buya bayajigi bayatu goto na siki aba naab'o; ayapati esima a kegoo mutaa bakpa. ¹⁴ Babeleki bayabiki asii mutaa Bosomwa, boko na bake, ¹⁵ ata bene baya ekumbi bakpa ne bana ngobo na ebisa gua kalagba na eka, kagea Petele kanyene fua, meange nake anyene guab'o. ¹⁶ Bakpa asii baya biki toka ka mosomba ne aya timbi Yelusalema, baobika na bakpa ne bana ngobo na bune baoteseka na loo ajede, bobu baya fhondi. ¹⁷ Alakini mokota a bakoani ao mama, na buno bobu bayatu naye (n'ne ane n'ponjo a Basadukayo); bayatumi na chuki ¹⁸ bao edunga bagoigi, na ebisa oma imochi ka enju mochi a kifungo. ¹⁹ Kiifha no malaika a Bosomwa ao ukua inso a n'pome a enju a kifungo ao etokisa subi, na engodea, ²⁰ " Gaani, mamani subia ekalo na ngodeani bakpa yonga buli a ujima." ²¹ Saa ne baya oki bene, baongia subia ekalo saa a mbia na fundisa. Alakini koani ongbongbo aobika, na bune bayatu naye, ao ofhana sauli oma imochi, na bagbega na bakpa a Isilaeli, ao eteka kenju a kifungo babike na bagoigi. ²² Alakini bakota buno bayagee bakaya endondiake subia enju a kifungo, baoja na tomea mbino, ²³ " Bedondi enju a kifungo adakekani na bachungi ba mami kiso a n'pome, alakini saa ne beuku, beken'dondiake n'kpa subi." ²⁴ Saa ne n'chungi a ekalo na mokota a bakoani baya oki yonga ne, bao sokonaga ka kema ne gea abae boni kina akidiana ku. ²⁵ Mochi aobika ao engodea, " Bakpa ne botoebisi kenju a kifungo bamami subia ekalo baofundisa bakpa." ²⁶ N'chingi aoga na bakota aoejisa, alakini kanga bokpekpe, kanyogoo batuo tea bakpa, gea baenei baebete ete. ²⁷ Saane baya biki naabo, bao ebisa mosa a masauli. Mokota a bakoani ao ebuisia, ²⁸ aogea, " Beto noongodei gea boko fundise kina ne, boye tumisi Yelusalema buli na mafundiso nanu bookonda majia a n'kpa ne guasu." ²⁹ Alakini Petele n'goigi ao ejibua, " Beopasa en'simia Mokonga n'naake n'kpa. ³⁰ Mokonga a baabasu ayan'fufuli Yso n'mbe boton'mwe ka kpata'ake ka mee. ³¹ Mokonga aya n'saku ka njaga nake a muuku abe Muna Mwane na Molamisi, bikisa tubua mutaa Isilaeli na osamee a jambi. ³² Bene basuuda a kema ne, ane Loo Motakatifo n'mbe Mokonga aomofha n'mbo amofhi esima." ³³ Saa ne bakpa a masauli baya oki bene, baya beli na konda eola bagoigi. ³⁴ Alakini mufalisayo mochi inaake Gamaliele, mwalimo a selia n'mbe bakpa bobu bayatuo esimia ao mama subia masauli aogea baetokise fho bagaa no saa aboa ka n'senge. ³⁵ Ao engodea, bakpa a ka Isilaeli, engefhani kine bookonda bofanye mutaa bakpa ne. Kanyongoo musa a matu ne, Teuda aya mami aogea geae ana n'kpa ongbongbo na bakpa bibi'a mia gena baya gee mbusa'ake. Baya n'mwe na bune bobu baya mofhi esima baofhanjekana baojika jai. ³⁷ Kisa mogaa ne, Yuda a Galilaya ao mama ka matu a andikisa bakpa ao bhota bakpa asii mbusa'ake. Aya tindi goto, na bune baya mofhi esima baya fhanjekani. ³⁸ Nenongodei bene, edeketani bakpa ne sisabo, kanyogoo kabe mopango na mokambo ne ane a bakpa, aujukanaae. Alakini kabe ane a Mokonga, kaujukane ku; bodondaae gea boomana na Mokonga. " Bene boo oka. ⁴⁰ Kisa beno bao ebpfhana bagoigi subi na ebeta gbutu na engodea baka labe mbe goto kina a Yeso, bao edeketa bagee. ⁴¹ Baotoka mosa a masauli na fulaa kanyongo baobukani ka keseka na kanga esima ka Ina. ⁴² Na esa buli, kenju nabo na subia ekalo bayatuo fundisa na laba mbino anja gea Yeso ane Klisto.