¹ bene Petele na Yoani bayatuo yonga mutaa bakpa, bakoani na mokota a ekalo na Basadukayo baobika mutab'o. ² Baobela asii kanyongoo Petele na Yoani bayatuo fundisa bakpa na laba subia Yeso ka ufufuko mutaa baku. ³ Bao edunga bao ebisa oma imochi mopaka mama nake, mopaka ogogo ne. ⁴ Alakini bakpa ne bayaoki mbino baya belekei na esabo a bakpa ne baya belekei bayatu elefu itano. ⁵ Mama nosi, bakota nabo a selia, na baandeki baondondana oma imochi ka Yelusalema. ⁶ Ana n'mbe ayatu koani ongbongbo ayabi fua, na Kayafu, na Yoani, Alekisande, na bobu bune bayatu badab'o na bakoani. ⁷ Saa ne baya ebisi Yoani na Petele mosa'abo, bao ebuisia, " Ka bokuu sina, ao ina sina, boogea kema ne? ⁸ Petele aotuma na Loo Motakatifo, aoengodea, " Benu bakota a bakpa, na bagbega, ⁹ kabe bebiki ka ukumu kesane kanyongo a mokambo anja n'ne bayagii mutaa bakpa ne bana ngobo, na ka namuna sina n'kpa ne ayafhondi, ¹⁰ aubukane mutanu na bakpa bobu a Isilaeli gea n'kpa ne amami mosa'anu afhondi kina a Yeso Klisto a Nazaleti, n'mbo bayan'kpati, alakini Mokonga ayan'mamisi toka mutaa bak'u. ¹¹ Yeso Klisto ane ete ne bafheki baya n'maki alakini n'ne abiki ete a kegoo. ¹² Lama n'naake bei kina a n'kpa ongboo, kanyongoo tafho ina imochi ka od'o n'ne baya ebofhi bakpa n'ne beopasa belaame kao." ¹³ Saa ne bayaoni bokuu a Petele na Yoani, baobu geae n'naake bokuu a bakpa a ka mokonda, baya yayami, bao uba geae Petele na Yoani bayatu na Yeso. ¹⁴ Kanyongoo baya mooni n'kpa no aya fhondi na'amami naab'o bakaya bi na kema a yonga mbamba ine. ¹⁵ Alakini baya engodei bagoigi batoke oma a sauli, baoyonga sisab'o. ¹⁶ Baogea, " Kema sina begeaae na bakpa ne? Kanyongoo baonekanisi alama angbo, na n'ne ane usuud'a angbo mutaa bakpa ne baiki na Yelusalema, bekeo tokeku bengane u. ¹⁷ Alakini kanyongo kafhanjekane danga mutaa bakpa, deketa beengodee baka yonge mbe goto mutaa n'kpa ina nee." ¹⁸ Bao ebofhana subi na engodea, boko labe na fundisa kina a Yeso. ¹⁹ Alakini Petele na Yoani bao ejibua na engodea, " Kabe ane anja kiso a Mokonga beno esimie ao Jye, ukumuani. ²⁰ Beketoke ku bekpeme laba ka kema ne beyeoni na oka." ²¹ Kisa beno engodea Petele na Yoani beno, baoedeketa bagee. Bakaya pati'ake sababo aesitakia, kanyongo bakpa bobu bayatuo n'dokomisa Mokonga ka kema buli n'ne bayagii. ²² N'kpa ne aya kengi alama a fhonda aya nyenisi mwaka makomi gena. ²³ Kisa edeketa, Petele na Yoani baobika mutaa bakpa nabo baoengodea kema buli ne mokota a bakoani na bagbega bayaengodei. ²⁴ Saa ne baya oki baokoga na nia imochi mutaa Mokonga na gea, " Bosomwa, obongisi egoo na od'o na oba, na kema bubuli n'ne a subii. ²⁵ Oto labi ka Loo Motakatifo kanyenea ebombo a n'kpa a mokambo nako, abasu Davidi, ' Kanyongo sina bakpa a ka mokonda babei na bakpa baubate ane kema jaijai?' ²⁶ Otogii, ' Baame a mokonda badondani oma imochi, na bakota badondani oma imochi kanyongo a Bosomwa Klisto nake.' ²⁷ Bobu Herode na Pontio Pilato na bakpa a ka mokonda na bakpa na Isilaeli badondani oma imochi ka mosomba ne gua motakatifo nako n'kpa a mokambo Yeso n'mbe oton'bisi gamba. Baya dondani oma imochi ka gea buli n'ne njaga nako aya pangi u mosa'a kema ne aonekane. ²⁹ Bene, Bosomea, oko ngamo nabe na ebofha bakpa a mokambo nako ba labe yonga nako na bojeme. ³⁰ Bisa njaga'ako ka fhondisa na onisa alama na ban'pa kina a n'kpa a mokambo nako motakatifo Yeso." ³¹ Kisa mema bene, oma ne baya dondani ao ninginaga, bobu baotuma na Loo Motakatifo na laba yonga a Mokonga na bojeme. ³² Esabo angbo a babelekei bayatu ka meema na nafusi imochi. Tofho n'kpa ne ayapati kema aob'a ake sisake, alakini bayatu na kema buli abo bobu. ³³ Bagoigi bayatuo laba usuuda nabo kanyongo a ufufuko a Bosomwa Yeso, na ngola angbo na bokpekpe ayatu guabo bobu. ³⁴ Tofho n'kpa ne aya kosi kema, kanyongo bobu bune bayatu na chiko na enju batuo sombisa u na bika na bangoa a kema buli n'ne baya sombisi. ³⁵ na bisa u kechinji a bagoigi, baogaba u mutaa kila n'kpa sawa sawa na siki nabo. ³⁶ Yosefu, n'goigi ne bayamoofani Barnaba ( n'ne maana li ane Muna Kalamo), mu lawi, n'kpa a Kipuro, ³⁷ aya sombisi chiko nake aobika na bangoa na bisa u ke'chinji a bagoigi.