¹ Petele na Yoani bayagee ka ekalo ka saa a mema, na saa a isalo. ² N'kpa mochi ayatu kebeka kpanga bene amake ayan'bokoti bayan'kumbi kiso a n'pome a ekalo ne baofani Bonga. Baya pasi bisa'ake fua esa buli a meme buno bayatuo ga ka ekalo ka pata egabo. ³ Saa ne aya mooni Petele na Yoane na baogea bangie ka ekalo, ao emema egabo. ⁴ Petele na Yoani baomoenjea jaa, baogea, "Oso enjee." ⁵ Kebeka ao elenga, ubate geae bamofae kema. Alakini Petele aogea, " Beke na holo ao bangoa, alakini nekofae n'ne nenee. Kina a Yeso Klisto a Nazaleti tamba." ⁷ Aon'beda ka njaga a muuku, Petele aon'mamisa, saa no echinji na mokondolo nake ao kpekpemana. ⁸ Ao jyala, kebeka no ao mama ao kpanga tamba; ao ngia subia ekalo na Petele na Yoani na'otamba na jyalaga na n'beba Mokonga. ⁹ Bakpa bobu bao'ona beno aotamba na n'beba Mokonga. ¹⁰ Bao uba geae ane mogaa no ayatuo memaga egabo kiso'a n'pome a ekola Bonja; baotuma na yayama kanyongo a kema no aya nyeni mutake. ¹¹ Bene kayatuo n'deketa Petele na Yoani, bakpa bobu baoga mbango mutabo ka n'tua ne bayaotuo'ofana n'tua a Solomono na yayama asii. ¹² Saa ne Petele ayaoni bene, aoengodea bakpa, " Benu Baisilaeli, kanyongo sina booyayama? Kanyongo sina baoso lenga nee bene, ubate ben'tambisi ka bokpekpe nasu ao ka bed'a nasu yonga a Mokonga? ¹³ Mokonga a Abulahamu, na Isaka, na Yakobo, Mokonga a baabasu, ayan'dokomisi n'kpa a mokambo nake Yeso. Ane n'mbo boye n'maki mosa a Pilato, saa ne ayakondi an'dekete. ¹⁴ Boye n'maki Motakatifo na n'kpa a Dhoni, boyegii ban'dekete n'kpa ne ao olaga bakpa. ¹⁵ Boye n'mwe n'bongisi a maisa, n'mbo Mokonga ayan'fufuli mutaa baku; besu bene basuud'a a kema ne. ¹⁶ ka miigi a belekea kina'ake, ina ne ayan'gii mogaa ne, n'mbe bomuubi na ona'ake, okpekpe. Belekea ne anee kanyenea Yeso bayamofhi fonda a dhoni mosaabo bobu. ¹⁷ Kabene, ba munama, neubi gea boogea bene kanga uba kema, ubate bene bakpa a selia nanu bayagii. ¹⁸ Alakini kema ne Mokonga aya labi kpanga kala ka efhe'noko a ban'nabi bobu, gea Yesu ayapasi ateseke, aye onekani. ¹⁹ Tubu'ani, ka bene, mbusa'ake jambi nanu atoke, ²⁰ Ka matu no abisa goto kema anja abike mosa a Bosomwa; na an'teke Klisto n'mbo ayaonekani mutanu, Yeso. ²¹ Ye ambe egoo aopasa an'pate mopaka bene kema bubui ajaae oma nake, kino enjili ayagii ka matu a kala ka ebombo a ban'nabi. ²² Musa aya gii, 'Mokonga Bosomwa an'mamisaae n'nabi ongboo ubate eme subia ba muna'amanu. Boopasa bomooke ka kema bui n'ne anongodeaae. ²³ N'kpa ne kamooke ku n'nabi noo aujukanaae subia bakpa nake.' ²⁴ Dhoni, na ban'nabi buli kpanga mutaa Samuele na bune baya biki mbusa'ake, baya labkanyongo'a esa ne. ²⁵ Bone banichi'a ban'nabi na boagi ne Mokonga aya gii na ba tatanu, bene ayan'ngodei Abulahamu, 'Ka china'akudu nako ebokoti bubuli a mokonda abae na kalamo.' ²⁶ Kisa a Mokonga n'mamisa n'kpa a mokambo nake, ayan'teki mosa, kanyongo bopate kalamo ka galekana a kila n'kpa ka bojede nanu.