¹ Saa ne esa a Pentekoste aya biki, baya iki bobu oma imochi. ² Mala imochi eso mochi aotoka kegoo ubate ubate kuka ne aonyena, aotumisa enju buli oma no bayatuo ikika. ³ Kesambae ao'onekana mutab'o ubate insa n'ne ao gabekana, ao ika gua kila n'kpa. ⁴ Bobu baotuma na Loo motakatifo na kpanga laba ka kesambae angboo, ubate beno Loo aya ebofhi bokpekpe. ⁵ Bayaudi bune bayatouo ika na Yelusalema bayatu fuamo, bakpa bombo, katoka ka kila nji ne a kusia egoo. ⁶ Saa ne baya oki eso ne, bakpa asii bayabika oma imochi bao vulungana kanyongo kila n'kpa aya oki baolaba ka keambae nake. ⁷ Bao yayama, baogea, " Dhoni, n'na bune bomo'oyonga Kigalilaya? ⁸ Namuna sina ne beo eoka, kila n'kpa ka kesambae nake n'ne aya bokotani kao? ⁹ Baparti na Bamedi, na Baelamu na bune baoika ka Mezopotamia, na ka Yudea na Kapadokia na , Ponto na Asia, ¹⁰ Furigia, na Pamfilia, Misili na oma buli a Libia bibi a Kurene, na Baloma bageni, Bayuda na bagaligi. ¹¹ Bakrete na Baalabu; bee oki baolaba ka kesambae nasu ka mokambo akpe a Mokonga." ¹² Bobu bao yayama na banga, baolaba sisab'o, " Maana a kema ne ane eke?" ¹³ Alakini bunangboo bao etebea na gea, " Baeb'u na makana." ¹⁴ Alakini Petele ao mama na buno komi na imochi, ao koga keeso angbo, na engodea, Boko a Yudea na benu bobu bune boiki ka Yelusalema n'ne aubukane mutanu; engefani ka yonga namo. ¹⁵ Kanyongo bakpa ne baka nuake makana, bene boowaza, kagea ane saa a isalo a esa. ¹⁶ Alakini n'ne anga n'nabi Yoeli aya yongi: ¹⁷ ' Mokonga agii ka esa a muiso,'Nedukaae Loo namo ka ngobo buli. Baganda nanu na baseka nanu ba n'nabaae, banichi boko baonaae kema, na bagbega nanu bapataae njeki. ¹⁸ Dhoni ka bake na boko a mokambo namo kesa no Nedukaae Loo namo na ban'nabaae. ¹⁹ Neonisaae bampa kegoo na alama kaod'o, majia, insa na maki. ²⁰ Mani agaekanaae kadifio na songe majia mosa a esa angbo na esa a ubukana a Mokonga abike. ²¹ N'mbo aofhana ku ina a Bosomwa a lamaae.' Boko a Yelusalema, okani yonga ne: Yesu a Nazaleti mogaa ne Mokonga ayaonisi mokambo akpe na ban'pa na alama n'ne Mokonga ayagii kanyenea ye subi'anu, bene boubi sisanu. 23 Mogaa ne bayan'bisi ka njaga'nu ka mopango a Mokonga n'ne aya ubi mosa; na benu, kanjaga a bakpa a kanga selia, boomwa na musulali ka mosalaba. ²⁴ Alakini Mokonga ayan'mamisi aon'folea ka uchungu a kukua, kanyongo n'natuo wezeka kukua an'dunge ka bokota nake. ²⁵ Kanyongoo Davidi aya labi kego'ake, Neyemooni Bosomwa esa buli mosa namo, kanyongo aiki n'chi a njaga'ani a muuku n'ne ketoke ku toka. ²⁶ Bene meema namo aya fulai na edaka namo abongi. Na ngobo'ani aikikaae ka moseda. ²⁷ Kanyongoo kodekete ku nafusi namo ka zimo, ao konda motakatifo nako aone ujukana. ²⁸ Oto moonisi afhe a ujima, omotumisaae na bonjanja na endondo nako.' ²⁹ Ba muna'ma, ane anja mutani nenongodee wazi kegoa Tatasu Davidi, kagea bayaku na umba'abo, na bota nake ao onekana mopaka kesa ne. ³⁰ Ka bene, ayatu n'nabi na uba geae Mokonga aya lapi na bobake mutake gea ayapasi an'teke mochi a ebokoti nake ka mbata neke a bwame. ³¹ Aya oni n'ne akidie ku kesa ne aobika ka ufufuko a Klisto, gea kan'doe ku ka zimo, ao ngobo nake ujukana. ³² N'mbe Yeso Mokonga ayan'mamisi, n'ne besu bobu bene basuud'a. ³³ Ka bne, aodafha ka njaga a muuku a Mokonga na pata boagi a Loo Motakatifo toka mutaa Abe, ad'ukaae n'ne boo ona na oka. ³⁴ Kanyongo Davidi kaya toki'ake kegoo, alakini agii, 'Bosomwa aya gii mutaa Bosomwa namo, "Ika ka njaga'ani a muuku ³⁵ mopaka nebise baadui nako kusi'a echinji nako." ³⁶ Ka bene, enju buli a Isilaeli aube gea Mokonga ayan'bisi buli Bosomwa na Klisto, n'mbe Yeso ne boton'kpati." ³⁷ Saa ne baya oki bene, bao sid'a ka meema nab'o, baon'ngodea Petele na baogoigi angboo, "Baya, befanye kema sina?" ³⁸ Petele aoengodea, " Botubue na pata obatizo, kila n'kpa, kina a Yeso klisto ka osamaa a jambi nanu, bopataae egabo a Loo Motakatifo. ³⁹ Kanyongo boagi ane mutanu na baananu na mta bune baiki danga, na bakpa asii bune Mokonga aebofhani." ⁴⁰ Na yonga angboo asii aonisi na efelea, gea, " Bolame subia ebokoti ne ajede." ⁴¹ Baopata yonga nake na bao ebatiza bibi'a bakpa elefu isalo. ⁴² Bobu bao oka anja mafundiso a bagoigi na gaa mbusa'abo ka buna n'bako na ka mema. ⁴³ Bakpa bubu bao sokanaga ka ban'pa na alama ne aya nyeni ka nyenea bagoigi. ⁴⁴ Bobu bayabelekei baya iki oma imochi na kema buli baya bisi oma mochi, ⁴⁵ bayao sombisa n'kumba na od'o nab'o na gaba u mutaa buno bakayatu na kema. ⁴⁶ Esa buli bayatuo ebisa sisab'o ka nia mochi subia ekalo. Bayatuo buna n'bako kenju, bayatuo gaba elea oma imochi ka fulaa na bonjanja a ka meema, ⁴⁷ n'bebani Mokonga na baani na ngomi na bakpa bobu, esa na buli Bosomwa ayatuo ongeza esab'u nabo buno bayatuo lama.