¹ Buk'u a kala neye andeki, Teofile, neoyonga buli n'ne Yeso aya kpangi gea na fundisa. ² Mopaka bene bed'e aya dafhi kegoo, kisa aobikisa kanoni kanyenea Loo motakatifo mutaa bagoigi bune ayae sombu. ³ Kisa teseka'ake, aya onekani ka ngobo mutab'o na alama asii. Aya onekani mutab'o ka esa a makomi gena, na laba kanyogo a bwame a Mokonga. ⁴ Saa ne aya dondani naab'o, aoengodea baka toke mbe na Yelusalema, alakini babondee ka agano a Abe, kanyongo a inde aya labi, " Boye oki mutam'o ⁵ bene Yoani aya batizi ki'ibo, alakini bobatizaae na Loo Motakatifo ka esa aboa." ⁶ Saa ne baya dondani oma imochi baomuisia, " Bosomwa, ojisaae bwame muta Isilaeli ka matu ne?" ⁷ Aoengodea, " boko toke ku uba saa ao saga n'ne Abe ayabisi ka bokota nake. ⁸ Alakini bopataae bokpekpe saa ne Loo Motakatifo aikaae gu'anu, bobaae basuud'a ka Yelusalema na ka Yudea na Samalia, na muiso a mokonda." ⁹ Saa ne Yeso aya yongi kema ne, bene bayatuo onjea kegoo, aodhafa, ebundu aon'bumba kiso'abo. ¹⁰ Saa ne batuo lenga boke bobe kegoo bene aya gee, mala imochi boko babee bao mama bibi'abo na ngombe anjee. ¹¹ Baogea, " Benu boko a Galilaya, kanyongo sina bomami na lenga kegoo? Yeso n'mbe adhafi kegoo mosa'anu, abikaae goto namuna ne boto mooni agee kegoo." ¹² Baoja na Yelusalema toka ka mamba n'ne baofani Mizaituni, n'ne atu bibi'a Yelusalema ka tamba a saa imochi na gbutuka. ¹³ Saa ne baya kidi, baodhafa kenju a kegoo, fua baya jigi. Bayatu Petele, Yoani, Yakobo, Andele, Tomasi, Batelemi, Matayo, Yakobo muna Alufayo, Simoni Zeloti, na Yuda muna Yakobo. ¹⁴ Baya edeketi ka mokambo a mema, oma imochi na bake, na Malia amake na Yeso, na ba muna'amake. ¹⁵ Ka esa no Petele aya mami subi'a badake bibia mia imochi na makomi ibee (120), aogea, ¹⁶ "Ba munama, ane anja maandeko aonekane, n'ne Loo Motakatifo aya yongi mosaa ka afhe'noko a Davidi kanyongo a Yuda n'mbe aya eongozi buno baya n'dungi Yeso. ¹⁷ Kanyo ayatu mochi ka besu na mochi subia uduma ne." ¹⁸ ( Mogaa ne aya sombi chiko na imona ne ayapati ka bojede nake, na fua ayagu moo kusi na echinji kegoo, na ngobo'ake oabomokaga, na ekondu nane aodukukana. ¹⁹ Buno bobu baiki ka Yelusalema baya oki kema ne, baya ofhani chiko no ka kesambae nabo " Akeldama," maana li " Chiko a Majia.") ²⁰ " Kanyongo bayaandeki subia Kitabo a Zabuli, ' Chiko ne aujukane, na n'kpa mochi kaike mbe fua'; ' N'kpa ongboo aboe buongozi nake.' ²¹ Ane anja, alakini, kabe n'kpa mochi ayatuo tamba na besu saa ne Bosomwa Yeso ayangi na toka ka besu, ²² kpanga ubatizo a Yoani mopaka esa no aya dhafi kegoo mosa'asu, abiki musuuda na besu a ufufuko nake." ²³ Baobisa boko babee mosa, Yozefu n'mbo bamoofhani Barisaba, baya moofhani goto Yusito, na Matiasi. ²⁴ Bao mema na gea, " Obe, Bosomwa, oubi meema a bkpa bobu, oso'onisa ani subia bune babee n'mbe on'sombu ²⁵ aboe oma ka uduma na kogoigi n'ne Yuda aya gee mbamba ona nake sisake." ²⁶ Bao maka sembe kego'abo, aon,gulia Matiasi, na ongeza esabu ka bagoigi komi na ibee.